අද උතුර නැගෙනහිර පුරාවිද්‍යා ස්ථාන ඉතා දරුණු ලෙස වනසා දමමින් ඇති බවටත් ඔවුන්ගේ ඊනියා සහජීවනය බිඳ වැටේ යැයි සිතා ඒ පිළිබඳව ජනාධිපතිවරයා, අගමැතිවරයා මෙන්ම බුද්ධශාසන, උසස් අධ්‍යාපන හා සංස්කෘතික කටයුතු අමාත්‍යවරයා ද නිහඬ පිළිවෙතක් අනුගමනය කරන බවටත් ජානිපෙ තරුණ කටයුතු පිළිබඳ ලේකම්, පාර්ලිමේන්තු මන්ත්‍රී පද්ම උදයශාන්ත ගුණසේකර මහතා චෝදනා කරයි.
බොරැල්ල එන්. එම්. පෙරේරා මධ්‍යස්ථානයේදී පැවැති ඒකාබද්ධ විපක්‍ෂයේ මාධ්‍ය හමුවක් අමතමින් ඒ මහතා මෙසේ චෝදනා කළේය.
උතුරේ මහ ඇමති සී. වී. විග්නේෂ්වරන් සිදු කරන ලද ජාතිවාදී ප්‍රකාශ අද මංගල සමරවීර වැනි දකුණේ ඇමතිවරුන් ද අනුමත කිරීම කණගාටුවට කරුණක් බවත් උතුරේ බුදු පිළිම, රණවිරු ස්මාරක ගැලවීමට උත්සාහ කරන විග්නේෂ්වරන් දැන් ‘නාගදීපය’ වැනි ‘බුදුුන්ගේ පාපහස’ ලැබූ බෞද්ධ උරුමයන්හි සිංහල නාම පුවරු ගැලවීමට සූදානම් වන බවත් ගුණසේකර මන්ත්‍රීවරයා පෙන්වා දුන්නේය.
අපගේ පුරාවිද්‍යාත්මක උරුමයන් යනු මේ රටේ සභ්‍යත්වයේ උරුමය බවත් ඒවා වනසා දමා කොටි නායකයකු වන තිලීපන්ගේ ස්මාරක අද උතුරේ ඉදිවෙමින් පවතින බවත් එවැනි තත්වයකදී නීතිය ක්‍රියාත්මක නොවී එය නමමින් ඇති බවත් ඒ මහතා වැඩිදුරටත් පෙන්වා දුන්නේය.
එසේම නයාරු නැමති ධීවර ගම්මානයේ සිටි සිංහල ධීවර පවුල් එළවා දමා ඇති බවත් උතුරේ මුහුද අයිති දෙමළ ධීවරයන්ට පමණක් බවට එම පළාත් සභාව යෝජනා සම්මත කර ඇති බවත් මේවාට කියන්නේ ‘ජාතිවාදී බෙදුම්වාදය’ නොවේ නම් වෙන කුමක්දැයි මෙහිදී උදයශාන්ත ගුණසේකර මහතා ප්‍රශ්න කර සිටියේය. යාපනය නයාරු ප්රදේශයෙන් සිංහල ධීවර පවුල් එළවා දැමූ විග්නේෂ්වරන්ලා අද නැදුන්කර්නි ප්‍රදේශයේ දෙමළ පවුල් 1500ක් බලහත්කාරයෙන් පදිංචි කරවීම ද සහජීවනය නාමයෙන් සිදු වන බවත් එම පවුල් අතුරින් පවුල් 450කටම මෙරට පුරුවැසිභාවය පවා නොමැති බවත් ගුණසේකර මන්ත්‍රීවරයා අනාවරණය කර සිටියේය.
උතුරේ හා නැගෙනහිර දෙමළ- මුස්ලිම් දේශපාලනඥයන් ජාතිවාදය වැපුරුවත් එහි වෙසෙන දෙමළ හා මුස්ලිම් ජනතාව ජාතිවාදී බෙදුම්වාදය දැඩි ලෙස ප්‍රතික්ෂේප කරන බව ද ඒ මහතා සඳහන් කළේය.
