පොසොන් පොහෝ දින (ජුනි 12 වැනිදා) ධර්ගා නගරයේදී කුරුඳුවත්ත ශ්‍රී විජයාරාම විහාරාධිපති අයගම විජිත හිමියන්ට පහර දුන් සැකකරුවන් තිදෙනාව රුපියල් එක්‌ලක්‍ෂ පනස්‌දහසක ශරීර ඇප මත මුදාහරින ලෙස කළුතර ප්‍රධාන මහෙස්‌ත්‍රාත් අජිත් එම්. මාසිංහ මහතා ඊයේ (2 වැනිදා) නියම කළේය.
ජුනි මස 12 වැනිදා සිට රක්‍ෂිත බන්ධනාගාරගතව සිටි මෙම සැකකරුවන් තිදෙනාව ස්‌වාමීන් වහන්සේ ඇතුළු සිවුදෙනකු විසින් හඳුනාගැනීමේ පෙරෙට්‌ටුවේදී සැකකරුවන් තිදෙනා හඳුනා ගනු ලැබීය.
එක්‌ අයෙකුට රුපියල් 50,000 බැගින් මෙසේ ඇප නියම වූයේ මොහොමඩ් අමිත් මොහොමඩ් අන්නා, මොහොමඩ් අමිත් මොහොමඩ් අෂ්පර් හා මොහොමඩ් අමිත් මොහොමඩ් අප්සාර් යන තිදෙනාටය. අලුත්ගම පොලිස් ස්‌ථානාධිපති ප්‍රධාන පොලිස් පරීක්‍ෂක ආර්. පී. කේ. ඒ. ජයසම්පත් රණසිංහ මහතාගේ උපදෙස්‌ පිට සැරයන් 14504 රාජකරුණා මහතා අධිකරණයට කරුණු ඉදිරිපත් කළේය.
විජයසිරි විද්‍යාසේකර - කළුතර සමූහ
http://www.divaina.com/2014/07/03/provin02.html
]
සිරියාවේ සහ ඉරාකයේ අත්පත් කරගත් ප‍්‍රදේශ ඒකාබද්ධ කරමින් අයිසිස් සංවිධානය විසින් ඉස්ලාමීය රාජ්‍යයක් ප‍්‍රකාශයට පත් කර ඇත.
මේ සමග අයිසිස් සටන්කාමීන් දැරූ ඉරාක ඉස්ලාමීය රාජ්‍යය සහ ලෙවන්ට් යන නාමයෙන් ඇතැම් කොටස් සංශෝධනය කරමින් ඉස්ලාමික රාජ්‍යය ලෙස සංවිධානය යළි නම් කර ඇතැයිද පැවසේ.
එහි ප‍්‍රධානි අබු බකර් අල් බැග්ඩෑඩි විසින් නිකුත් කරන ලද විනාඩි 19ක් දිගැති හඬපටයකින් ලෝකවාසී සියලූ මුස්ලිම් ජනතාවට ආරාධනා කර ඇත්තේ මුස්ලිම්වරුන්ගේ රාජ්‍යයට පැමිණ පදිංචි වන ලෙසයි.
සිරියාව සිරියානුවන් සඳහාත් ඉරාකය ඉරාක ජනයා සඳහාත් නොවන බව බැග්ඩෑඩි පවසා තිබේ.
විශේෂයෙන්ම උගතුන්, විනිසුරුවරුන්, වෛද්‍යවරුන්, ඉංජිනේරුවන් සහ මිලිටරි සහ පරිපාලන පසුබිමක් සහිත පුද්ගලයන් නව ඉස්ලාමික රාජ්‍යයට සංක‍්‍රමණය වී මුස්ලිම්වරුන් වෙනුවෙන් සිය වගකීම ඉටු කරන ලෙසද ඔහු පවසා ඇත.
මධ්‍යම අප්රිකානු ජනරජයේ සිට මියන්මාරය දක්වා මුස්ලිම් ජනතාව අසාධාරණයට පත් රටවල් ගණනාවක ලැයිස්තුවක් ඉදිරිපත් කර ඇති අබු බකර් බැග්ඩෑඩි පවසා ඇත්තේ පසුව හෝ ඒ අපරාධයන්ට එරෙහිව පළිගන්නා බවයි.
රාමසාන් ශුද්ධ මාසයෙ තුළදී සටන් උත්සන්න කරන ලෙසද ඔහු විසින් අණ කර ඇතැයි පැවසේ.
ඉස්ලාමික රාජ්‍යය සංවිධානය විසින් බැග්ඩෑඩි සිය නායකත්වයට පත්කර ගෙන ඇති අතර ඉස්ලාමික රාජ්‍යයේ කාලිෆ්වරයා ලෙසත් ලොව සියලූ මුස්ලිම් ජනතාවගේ නායකයා ලෙසත් නම් කර ඇතැයිද වාර්තා වේ.
http://lankacnews.com/sinhala/foreign-news/118427/
Pic
Source
මුස්ලිම් ජනගහනය වැඩි රටවල මුස්ලිම් අන්තවාදය එරෙහි ජනමතය වර්ධනය වීමේ ප‍්‍රවණතාවයක් පවතින බව සමීක්ෂණයකින් අනාවරණය වී තිබේ.
රටවල් 14ක 14200 දෙනෙකු පමණ පිව් සමීක්ෂණ මධ්‍යස්ථානය විසින් සිදුකළ මෙම සමීක්ෂණය හා සම්බන්ධවී ඇති අතර ඔවුන් පවසන්නේ අන්තවාදී මුස්ලිම් කණ්ඩායම් වලට තිබූ සහයෝගය අහිමි වෙමින් පවතින බවයි.
සමීක්ෂණය සිදුකළ අපේ‍්‍රල් 10 සිට මැයි 25 දක්වා කාලසීමාව වන විට ඉස්ලාමික රාජ්‍යය ලෙසින් දැන් හඳුන්වන අයිසිස් සංවිධානය විසින් ඉරාකයේ මොසුල් නගරයේ බලය අත්පත් කරගෙන නොමැති වීමද විශේෂත්වයකි.
ලෙබනනයේ සුන්නි, ෂියා සහ ක‍්‍රිස්තියානි ජනතාවගෙන් 92%ක්ම මුස්ලිම් අන්තවාදයට එරෙහි බව පවසා ඇති අතර සිරියානු අර්බුදයෙන් සරණාගතයන් බොහොමයක් පලා යන ජෝර්දානය සහ තුර්කිය තුළද එවැනි මතයක් ගොඩනැගී ඇතැයි අනාවරණය වී තිබේ.
පිව් වාර්තාවේ දැක්වෙන්නේ බංග්ලාදේශයේ 69%ක් පකිස්ථානයේ 66% සහ මැලේසියාවේ 63%ක් දෙනා අන්තවාදයට විරුද්ධ වන බවයි. කෙසේවෙතත් ඉස්ලාමික ජනගහනය වැඩිම රට වන ඉන්දුනීසියාව තුළ එවැනි අදහසක් නොපවතින බවද හෙළිවී ඇත.