අක්කරෙයිපත්තුව සාගම වට්ටමඩුව දැගැබ ඩෝසර් කිරීම, සමන්තුරේ වලතාපිටිය ගම්මානයේ පුරාවස්තු විනාශය, දීඝවාපිය පරිවාර චෛත්‍ය භූමිය ආක්‍රමණය කර ව්‍යාජ බලපත්‍ර සැකසීම, මුහුදු මහා විහාරය සතු අක්කර 700ක ඉඩමෙන් අක්කර 697ක්ම ආක්‍රමණය කිරීම අම්පාර දිස්ත්‍රික්කය තුළ සිදුව ඇති බවත් යාන් ඔය දාගැබ ඩෝසර් කිරීම, අරිසිමලේ ප්‍රධාන ආරණ්‍ය සේනාසන භූමිය ආක්‍රමණය කිරීම, කුච්චවේලි පුරාවිද්‍යා ඉඩම ආක්‍රමණය කර ව්‍යාජ බලපත්‍ර සැකසීම, පුල්මුඬේ නාගලෙන නම් විහාරයට අයත් භූමිය ආක්‍රමණය කිරීම, සාම්පූර් සුදු කුඩා දාගැබ මුළුමනින්ම ඩෝසර් කිරීම, සෙම්බුමලේ පුද බිමේ පිහිටි දාැගබ කඩා දමා එහි ගඩොලින් කෝවිලක් තැනීම ආදිය ත්‍රිකුණාමල දිස්ත්‍රික්කය තුළ සිදුව ඇති බවත් මන්නාරම මාතොට ඉපැරණි වරාය අසල අශ්වලාඩමක හැඩය සහිත දිය අගල පස්වලින් පිරවීම, මන්නාරම වෙරළ පුරාවිද්‍යා සංරක්ෂිතය තුළ ඉපැරණි බෞද්ධ සිද්ධස්ථාන මත හින්දු කෝවිල් ගොඩනැගීම මන්නාරම දිස්ත්‍රික්කය තුළ සිදුව ඇති බවත් යාපනය දිස්ත්රික්කයේ ද දැඩි සේ පුරාවිද්‍යා ස්ථාන වනසා දමන බවත් උදයශාන්ත ගුණසේකර මහතා මෙහිදී අනාවරණය කර සිටියේය.
අනුරුද්ධ බණ්ඩාර රණවාරණ, මාධ්‍ය ලේකම්, ජාතික නිදහස් පෙරමුණ
LCN
වවුනියාව නෙඩුන්කේණී ඕලුමඩුව පළාතේ පිහිටි ඓතිහාසික වටිනාකමකින් යුතු වඩිනාගල බෞද්ධ නටබුන් සහිත ස්ථානය අන්‍ය ආගමිකයින් පිරිසක් විසින් ආක්‍රමණය කොට ඔවුන්ගේ කෝවිලක් ඉදි කිරීමේ සූධානමක් පවති.
මීට දින දහයකට පමණ ඉහතදී මේ ස්ථානයේ නිධන් හෑරීමට දකුණේ සිට පැමිණි හතර දෙනෙකු පොලිස් අත් අඩංගුවට පත් වූ අතර ඉන් පසුව එම ස්ථානයේ කිසියම් පිරිසක් විසින් කෝවිල් ඉදිකිරීම සඳහා වැඳුම් පිදුම් කිරීමට පියවර ගෙන ඇත.
එහිදී කෝවිල ඉදිකිරීමට පටන් ගෙන ඇති පිරිස කියා සිටින්නේ එම ස්ථානය තමන්ගේ ආගමට අයත් නිසා නිධානය බේරා ගැනීමට කෝවිලක අවශ්‍යතාවය මතුව තිබෙනා බවටයි.
නමුත් පුරාවිද්‍යා දෙපාර්තමේන්තුව විසින් මීට වසර ගණනාවකට පෙර මේ ස්ථානය බෞද්ධ නටබුන් සහිත පුරාවිද්‍යා ස්ථානයක් බවට හදුණාගෙන ඇති අතර එය තවුරු කිරීමක්ද සිදු කොට ඇති බවට තොරතුරු ලැබී ඇත.
යුද්ධය නිසා එම පළාත් වලට පසුගිය කාලයේදී නිලධාරීන් නොයෑම නිසා එම බෞද්ධ නටබුන් සහිත පුරාවිද්‍යාත්මක ස්ථාන වෙනත් ආගම් වල අයිතියට පත්ව තිබෙන බවටත් නෙඩුන්කේණී ඕලුමඩුව පළාතේ පිහිටි වඩිනාගල අතීතයේ දන්තධාතූන් වහන්සේද වැඩම කරවීමේ ගමන්මාර්ගයේ එක් සන්ධිස්ථානයක් බවටද වවුනියාවේ බෞද්ධ බැතිමතුන් කියා සිටිති.
බෞද්ධ නටබුන් සහිත ස්ථානයට වර්තමානයේදී සිදුවන විනාශය වහාම නවත්වා බෞද්ධ නටබුන් ආරක්ෂා කිරීමේ වැඩපිලිවලක් දියත් කල යතු බවටද වව්නියාවේ බෞද්ධ බැතිමතුන් වැඩි දුරටත් කියා සිටිති.
– වන්නි රොමේෂ් මධුෂංඛ
LCN
‘‘මේ කරලා තියෙන හානිය සුළු පටු නැහැ සහගහන අපරාධයක් කරලා තියෙන්නෙ.’’
‘‘ගස් කොළන් විතරක් නෙමෙයි මාළු ටිකත් ඉවරෙටම ඉවරයි’’ මෙසේ අදෝනා කරන්නේ කව්රුන්ද? කුමකටද? යන්න කීමට මත්තෙන් සිදුව ඇති කතාවේ ඇතුළාන්තයට එබිකම් කිරීමට දිණමින අපි ගමන් ආරම්භ කළෙමු.
පුත්තලම ප්‍රාදේශිය ලේකම් කොට්ඨාශයට අයත් 606 මනල්තිව් ග්‍රාම නිලධාරි වසමේ පිහිටා ඇති සුන්දර වූ මී ඔය අතු ගංඟාවට යාබදව පිහිටි රජය සතු ඉඩමක් පුද්ගලික ව්‍යාපාරිකයෙකු විසින් පොල් වගා කීරීමට මුවාවෙමින් සංවිධානාත්මකව සිදුකර ඇති දැවැන්ත වන සංහාරයක් පිළිබදව එහි ගිය අප කැමරා කාචයේ සටහන් විය.
පුත්තලම පරණ මන්නාරම් මාර්ගයේ 5 කණුව නැමති ප්‍රදේශයේ පිහිටි අක්කර 4ට ආසන්න මෙම රජය සතු ඉඩම අදාළ ව්‍යාපාරිකයා අත්පත් කර ගැනීමෙන් පසු බල පත්‍ර සෑදීමටත් මත්තෙන් බල පත්‍රයට අයඳුම් කල බවට ලබා දෙනු ලබන ලිඛිත අවසර පත්‍රය සන්ථකයේ තබා ගනිමින් අදාල පුද්ගලයා කාර්යක්ෂම ඩෝසර් යන්ත්‍රයක් යොදා ගනිමින් එහි සංවර්ධන කටයුතු සිදු කිරීම ආරම්භ කරන්නේ ඔය අතරතුරය.
අදාළ ව්‍යාපාරිකයා
එහිදි අදාළ ව්‍යාපාරිකයා තම ධන බලය අයුතු ලෙස යොදා ගනිමින් ශ්‍රී ලංකාවේ වදවී යාමේ තර්ජනයට මුහුණපා අති දැවැන්ත බක් මී නැමති දේශිය ඖෂධිය ශාක ඇතුළු තවත් කඩොලාන ගණයට අයත් යැයි පැවසෙන තිල්ල හෙවත් තෙල ශාක ඇතුළු තවත් වටිනා ශාක රැසක් මෙන්ම පරිසරයේ සුන්දරත්වය විදහාපාන මී ඔය අතු ගංඟාව යාබදව පිහිටා තිබූ ජලජ ශාක රැසක් ඉවක් බවක් නොතකා ඩෝසර් යන්ත්‍රය ආධාරයෙන් තල්ලු කර මී ඔය ජල පෝෂක අතු ගංඟාවක් සම්පූර්ණයෙන්ම අවහිර වන පරිදි වසා දැමීමට ක්‍රියා කර ඇති බවට අදාළ වසම භාර පුත්තලම ප්‍රාදේශිය සභා මන්ත්‍රී රාමනාදන් මහතා සහ වෙප්පමඩුව කොට්ඨාශය භාර ප්‍රාදේශිය සභා මන්ත්‍රී රවී කුමාර් මහතා අදාළ ව්‍යාපාරිකයාට සහ රජයේ වග කිව යුතු බලධාරින්ට තරයේ චෝදනා කරති.