මේ වසරේදී පාසල් දැරියන් 200 දෙනෙකු පැහැරගත් නයිජීරියාවේ බොකෝ හරාම් සංවිධානයට නයිජීරියානුවන්ගෙන් 79%ක් විරෝධය දක්වා ඇති අතර 59%ක් පකිස්ථානුවන් තලේබාන් සංවිධානය බැහැර කර ඇතැයි පැවසේ.
http://lankacnews.com/sinhala/foreign-news/118443/
Pic
Source
ශ්‍රී ලංකාවේ සිටින මදුරු විශේෂ 140 කට ආසන්න ප්‍රමාණයක්‌, ජනාශ්‍රිතව ජීවත් වෙමින් මිනිසාට වින කරන මදුරුවන් මර්දනය සඳහා වසර 20 කට අධික කාලයක්‌ මා විසින් සිදු කළ විවිධ උපක්‍රමවල සාරාංශයක්‌ මෙයින් දක්‌වමි.
1. මදුරුවන් ගෙවතුවල නියමිත ස්‌ථාන කිහිපයක පමණක්‌ සෑම දිනකම සවස 4 - 6 අතර කාලය තුළ රංචු ගැසි පියඹනු දක්‌නට ලැබේ. එම මදුරු රංචුව වෙත වෙළඳපොළෙන් මිලට ගත හැකි සුදුසු මදුරු ස්‌ප්‍රේ විදිනයක්‌ මගින් දිනපතා මදුරු මර්දන රසායනික ස්‌ප්‍රේ කිරීම කළ යුතුය. මදුරුවන් ක්‍රමයෙන් අඩුවන විට දිනක්‌ හැර දිනක්‌ එය භාවිතා කළ හැක. මෙය මාසයක්‌ දෙකක් සිදු කිරීමෙන් සාර්ථකව මදුරු ගහනය අඩුකළ හැක.
2. මේ වනවිට නගරයෙන් බැහැර ගෙවතුවල ළිං ජලය ලබාගත් බොහෝ නිවාසවල ළිඳට වතුර මෝටරයක්‌ සවිකර තිබෙනු දක්‌නට ඇත. එවිට නිශ්චලව පවතින ජලයේ පහසුවෙන් මදුරුවන් බෝවෙති. ඒ සඳහා ගත හැකි පියවර නම් මදුරු කීටයන් ආහාරයට ගන්නා ගුරාමි වැනි මත්ස්‍යයන් දෙතුන් දෙනෙකු ළිඳ තුළට දැමීම හෝ ළිඳ මතුපිටට පොල්තෙල් මේස හැන්දක්‌ පමණ දමා තුනී තෙල් තට්‌ටුවක්‌ ජලයේ තැබීමට සැලස්‌වීමයි. තෙල් තට්‌ටුව නිසා මදුරු කීටයන් උඩටවිත් අම්ලකර ලබා ගැනීමට නොහැකි වෙයි.
3. මාර්ග දෙපස ඇති කාණුවල ඇතැම් විට ජලය ගලා නොගොස්‌ එකතැන රැඳෙයි. එය බොහෝවිට නාගරික ප්‍රදේශවල දක්‌නට ඇත. එවැනි විටකදී ද ජලය රැඳෙන තැන් බලා එතැනට ඕනෑම තෙල් වර්ගයක්‌ සුළු වශයෙන් හෝ කාණුවේ ජලය මතට දැමීමෙන් මදුරු ගහනය බෝවීම නතර කළ හැක. ඇතැම් අර්ධ නාගරික ප්‍රදේශවල මාර්ග දෙපස කාණුවල මසුන් සිටින විට එය කිරීමට අවශ්‍ය නැත.
4.මදුරුවන් නිවස තුළට පැමිණෙන සියලුම සුළං කපොලු කුඩා සිදුරු ඇති ප්ලාස්‌ටික්‌ දැල් යොදා ආවරණය කිරීම.
එස්‌.එච්. පෙරේරා
http://www.divaina.com/2014/07/03/feature02.html
අලුත්ගම සහ බේරුවල ප්‍රදේශවලදී ඇතිවූ ගැටුම්කාරී සිද්ධීන් සම්බන්ධයෙන් ප්‍රශ්න කිරීම සඳහා බොදුබල සේනා සංවිධානයේ මහලේකම් ගලගොඩඅත්තේ ඥනසාර හිමියන් ඊයේ (02 වැනිදා) දහවල් අපරාධ පරීක්‍ෂණ දෙපාර්තමේන්තුව භාරයට (සී. අයි. ඩී.) ගන්නා ලදී.
ඉහත කී ගැටුම්කාරී සිද්ධීන්වලට බොදුබල සේනා සංවිධානය සම්බන්ධනම් තමන් වහන්සේ අත්අඩංගුවට ගන්නා ලෙස ඥානසාර හිමියන් විසින්ම රජයෙන් ඉල්ලීමක්‌ කර තිබිණි. (ඒ බව ඊයේ 2 දා "දිවයින" පත්‍රයේ මුල් පිටුවේම පළ විය.)
අලුත්ගම සහ බේරුවල නගරවල ඇතිවූ ගැටුම්කාරී සිද්ධීන් සඳහා මහජනතාව පෙළඹ වූ බවට බොදු බල සේනා සංවිධානය වෙත මීට පෙර චෝදනා එල්ල වී තිබිණි.
මෙම සිදුවීම් සම්බන්ධයෙන් ප්‍රශ්න කිරීම සඳහා ගලගොඩඅත්තේ ඥනසාර හිමියන්ට අපරාධ පරීක්‍ෂණ දෙපාර්තමේන්තුව වෙත පැමිණෙන ලෙස දැනුම් දී තිබුණේය.
ඒ අනුව උන්වහන්සේ ඊයේ දහවල් 1.00 ට පමණ අපරාධ පරීක්‍ෂණ දෙපාර්තමේන්තුව වෙත පැමිණ සිටියහ. පසුව ඥනසාර හිමියන් අපරාධ පරීක්‍ෂණ දෙපාර්තමේන්තුව භාරයට ගෙන ඊයේ සවස්‌ වනතුරුම ප්‍රශ්න කිරීමට කටයුතු කරන ලදී.
ප්‍රශ්න කිරීම්වලින් පසුව ඥනසාර හිමියන් මුදා හැරීමට කටයුතු කරන බව පොලිස් මූලස්‌ථාන ආරංචි මාර්ග කියා සිටියේය.
අලුත්ගම සහ බේරුවල ඇතිවූ ගැටුම්කාරී සිදුවීම්වලට මූලිකත්වය ගෙන කටයුතු කරනු ලැබුවේ කවුදැයි යන්න සෙවීම සඳහා අපරාධ පරීක්‍ෂණ දෙපාර්තමේන්තුව පුළුල් විමර්ශනයක්‌ ආරම්භ කර තිබේ.
හේමන්ත රන්දුණු
http://www.divaina.com/2014/07/03/news01.html
]
අන්තවාදී මුස්ලිම් කල්ලිවල ගැටුම් රටේ ආරක්ෂාවට තර්ජනයක් යයි ජාතික හෙළ උරුමය පවසයි. මේ බව දැක්වෙන්නේ එම පක්‍ෂය විසින් නිකුත් කර ඇති නිවේදනයකය.
එම සම්පූර්ණ නිවේදනය මෙසේය.
කල්මුණේ සයින්දමරුදු ප‍්‍රදේශයේ මුස්ලිම් පල්ලියක් ඉදිකිරීම සම්බන්ධයෙන් මුස්ලිම් අන්තවාදී කණ්ඩායම් දෙකක් අතර ගැටුමක් ඇතිවී ඇත. එක්තරා මුස්ලිම් අන්තවාදි සංවිධානයක් විසින් ඉඩමක පල්ලියක් ඉදිකිරීමට සැළසුම් කර ඇති අවස්ථාවේදී තවත් අන්තවාදි කණ්ඩායමක් එම ස්ථානයට ගොස් එම ගොඩනැගිල්ල ඉදිකිරීමට විරුද්ධව ප‍්‍රචණ්ඩකාරිව පහරදීම් සිදුකර ඇත. මුස්ලිම් සමාජය තුළ මේ සිදුවෙමින් පවතින්නේ කුමක්ද? මුස්ලිම් සමාජයේ එකිනෙකට වෙනස් විශ්වාසයන් මත කටයුතු කරන මෙම අන්තවාදී කණ්ඩායම් දෙක පිළිබඳව අප දිගින් දිගටම රටට කරුණු හෙළිදරව් කර ඇත. දැන් එම කණ්ඩායම් එළිපිට ගහමරා ගන්නට පටන්ගෙන ඇත. මෙම කණ්ඩායම් දෙක නම් තවුහිඞ් ඡමාද් (Thawheed Jamaath(TJ)) හා තබ්ලික් ඡමාද් (Tabligh Jamaath(TJ)) යන අන්තවාදී සංවිධානයන් දෙකය. මෙම මූලධර්මවාදී අන්තවාදි කල්ලි කණ්ඩායම් මුස්ලිම් සමාජය බියවද්දමින් ඔවුන්ගේ ග‍්‍රහණයට හා ප‍්‍රාණ ඇපයට ගනිමින් ඇත. මේ ආකාරයට මෙම කණ්ඩායම් දෙක අවස්ථා ගණනාවකදී ගැටුම් ඇතිකර ගත් අතර 2009 ජූලි මස 29 වන දින මෙම දෙපිරිස අතර ඇතිවු ගැටුමකින් බේරුවල ප‍්‍රදේශයේ දී දෙදෙනෙක් මියගිය අතර 41දෙනෙක් තුවාල ලැබීය. දේපළවලට ද විශාල හානි සිදුවිය.
මේ ආකාරයට පසුගිය දා හලාවත මාදම්පේ ප‍්‍රදේශය ද මෙවැනිම ගැටුමක් ඇතිවිය. කල්මුනේ අක්කරේපත්තු කාත්තන්කුඩි කින්නියා මූතූර් ප‍්‍රදේශවලට ද මෙම අන්තවාදී කල්ලි අද විවෘතව ගැටෙන්නට පටන් ගෙන ඇත. මුස්ලිම් සමාජය ඩැහැ ගැනීමටත් බෙදා ගැනීමටත් තර`ගකාරීව අන්තවාදී කි‍්‍රයාවල මෙම කණ්ඩායම් නිරතව සිටිද්දි මුස්ලිම් අන්තවාදයක් නැතැයි පවසමින් රට රවටන්නට උත්සාහ කරන අවස්ථාවාදී දේශපාලකයින්ට අපට කීමට ඇත්තේ මුස්ලිම් අන්තවාදයේ අංකුර මුස්ලිම් සමාජය තුළම ගැටුම මහපාරට ගෙනවිත් ඇතිබවයි. අද ඉරාකයේ සුන්නි – ෂියා ගැටුම පකිස්ථානයේ ඇෆ්ගනිස්ථානයේ මුස්ලිම් අන්තවාදී කල්ලි අතර ගැටුම් ලොමු ඩැහැ ගන්වන සුඵය. මේ ආකාරයටම පාකිස්ථානය තුළ කි‍්‍රයාත්මක වූ මුස්ලිම් අහමදියා කණ්ඩායම ද එරටින් පළවාහැරි අතර ඔවුන් අද ශී‍්‍ර ලංකාවේ ආගමික සරණාගතයන් ලෙස පැමිණ ශී‍්‍ර ලංකාව තුල කි‍්‍රයාත්මක වෙයි. මුස්ලිම් සමාජයේ විශ්වාසයන් ඇඳුම් පැළඳුම් ආහාර පිළිවෙත් පිළිබඳව අද මුස්ලිම් සමාජය තුළම කල්ලි කණ්ඩායම් හරහා දියත් කරන නියෝග අවසානයේ පාකිස්ථානයේ ඉරාකයේ මෙන් ලේ වැගිරීමක් දක්වා ගමන් නොකර යැයි කිව හැක්කේ කාටද? බෞද්ධ අන්තවාදයක් පිළිබඳව බොරු බේගල් ඇදබාමින් බෞද්ධයින්ට තඩිබානවා වෙනුවට මුස්ලිම් සාමජය තුළ හිස ඔසවන මේ අන්තවාදි භායානක අංකුර මැඩලීමට අවශ්‍ය පියවර ගන්නා මෙන් රජයටත් ආරක්‍ෂක අංශවලටත් අප බලකර සිටිමු.
නිශාන්ත ශී‍්‍ර වර්ණසිංහ, මාධ්‍ය ලේකම්, ජාතික හෙළ උරුමය
http://lankacnews.com/sinhala/news/118357/
අතීතයේ ඓතිහාසික යුගයන්හිදී ලාංකීය කලාව පෝෂණය කරන ලද විවිධ ශෛලීන්ගේ කලාකෘති ලංකාවේ විවිධ ප්‍රදේශවල දක්‌නට ලැබේ. ඒ අතුරින් සිතුවම්වලට විශේෂ ස්‌ථානයක්‌ හිමි වේ. සිගිරි චිත්‍ර, කැලණි විහාරයේ සිතුවම්, තිවංක පිළිම ගේ සිතුවම්, පොලොන්නරුව ගල් විහාරයේ සිතුවම්, අභයගිරිය, ඡේතවනය සහ මිහින්තලය කන්ඨක චෛත්‍යයේ ධාතු ගර්භවල සිතුවම්, දෙගල්දොරුව, හිඳගල, මුල්කිරිගල, නුවර, දඹදෙණි යුගවල සිතුවම් ආදිය සිතුවම් කලාවට නව අරුතක්‌ එක්‌ කරන ලද සිතුවම් වේ. මේවා කාලයත් සමග විනාශ වීම සහ හායනයට ලක්‌වීම නොවැළැක්‌විය හැකි හේතුවකි. එනිසා සියලුම ඓතිහාසික සිතුවම් අනාගතයේදී යමකුට නැවත ඇඳීමට අධ්‍යයනය කිරීමේ පහසුවට හෝ දැක ගැනීම සඳහා දැනට පවතින තත්ත්වය ඡායාරූප මගින් වාර්තාගත කිරීමට පුරාවිද්‍යා දෙපාර්තමේන්තුව තීරණය කර ඇත.