අදාළ ව්‍යාපාරිකයා 606 මනල්තිව් ග්‍රාම නිළධාරි වසම භාර ග්‍රාම නිලධාරි වරයාගේ අනුදැණුම මත මෙම අනෝමතික වන සංහාරය සිදුකල බවයි අදාළ මන්ත්‍රීවරුන් පෙන්වා දෙන්නේ.
මේ හේතුව නිසාවෙන් මේ වන විටත් මී ඔයේ ජල පෝෂක ප්‍රදේශයක් වන මී ඔය අතු ගංඟාවේ ගලා බසින ජල පහර සම්පූර්ණයෙන් අවහිර වන පරිදි කාර්යක්ෂම ඩෝසර් යන්ත්‍රය යොදා තල්ලු කරන ලද දැවැන්ත වනස්පතීන් දමා වැසීම හේතුවෙන් අදාළ අතු ගංඟාවේ ජෛව විවිධත්වය පමණක් නොව එහි වාස භූමියක් බවට පත්කර ගෙන සිටි විශාල මත්ස්‍ය සම්පත මේ වන විට ශීඝ්‍රයෙන් මිය යාමට පටන් ගෙන ඇති බව මනාව හෙළිදරව් විය එයට හේතුව අදාළ මීය ආශ්‍රිතව දෛනිකව බිලි බාමින් මසුන් අල්ලන්නන් කියා සිටින්නේ නිදහසේ ගලන ජල පහර මෙලෙස සම්පූර්ණයෙන් අවහිර වන පරිදි ඇළ මාර්ගය අවහිර කිරීම නිසාවෙන් මත්ස්‍යයින්ට නිදහසේ ගමන් කිරීමට ඇති ඉඩ ප්‍රමාණය අවහිර වීමත්, තැනින් තැන රැදී ඇති ජලය තුළ ඔවුන්ට රැදී සිටීමට ඉඩ ප්‍රස්ථාව ප්‍රමාණවත් නොවන බවත්, පවතින අධික අව් රශ්මිය නිසාවෙන් ජලය සීඝ්‍ර ලෙස රත්වීම වැනි කරුණු හේතු කොට ගෙන මත්ස්‍යයින් මෙලෙස මිය යාමට ලක්වන බවයි.
එපමණක් නොව අදාළ ව්‍යාපාරිකයා තමන්ට රිසිසේ මෙවන් වන සංහාරයක් සිදුකරන තුරු වසම භාර ග්‍රාම නිළධාරි වරයා මුණිවත රැක්කේ කුමණ අරමුණක් පදනම් කර ගෙන දැයි විමතියට මෙන්ම පුදුමය දනවන කරුණක්ව ඇති බවයි අදාළ මන්ත්‍රීවරු වැඩි දුරටත් පෙන්වා දෙන්නේ.