එම දීර්ඝකාලීන වැඩසටහනේ මුල් පියවර ලෙස කැලණි විහාරයේ බිතු සිතුවම් ඡායාරූප වාර්තාගත කිරීම මේ වන විට සිදුකරමින් පවතී. කැලණි විහාරයේ බිතු සිතුවම් තුළින්, මහනුවර යුගයේ මෙන්ම නූතන කලාවේ හැරවුම් ලක්‌ෂයක්‌ ලෙස හැඳින්විය හැකි සෝලියස්‌ මෙන්දිස්‌ගේ සිතුවම්වල සුවිශේෂිත්වය විද්‍යමාන වේ.
දීපව්‍යාප්ත පුරාවිද්‍යා ස්‌ථානවල මෙවන් වැඩසටහනක්‌ දියත් කරන පළමු අවස්‌ථාව මෙය වන අතර මෙම ඡායාරූප ඉතා ප්‍රවේශමෙන් හා සැලකිල්ලෙන් නියමිත විද්‍යානුකූල ක්‍රමවේද යටතේ සිතුවම්වලට හානියක්‌ නොවී දැනට පවතින තත්ත්වය වාර්තාගත කෙරෙන බැවින් දිගු කාලයක්‌ ගතවන බව පුරාවිද්‍යා අධ්‍යක්‍ෂ ජනරාල් ආචාර්ය සෙනරත් දිසානායක මහතා ප්‍රකාශ කර සිටී.
වාසල සේනාරත්න
http://www.divaina.com/2014/07/02/provin01.html
අලුත්ගම ධර්ගා නගරය ගැටුමට මුල බොදුබල සේනා සංවිධානය නම් තමන් වහන්සේ අත්අඩංගුවට ගන්නා ලෙස එම සංවිධානයේ මහ ලේකම් රාජකීය පණ්‌ඩිත ගලගොඩඅත්තේ ඥණසාර හිමියෝ ඊයේ (01 වැනිදා) රජයෙන් ඉල්ලා සිටියහ.
මුස්ලිම් ලෝකය හා බටහිර ලෝකය සැනසීම වෙනුවෙන් වැරදි නොකළ සිංහල තරුණයන් බුරුතු පිටින් අත්අඩංගුවට ගැනීම වහා නතර කර අත්අඩංගුවට ගත් තරුණයන් නිදහස්‌ කරන ලෙසත් උන්වහන්සේ ඉල්ලීමක්‌ කළහ.
බෞද්ධ සමාජයට සහ බොදු බලයට අතපෙවීමට විත් විහින් නැහෙන්න එපා යෑයි ආණ්‌ඩුවට, විපක්‍ෂයට හා අනෙකුත් සංවිධානවලට සිහිපත් කරන බව අවධාරණය කළ ඥනසාර හිමියෝ තම සංවිධානයට ද ඉවසීමේ සීමාවක්‌ ඇතැයි කියා සිටියහ.
වරදක්‌ නොකළ තරුණයන් අත්අඩංගුවට ගැනීමේ ක්‍රියාවලිය නතර නොකළහොත් රට පුරා තව නොයෙක්‌ සිදුවීම් විය හැකි බවට අනතුරු හැඟවූ උන්වහන්සේ තම සංවිධානයට ඇත්තේ හදවතේ පවතින සත්‍ය කතා කිරීමේ එකම න්‍යාය පත්‍රය පමණක්‌ බවත් සඳහන් කළහ.
ගලගොඩඅත්තේ ඥනසාර හිමියෝ ඊයේ (01 වැනිදා) එම අදහස්‌ පළ කළේ කිරුළපන බෝධි බෞද්ධ මන්දිරයේ පැවැති මාධ්‍ය හමුවකදී අදහස්‌ දක්‌වමිනි.
සිරිමන්ත රත්නසේකර
http://www.divaina.com/2014/07/02/news02.html
චීනය හා පකිස්‌තානය අතර දුම්රිය මාර්ගයක්‌ තැනීමට බීජින් පාලනය කැමැත්ත පලකර ඇත. චීනයේ ෂින්ජියැන් ප්‍රාන්තය හරහා මෙම දුම්රිය මාර්ගය ඉදිවනු ඇත.
කිලෝමීටර් 1800 ක දුම්රිය මාර්ගය පකිස්‌තානයේ ග්වාදාර් වරාය හා සම්බන්ධවනු ඇත.
මේ දුම්රිය මාර්ගය ඉදිකිරීම සම්බන්ධව මූලික පර්යේෂණ කටයුතු දැනටමත් ආරම්භ වී ඇත.
http://www.divaina.com/2014/07/01/forign04.html
පකිස්‌තානයේ පන්ජාබ් ප්‍රාන්තයේ අලුත විවාහ වූ යුවලක්‌ ගෙල සිඳ මරා දමා ඇත.
මොවුන් දෙදෙනා මහපාරට ඇද දමා ප්‍රසිද්ධියේම ගෙල කපා මරා දමා ඇත. මෙසේ මරණයට පත්ව ඇත්තේ මුෆයා බිබී හා සජාඩ් අහමඩ් යන යුවලයි. මවුපියන්ගේ කැමැත්තෙන් තොරව මෙම තරුණිය විවාහ වී ඇත. ඒ ගැන උරණ වූ ඇගේ පියා ඇතුළු ඥති පිරිසක්‌ මෙම කෲර ඝාතනය සිදු කර ඇත. විශාල පිරිසක්‌ මෙම ඝාතනය දැන ඇතත් කිසිවකු මෙය වැලැක්‌වීමට ඉදිරිපත් වී නැත.
http://www.divaina.com/2014/07/01/forign03.html
ඝන අපද්‍රව්‍ය ශිෂ්ටාචාරයේ හා නාගරීකරණයේ මෙන්ම දියුණුවේ අතුරු ප්‍රතිඵලයක්‌ වන අතර, මෙය පරිසරයේ නොයෙකුත් තැන්වල ගොඩගසනු අපට දැකගත හැකිය. එක්‌සත් ජනපදයේ සාමාන්‍යයෙන් පුරවැසියකු විසින් තම ශරීර බර මෙන් ප්‍රමාණයක අපද්‍රව්‍ය එක්‌ මසකදී පරිසරයට එකතු කරනු ලබයි. අපද්‍රව්‍ය කළමනාකරණය යහපත් අයුරින් සිදුවන විට අප එය ගැන වැඩි අවධානයක්‌ යොදවන්නේ නැත. ඉවත ලන දෑ එකතු කර කොටසක්‌ ප්‍රතිචක්‍රීකරණය කරන අතර තවත් කොටසක්‌ කොම්පොස්‌ට්‌ නිපදවීමට යොදාගනී. විශාල ප්‍රමාණයක්‌ වූ අපද්‍රව්‍ය මගින් පරිසරය පුරවන අතර තවත් කොටසක්‌ දහනය කර අළු කරනු ලැබේ. කෙසේ වුවද, මේ පිළිබඳ වූ ලෝක මතය අසතුටුදායක යෑයි පැවසිය හැකිය. කෙසේ වෙතත් බොහෝ දියුණු රටවල් අපද්‍රව්‍ය කළමනාකරණය හා ප්‍රතිචක්‍රීකරණය මගින් අතිවිශාල පාරිසරික මෙන්ම ආර්ථීක වාසි ලබා ගන්නා බව පෙනීයයි.
පසුගිය ශත වර්ෂය තුළදී ජනගහනය ඉතා සීඝ්‍රයෙන් වර්ධනය වූ අතර බොහෝ පිරිස නාගරීකරණය ප්‍රිය කරමින් නගරවල ජීවත්වීමට හුරු වී ආර්ථීක අතින්ද යහපත් ජීවිතයකට පුරුදු වී සිටින බව දැකිය හැකි නමුත් ඔවුන්ගේ අපද්‍රව්‍ය නිෂ්පාදනය දහගුණයකින් පමණ වැඩි වී ඇත. ලෝක බැංකුව මගින් 2012 වසරේ පළ කරන ලද වාර්තාවකට අනුව මෙම අපද්‍රව්‍ය ප්‍රමාණය 2025 වසර වනවිට දෙගුණ වනු ඇතැයි පෙන්වා දෙයි. අපද්‍රව්‍ය නිපදවීම අනෙකුත් පරිසර දූෂකයන්ට වඩා සීඝ්‍රයෙන් වර්ධනය වන බවක්‌ පෙන්නුම් කරයි. විශාල ලෙස ප්ලාස්‌ටික්‌ මුහුදට, ජලාශවලට හා ගංගාවලට එකතුවීම විශාල ගැටලුවක්‌ වී ඇති අතර ප්ලාස්‌ටික්‌ හා පොලිතින් නිසා බොහෝ නගරවලට ගංවතුර තර්ජන ඇතිවී තිබෙන බවද වාර්තා වේ. අද වනවිට ඝන අපද්‍රව්‍ය කලමණාකරණය නගර සභා වලට ප්‍රධාන ගැටලුවක්‌ වී ඇති අතර එයට ඔවුන් විශාල ලෙස මුදල් වෙන් කරන්නේය.
අපද්‍රව්‍ය ප්‍රශ්නය ඉතා දරුණුවට බලපාන්නේ නව නගරවල බව පැවසේ. චීනය, දකුණු කොරියාව, බ්‍රසීලය හා මෙක්‌සිකෝවේ සමහර නගරවල ගොඩගසන අපද්‍රව්‍ය ප්‍රමාණය විශාල වන අතර, දිනකට එකතුවන ප්‍රමාණය ටොන් 10000 ඉක්‌මවයි. ලෝක අපද්‍රව්‍ය පුළුස්‌සා දමන ප්‍රධාන ස්‌ථාන 2000ට වැඩිය වාර්තා වෙයි. මෙහි ප්‍රධාන ස්‌ථානවලදී දිනකට ටොන් 5000ට වැඩි ප්‍රමාණයක්‌ පුළුස්‌සා දමන අතර, අළු පිට කිරීම හා වායු දූෂණය ගැන දැඩි අවධානය යොමු වී ඇත. මේ සඳහා අති විශාල මුදල් ද වැය වන බව වාර්තා වෙයි.
නගරවැසියන් පොහොසත් වන විට ඔවුන් මුදාහරින අපද්‍රව්‍ය ප්‍රමාණය ඉහළ ප්‍රමාණයකට පැමිණියත් ධනවතුන් අපද්‍රව්‍ය කළමනාකරණයට පෙළඹෙන බවක්‌ද දැකිය හැක. ලොව පුරා ජීවන තත්ත්වය උසස්‌වීම හා නාගරික ජනගහනය ස්‌ථායී වීම මගින් ලෝක අපද්‍රව්‍ය නිපදවන ප්‍රමාණයේ උච්ඡ අවස්‌ථාවට පැමිණේ. එය කොයි කාලයේ සිදුවේදැයි අනාවැකි කිව නොහැක. පවතින්නාවූ ආර්ථීක සමාජ තත්ත්වයන් අනුව ගණනය කිරීමේදී මෙම සියවස තුළ අපද්‍රව්‍ය නිපදවන ප්‍රමාණය උච්ඡ නොවන බව පැවසිය හැක. ජනගහනය වර්ධනය අඩු කිරීම හා සම්පත් හා අමුද්‍රව්‍ය භාවිතය පාලනය නොකළහොත් පෘථිවිය අතිවිශාල අපද්‍රව්‍ය ප්‍රශ්නයකට ලක්‌වන බව පෙන්වා දිය හැකිය. මෙය පරිසර සංරක්‍ෂණය වැනි දැඩි අවධානයට යොමුව ඇති තවදුරටත් යොමු විය යුතු ඉතා වැදගත් පාරිසරික ගැටලුවකි.
නාගරික ප්‍රශ්නය
ඝන අපද්‍රව්‍ය ප්‍රධාන වශයෙන්ම නාගරීකරණය හා බැඳි සංසිද්ධියකි. ගම්බද ජනාවාසවල අසුරන ලද ද්‍රව්‍ය භාවිතය ඉතා අඩුය. ආහාර නාස්‌තියද අවම වන අතර විශාල ලෙස නිෂ්පාදනයන් සිදු නොකරයි. ආර්ථීක අතින් සම තත්ත්වයේ සිටිනා නාගරික වැසියෙකු ගම්බද වැසියෙකුමෙන් දෙගුණයක අපද්‍රව්‍ය මුදාහරී. අප පොහොසත් යෑයි හඳුන්වන නාගරික වැසියකු සාමාන්‍ය වැසියකු මෙන් හතරගුණයක අපද්‍රව්‍ය බැහැර කරයි. මෙයින් පෙනීයන්නේ පොහොසතුන් පරිසර සංරක්‍ෂණය ගැන වැඩි සැලකිල්ලක්‌ නොදක්‌වන බවයි.