මෙහිදී ඔබට මෙසේ තීරණය කිරීමට බොහෝ සෙයින් ඉඩ ප්‍රස්ථාව තිබේ ඒ වෙනයම් කව්රුවත් නොව වන සංරක්ෂණ නිළධාරන් මේ බව සොයා බැලීමෙන් බැහැරව සිටිනවාද යන්නය. එය අප හට සෘජුව ඔවුන්ට කිසිසේත් චෝදනා කල නොහැකිය තරම්ය. මන්ද අදාළ නිලධාරින් සුළු පිරිසකට විශාල වපසරියක් භාරව තිබීම ප්‍රධාන කරුණක්ව තිබේ. රාජකාරි ආවරණය කිරීමට තරම් ප්‍රමාණවත් නිළධාරින් නොසිටීම නිසාවෙන් මුහුණු සහයක් අත් දොළසක් ඇති කතරගම දෙවිදු වෙස් ගැනීමට ඔවුන්ට සිදුවන අවස්ථා අනන්ත අප්‍රමාණය. මන්ද ඔවුන්ට රාජකාරි එමටය එක් පසෙකින් කඩොලාන සම්පත නිරන්තරයෙන් නා රජෙකු මැණිකක් රකින්නා සේ ඔවුන්ට රැකීමට සිදුව තිබෙන්නේද සංවිධානාත්මක සොර කල්ලි විසින් නිරන්තරයෙන් කඩොලාන පරිසරයට වින කැටීමේ ක්‍රියාන්විතය සූක්ෂමව ආරම්භ කර තිබීම නිසාවෙනි එවැනි හේතු නිසාවෙන් ඔවුන්ට ඉස්පාසුවක් නැති තරමට රාකාරි බහුලය
එපමණක් නොව මෙවන් රජය සතු ඉඩම් යම් කිසි සංවර්ධන කටයුත්තක් සදහා ලබා දෙන්නේ නම් අදාළ විෂය පතය භාර වසමේ ග්‍රාම
නිළධාරි වරයා එය විධිමත් ලෙස මනා අවබෝධයකින් පරික්ෂණයක් සිදු කර එම ස්ථානය ලබා දීමට සුදුසුදුද නුසුදුසුද යන වග ප්‍රාදේශිය ලේකම් වරයාට දැණුවත් කල යුතුය එම නිසවෙන් කැකිල්ලේ නඩු තීන්දුවට සමාන තීන්දු තීරණ ගෙන අවලාද අපහාස ප්‍රාදේශිය ලේකම්ට කිවීම කිසිසේත් සිදු නොකල යුතුයැයි මෙහිදී අපට වැටහින.
මේ සම්බන්ධයෙන් අප කල විමසුමකදී පුත්තලම ප්‍රාදේශිය සභා මන්ත්‍රී එස්.රවී කුමාර් මහතා පවසා සිටියේ මෙවැන්නකි.
“සෑම වසරකම පුත්තලම මනල්තිව් වසමේ සේවන්තිව් කියන ගම්මානය සම්පූර්ණයෙන්ම ගං වතුරට යට වෙනවා ඒකට හේතුව තමා මේ මී ඔය ඉස්සන් ගොවිපල් හිමියන් පුද්ගලික ඉඩම් හිමියන් ස්ථාන කිහිපයකින්ම අවහිර කරලා තියෙනවා. ඉතිං මේ සැරේ මේ විදයට මී ඔය ඩෝසර් වලින් ගස් තල්ලු කරලා අවහිර කරලා දැම්මා කියන්නෙ. වැසි කාල වලදී පස් හේදිලා ඇවිල්ලා කපලා දාලා තියෙන ගස් වල රැදුනාම සම්පූර්ණයෙන්ම ජලය ගමන් නොකර හරස් වෙනවා. එතකොට වෙන්නෙ අසරණ ජනතාව ගංවතුරට යටවෙන එක නෙමෙයිද? ඒ විතරක් නෙමෙයි මම දැන් මෙහෙ මන්ත්‍රී වෙලා මාස තුනක් විතර වෙනවා මම අන්ත අසරණ ඉන්න හිටින්න බිම් අඟලක්වත් නැති පවුල් 80ක් විතර පර්චස් 10ක පොඩි ඉඩම් කෑල්ලක් ඉල්ලලා ඔවුන්ට ඉල්ලීම් ලිපි දෙන්න කිව්වා ග්‍රාම සේවකට එයා කියනවා කොහෙ තියෙන ඉඩම්ද කියලා අහනවා. එතකොට මේ වගේ පුද්ගලික ව්‍යාපාරිකයෙකුට පොල් හිටවන්න අක්කර ගණන් දුන්නෙ ග්‍රාම සේවක ගෙදරින් ගෙනාපු දේපල වලින්ද කියලා අහන්න හිතෙනවා. අද මිනිසුන්ට ඉන්න තැනැක් නැතුව මිනිස්සු කුලී ගෙවල් වල කොච්චර ඉන්නවද ඒ මිනිස්සුන්ට දෙන්න බිම් අඟලක් නැහැ කියද්දි මෙව්වා දීලා තියෙන්නෙ කොහොමද?”