නාගරීකරණය වැඩිවත්ම ලෝකයේ අපද්‍රව්‍ය නිපදවන ප්‍රමාණය වර්ධනය වේ. වර්ෂ 1900 දී ලොව පුරා නාගරික වැසියන් මිලියන 220ක් පමණ සිටි අතර, එය ලෝක ජනගහනයෙන් 13% කි. මොවුන් විසින් දිනකට ටොන් 300,000කට ආසන්න ප්‍රමාණයක අපද්‍රව්‍ය මුදාහරින ලදී. මෙහි ප්‍රධාන වශයෙන් නිවෙස්‌වල අබලි ද්‍රව්‍ය, ආහාරමය අපද්‍රව්‍ය, අළු හා ඇසුරුම් ද්‍රව්‍ය බව සඳහන් කළ හැක. වර්ෂ 2000දී බිලියන 2.9 ජනයා නගරවල විසූ අතර එය ලෝක ජනගහනයෙන් 49%කි. ඔවුන් විසින් දිනකට ඝන අපද්‍රව්‍ය ටොන් මිලියන 3ක් පරිසරයට මුදාහරින ලදී. මෙය 2025 වර්ෂයේදී දෙගුණයක්‌ වනු ඇත. එය කිලෝ මීටර් 5000ක් දුරකට පෙළට කසළ පිරවූ ට්‍රක්‌රථ තැබිය හැකි ප්‍රමාණයකි. එය දෙවුන්දර තුඩුවේ සිට පේදුරුතුඩුව දක්වා දුර මෙන් දස ගුණයකටත් වැඩිය.
ආර්ථීක සහයෝගිතාව හා සංවර්ධනය නමැති සංවිධානයට අයත් රටවල් ලොව විශාලම අපද්‍රව්‍ය නිපදවන්නන් වන අතර එය දිනකට ටොන් මිලියන 1.75කි. මෙම ප්‍රමාණය වර්ෂ 2050 පමණ වනතෙක්‌ වර්ධනය විය හැකි අතර, එයට වර්ධනය වන්නාවූ නාගරික ජනගහනය හේතුවනු ඇත. ඉන්පසු විද්‍යාවේ දියුණුවත් ආර්ථීක දියුණුවත් සමග තුනී හා කුඩා ප්‍රමාණයේ නිෂ්පාදන හා සීමිත සම්පත් පරිහරණය මගින් අපද්‍රව්‍ය නිෂ්aපාදනය අඩු විය හැක.
සමහර රටවල් වැඩියෙන් අපද්‍රව්‍ය නිපදවන බව පෙනීයයි. එක පුද්ගල ආදායම සම තත්ත්වයේ පවතින ජපානය හා ඇමරිකාව සැසඳීමේදී ජපාන වැසියකු ඇමරිකානුවෙකුට වඩා තුනෙන් පංගුවකින් පමණ අඩු අපද්‍රව්‍ය නිපදවන බව පෙන්වා දී ඇත. මෙයට හේතු වන්නේ ඔවුන්ගේ සංස්‌කෘතිය, අධික වූ ජනගහන ඝනත්වයක්‌ ඇතිව ජීවත්වීම හා ආනයනය සඳහා අධික වියදමක්‌ දැරීමට සිදුව තිබීම දැක්‌විය හැකිය. කාලය අනුවද අපද්‍රව්‍ය නිපදවන ප්‍රමාණය වෙනස් විය හැක. උද්‍යාන කටයුතු හා ආහාරමය අපද්‍රව්‍ය හා නාස්‌තිය 30%කින් උච්චාවචනය වේ. නත්තලට පසු සතියේ කැනඩාවේ ගෘහාශ්‍රිත අපද්‍රව්‍ය ප්‍රමාණය දෙගුණයක්‌ වේ.
ආර්ථීක සහයෝගිතාව හා සංවර්ධනය නමැති සංවිධානයට අයත් රටවල් අපද්‍රව්‍ය අවම කිරීමේ ප්‍රවණතාව සලකා බැලීමේදී නැගෙනහිර ආසියාවට වැඩි අවධානය යොමුවන අතර විශේෂයෙන්ම එය චීනයයි. චීනයේ ඝන අපද්‍රව්‍ය නිපදවීම 2005 වර්ෂයේ දිනකට ටොන් 520550 වූ අතර එය 2025 වනවිට ටොන් මිලියන 1.4 දක්වා වැඩි විය හැක. මේ වන විට ලෝකයේ අපද්‍රව්‍ය නිපදවීම සීග්‍රයෙන් වර්ධනය වන්නේ නැගෙනහිර ආසියාවේ වන අතර, වර්ෂ 2025 වනවිට එම තත්ත්වය දකුණු ආසියාවට හිමි වීමට හැක. විශේෂයෙන් ඉන්දියාව අධික අපද්‍රව්‍ය නිපදවීමට ඉඩ තිබේ. වසර 2050 වනවිට උප සහරා අප්රිකානු රටවල් අධික වූ අපද්‍රව්‍ය නිපදවන රටවල් බවට පත් විය හැකි බව පැවසේ.
රටක්‌ ආර්ථීක අතින් පොහොසත් වීමේදී අපද්‍රව්‍ය නිපදවීමේ ප්‍රවනතාව එ අනුව වෙනස් වේ. මුදල් අධික වූ විට භාවිතයට ගන්නා ද්‍රව්‍ය, උපකරණවල ප්‍රමාණයද ඉහළ යන අතර, එමගින් වැඩි ප්‍රමාණයක අපද්‍රව්‍ය නිපදවේ. රටක ආර්ථීක දියුණුව, එම රටේ වැසියන් කොපමණ ප්‍රමාණයක්‌ ජංගම දුරකථන භාවිතයෙන් ඉවත් කරනවාද යන්නත් තීරණය කළ හැක. එම නිසා ඝන අපද්‍රව්‍ය නාගරීකරණය නිසා ඇතිවන පාරිසරික බලපෑම මැනිය හැකි සාධකයක්‌ ලෙස දැක්‌විය හැක. බොහෝ විට යම් ද්‍රව්‍යයක බලපෑම එහි නිෂ්පාදන භාවිතය මත රඳා පවතී.
අපද්‍රව්‍ය නිපදවීමේ උපරිමය
අපද්‍රව්‍ය නිපදවීමේ ප්‍රතිශතය වැඩිවන නාගරික ජනගහනය, ජීවන තත්ත්වය හා එහි වර්ධනය මෙන්ම මිනිසුන්ගේ ප්‍රතිචාර මත රඳා පවතී. 2012 වසරේ ලෝක බැංකු වාර්තාවකට අනුව ලෝක අපද්‍රව්‍ය නිපදවීමේ ප්‍රමාණය 2010 වසරේදී දිනකට ටොන් මිලින 3.5 ක සිට 2025 වසර වන විට දිනකට ටොන් මිලියන 6ක් දක්වා වැඩිවන බව ගණනය කර ඇත. මෙම දත්තයන් සාමාන්‍යයෙන් නිවැරදි ලෙස දැක්‌විය හැක්කේ නාගරීකරණය හා එකපුද්ගල ආදායම ඉදිරි දශක කීපයකට බොහෝදුරට කල්තියා ගණනය කළ හැකි බැවිනි.
මෙම ගණනය කිරීමට සාපේක්‌ෂව බැලීමේදී පවතින්නාවූ සාධකයන් මත ලෝක අපද්‍රව්‍ය නිපදවීමේ උපරිමය මෙම සියවසේදී සිදුවිය නොහැක. ආර්ථීක සහයෝගිතාව හා සංවර්ධනය නැමති සංවිධානයට අයත් රටවල අපද්‍රව්‍ය නිපදවීමේ උපරිමය වසර 2050 වනවිට සිදුවිය හැක. ආසියා පැසිපික්‌ කලාපීය රටවල් මෙම තත්ත්වයට 2075 වනවිට ළඟා විය හැකි අතර, උප සහරා අප්රිකානු නගරවල සීග්‍ර ආර්ථීක දියුණුවක්‌ පෙන්වන නිසා අපද්‍රව්‍ය නිෂ්පාදනයේ දැඩි වර්ධනයක්‌ දැකිය හැකිය. අප්‍රිකාවේ නාගරීකරණයේ ප්‍රවණතාව ලෝක අපද්‍රව්‍ය නිපදවීමේ උපරිමයට බලපායි.
මතුසම්බන්ධයි! (කසල සම්පතක්‌ කර ගනිමු! - 2)
මො.මු. බාහිර්, goodwillserve@gmail.com
http://www.divaina.com/2014/07/01/feature04.html
පෙර සිට මැ බටහිර රාජ්‍ය පාලකයන්ගේ අරමුණ වී ඇත්තේ තම රටවැසියනට භෞතික සම්පත් හා සුවපහසුව උපරිම මට්‌ටමින් ලබාදීමයි. සියල්ලන් එයට කැමති වන හෙයින් ඒ ලගුකොට සැලකිය නොහැකියි.
එහෙත් භෞතික සම්පත් හා සුවපහසුව භුක්‌ති විඳීමේ අර්ථයක්‌ තිබිය යුතුව සේමැ ඒ ලබාදීම සඳහා ආරක්‍ෂාකාරී නිවැරදි ක්‍රමවේදයක්‌ ද තිබිය යුතුය.
අර්ථය වන්නේ සිතේ අහිංසක ප්‍රබෝධයක්‌ ඇතිවීම හා ගතට හිතකර තත්ත්වයක්‌ ඇතිවීම හා ජීවන කටයුතු ලෙහෙසියෙන් පහසුවෙන් සරලවැ කරගත හැකි වීමයි.
ආරක්‍ෂාකාරී නිවැරදි ක්‍රමවේදයක්‌ වන්නේ එකල ජීවීන්ගේ පැවැත්ම සඳහා වන පරිසරය සුරැකීම හා අවශ්‍යතාවේ අර්ථය හා සීමාව දැන ඒ උපයෝගී කර ගැනීමයි. මේ කරුණු නොදැන හෝ නොසලකා හෝ හැඟීම්වලට හා ආසාවට වාල්ව භෞතික සම්පත භුක්‌ති විඳින්නට යැමෙන් හා සුවපහසුව ඇති කර ගන්නට යැමෙන් වන්නේ ආත්ම ලෝභී අසංවේදී කෑදර මිනිසකු බිහිවීමයි.
අද ඒ මිනිසා බිහිවී ඇති වගට අපට නම් කිසිම සැකයක්‌ නැත.
බටහිර රාජ්‍ය පාලකයන් හා උගතුන් එදා ක්‍රියාකොට ඇත්තේත් අද ක්‍රියා කරන්නේත් ඉහත කරුණු කිසිවක්‌ සැලකිල්ලට ගෙන නොවේ. එයට හේතුව මිනිහා මිහිපිට ප්‍රබලයාය සියල්ල මිනිසා සඳහාය. ඔහු භෞතික සම්පත් ගොදුරුකර ගෙන මිහිමත ඉසුරුමත් සුඛෝපභෝගී ජීවිතයක්‌ ගත කළ යුතුය යන කුරිරු මිථ්‍යා සංකල්පය ඔවුන් ආදර්ශ පාඨය හැටියට ගැනීමයි. බටහිරුන් ඔවුන්ගේ ගමන අරඹා ඇත්තේ මුහුදු කොල්ලයෙනි.
අනතුරු වැ වාණිජ සංස්‌කෘතිය සවිමත් කොටගෙන බලවත් වාණිජ ධනපති පන්තියක්‌ බිහිකොට ගෙන වාණිජ ව්‍යාපාර පුළුල් කොට මහා කර්මාන්ත ශාලා පිහිටුවාගෙන පරිසරය ගොදුරු කර ගැනීම ඇරැඹිණි. ඒ ඔස්‌සේ විද්‍යාව, ශිල්පීය නිපුණතාව පණ ගැන්විණි. රාජ්‍ය අච්චු පුරවැසි පුහුණුව අධ්‍යාපනය හැටියට හුවා පා ව්‍යාප්ත කිරීමෙන් සියල්ල තහවුරු කෙරිණි. අඩු තරමින් තමා මිනිසකු හැටියට ලොවට බිහිවී ඇත්තේ ඇයිද යන කරුණ සලකා බැලීමටවත් පුද්ගලයාට මේ අධ්‍යාපනයෙන් ඉඩක්‌ සලසා නැත. යහපත් පුරවැසියකු තැනීමක්‌ ගැන නිබඳ පාරම්බානු ඇසේ. හරිහමන් මිනිසකු නොවී යහපත් පුරවැසියකු වන්නේ කෙසේද? මේ නම් හිස් කියමනෙකි. අපේ අධ්‍යාපන විසාරදයනට මේ කරුණ නොවැටහේ.
අද ඒ ගෝලීය කරණය යන නමින් පොලෝතලය ජල තලය, වාතලය, හිරුකිරණ වන පෙත් හා සතා සිවුපාවා ද ගොදුරු කර ගෙන විස ගන්වා විපරිත කිරීමේ ලෝක වාණිජ ව්‍යාපාරයක්‌ බවට ද පත්වැ ඇත. විද්‍යා දියුණුව ලෝක සංවර්ධනය ආර්ථිකය නැංවීම යනුවෙන් අඬහැර පාමින් අහස උසට නංවන්නට වළිකන්නේ මේ කූට කුරිරු වාණිජ ව්‍යාපාරයයි. අද ලොවේ රාජ්‍ය පාලනයක්‌ නැත. රාජ්‍ය පාලකයෝ ද නොවෙති. ඇත්තේ ලෝක මහා වාණිජ ව්‍යාපාරයේ ශාඛා හා සහායක අධ්‍යක්‍ෂ මණ්‌ඩලයයි. වාණිජ සංකල්ප "මැවීමට" සිදුවී ඇත්තේ මේ හෙයිනි.
මේ ජීව ලෝකයට මැ සාපයෙකි.
පුදුමය හා අවාසනාව නම් පෙරදිග ඥාණ දර්ශන, ජීවන දර්ශන, ජීවන මාර්ග විද්‍යා කලා ශිල්ප ආදී සියල්ල මේ විනාසකාරී පාපකාරී වානිජ වසංගතයට යටවී අහෝසි වී යැමයි. නැති නම් විපිරිත වී යැමයි.
අපේ පැරැණි සිංහල රජවරුන් රට වැසියන්ට භෞතික සම්පත් ගොඩගසා ගැනීමට හෝ නොයෙකුත් සුවපහසුකම්වලින් සංතර්පනය වීමට හෝ නොපෙලඹ වූහ. ඔවුන් රටවැසියනට අනුබල දුන්නේ පරිසරය හා බැඳි නිවැරදි අර්ථවත් සාධාරණ සරල (නිරවුල්) දිවි පෙවෙතක්‌ ගෙන යැමටයි.
අපේ මුතුන්මිත්තෝ සොබා දහම හා පරිසරය නොවන්නට තමන්ගේ පැවැත්මක්‌ නොවන වන බව හරි හැටි දැන සිටියහ. අවිචාරයෙන් බටහිරුන් පසුපස යැමෙන් අද අපි අඳුරට මුලාවට වැටී සාපය හා විනාශය දියුණුව හා සංවර්ධනය හැටියට ගෙන නන්නත්තාර වී සිටිමු.
තම රටේ වැස්‌සන් නිවහල් වැ වැඩදායක වැ සිතන්න වුන් ක්‍රියා කරන්න වුන් බවට පත් කිරීම හා සමාන වෙනත් ජන සේවාවක්‌ රාජ්‍ය පාලකයනට හා උගතුනට කළ නොහැකියි. එසේ මැ රට වැස්‌සන් ආසාවේ හා හැඟීම්වල දාසයන් බවට පත්කොට භෞතික සම්පත් හා සුවපහසුවට වහවට්‌ටා පරගැත්තන් කිරීම තරම් වෙනත් පාපයක්‌ අමන කමක්‌ ද නැත. මේ විවරණය කර ගැනීම රාජ්‍ය පාලකයන්ගේ හා උගතුන්ගේ වගකීමකි.
සාගරය, ගොඩබිම, ගුවන් තලය ජයගෙන සොබා දහමට හා පරිසරයට කොකා පෙන්නා ඉහළින් වැජැඹෙන්නට උපා මාරු යෙදීම මොන තරම් තකතීරු අමන කමක්‌ද?
අධික භෞතික සම්පත් හා සුව පහසුව අත් විඳිමින් සුර සැප ලබන්නට යැම අනෙක්‌ අතින් දරුණු රෝගයකි. අපේ අනුකාරක රාජ්‍ය පාලකයන් හා උගතුන් රෝගය ඔඩු ගිය වග පිළිගන්නේ බටහිරුන් ඔඩුගිය වග සහතික කොට ඒතතු ගැන්නූ පසුවයි.
අහෝ අපූරු රාජ්‍ය තාන්ත්‍රික ඥාණය අපාර උගත්කම.
අධික භෞතික සම්පත් හා සුවපහසුව සෙවීම ලෝක ජීවන දර්ශනය නොවී පරිසරය හා බැඳී නිවැරදි අර්ථවත් සාධාරණ සරල (නිරවුල්) දිවි පැවැත්ම ලෝක ජීවන දර්ශනය විණි නම් කිසි කලෙක මේ අවම පාපකාරී විනාසකාරී දියුණු සංවර්ධනය ඉස්‌මතු වන්නේ නැත. ආත්මලෝභී අසංවේදී කෑදර නව මානවයකු මිහිමත බිහිවන්නේද නැත.
පෙරදිග පැරැදී ඇත්තේ මෙතැනදී යෑ.
න. හෙළිඇසිරි
http://www.divaina.com/2014/07/01/feature01.html
රංදෙනිගල මිනිපේ යෝධ ඇළ අමුණ අසල මහවැලි ගඟ හරහා වූ දියපැන්නුමට පහළින් වතුරේ ගිල්වා තිබූ පෞරාණික ගල් පිළිම 05 ක් හා පිළිමයක පාදම කොටසක්‌ 28 දා සවස ගම්වැසියකු දැක හසලක පොලිසිය වෙත දන්වා ඇත.
හසලක පොලිස් ස්‌ථානාධිපති රුවන් කුමාරසේකර මහතා ඇතුළු පොලිස් නිලධාරීහු එම ස්ථානයට ගොස් පරීක්‍ෂා කර බැලූ අතර එම පිළිම වෙනත් ස්‌ථානයකින් මෙම ස්ථානයට ගෙන එන ලද ඒවා බවත් මාස ගණනකට පෙර ගෙනැවිත් දමන්නට ඇති බවත් නිගමනය කරනු ලැබූහ. මෙම පිළිම පුරාවිද්‍යා නිලධාරීන් වෙත බාරදීමට නියමිතය.
මහියංගන - රංජිත් කරුණාවීර
http://www.divaina.com/2014/06/30/news16.html
පාකිස්‌තාන ජාතිකයන්ට මෙරට ගුවන්තොටුපළේදීම වීසා ලබාදීමේ පහසුකම (Visa on arrival) නතර කිරීමට රජය තීරණය කර ඇත. ඉස්‌ලාම් අන්තවාදී කණ්‌ඩායම්වල සාමාජිකයන්ද මේ පහසුකම යොදාගෙන ශ්‍රී ලංකාවට පැමිණීමේ අනතුර වැඩි වී ඇති නිසා මෙම වීසා පහසුකම නතර කිරීමට රජය තීරණය කර ඇත.
ශ්‍රී ලාංකික මුස්ලිම් ජාතිකයකු වූ ශකීර් හුසේන් චෙන්නායි නුවරදී අත්අඩංගුවට ගැනීමත් සමග පකිස්‌තාන අන්තවාදී සංවිධාන ශ්‍රී ලංකාව හා මාලදිවයින තම ත්‍රස්‌ත මෙහෙයුම සිදුකිරීමට සංක්‍රමණ ස්‌ථානයක්‌ බවට පත්කරගෙන ඇතැයි හෙළි විය.
පකිස්‌තාන ජාතිකයන්ට පැමිණෙන විටදී වීසා ලබාදීමේ පහසුකම ගැන යළි සිතා බලන ලෙස ඉන්දීය ආරක්‍ෂක අංශ ද මෙරට බලධාරීන්ට දැනුම් දී තිබිණි.
චතුර පමුණුව
http://www.divaina.com/2014/06/30/news09.html
Pic
Source
ප්‍රංශ රජය බුර්කා තහනම ක්‍රියාත්මක කිරීමෙන් ආගමික නිදහස උල්ලංඝණය වන්නේ නැතැයි යුරෝපා අධිකරණය තීන්දු කර ඇත.