නැගෙන චෝදනාව සම්බන්ධයෙන් අදාළ ඉඩම් හිමි පුද්ගලික ව්‍යාපාරිකයාගෙන අප සිදුකල විමසුමකදී ඔහු පවසා සිටියේ මෙවැන්නකි.
අප ලබා දුන් සෘජු ප්‍රශ්ණය ඔබ තුමාට ඔප්පුවක් තිබෙනවාද? “නැහැ මම පෝමිට් එකට ලියලා දැන් මාස දෙකක් තුනක් ඇති මට තාම පෝමිට් එක හම්බුනෙ නැහැ. ඒක කුරුණෑගලට යවලා තියෙන්නෙ. ඒ.ජී. ඔෆ්ෆිස් එකෙන් පෝමිට් එකට ලියලා දාද්දි දුන්න තුන්ඩු කෑල්ලක් මම ලඟ තියෙනවා. ජී.එස්. මහත්තයා කිව්වා මේක සුද්ධ කරලා පොල් දාන්න කියලා.”
ඩෝසර් කරද්දි වසමේ ග්‍රාම නිළධාරි වරයා බලන්න පැමිණියද? ඒ වෙද්දි අදාළ ඇළ වහලා තිබ්බා නේද? ඒක වහලා තියෙන්නෙ ඇයි කියලා ඔයාගෙන් ග්‍රාම නිළධාරි වරයා ප්‍රශ්ණ කලේ නැද්ද?
“ඔව් ජී.එස්. මහත්තයා අවා ඇවිල්ලා බැලුවා ඇළ වහලා තියෙන එක ගැන කමක් නැහැ කිව්වා මට මුකුත් කිව්වෙ නැහැ ඉක්මණට සුද්ධ කෙරුවෙ නැත්නම් ඉඩම දෙන්නෙ නැහැ කියලා කිව්වා. සුද්ධ කරලා මට පොල් දාන්න කිව්වා.” යනුවෙනි.
මේ සම්බන්ධයෙන් 606 මනල්තිව් වසම භාර ග්‍රාම නිළධාරි වරයාගෙන් දුරකථනය ඔස්සේ කල විමසුමකදී ඔහු පවසා සිටියේ මෙවැන්නකි.
ග්‍රාම නිළධාරි තුමා අර 5 කණුවෙන් පුද්ගලයෙකුට ඉඩමක් දීලා තියෙනවා නේද? ඔව්…ඔව්…
ඒකෙ ග්‍රාම නිළධාරි තුමා එයා මී ඔය අතු ගංඟාවක් වහලා තියෙනවා සම්පූර්ණවම එතකොට ඒ සම්බන්ධයෙන් ඔබ තුමා බැලුවද මී ඔය වහලා කියලා….?
ග්‍රාම නිළධාරි
බැලුවා….බලන්න ඕනෙ අද ජංගම සේවෙ තියෙනවා හවස බලන්න ඕනෙ.
ඒකට තාම බල පත්‍ර දීලා නැහැල්ලු ඒ ඉඩම් හිමියා කියනවා බලපත්‍රයට අයඳුම් කරද්දි ලබා දෙන රිසිට්පතක් විතරයි දීලා තියෙන්නෙ කියලා. ඒ රිසිට් එක දීලා තියෙද්දි ඔබ තුමා ඇවිල්ලා බැලුවාලු සුද්ධ කරද්දි. එහෙම රිසිට්පතක් දීලා සුද්ධ කරන්න බැහැ නේද?
මට බලන්නෙ නැතුව මුකුත් කියන්න බැහැ. ඒ ඉඩමට බලපත්‍ර තියෙනවද නැද්ද කියලා මිනිහගෙන් අහන්න ඕනෙ.
නැහැ ඒ පුද්ලයා කියන්නෙ ඔබ තුමා දීලා තියෙන්නෙ ඔබ තුමාගෙ සේවා කාලයෙ කියලා එහෙනම් ඔබ තුමා දැනුවත්වනෙ දීලා තියෙන් ඕනෙ නේද? බලමුකො මම අහලා කියන්නම්. (දුරකථනය අදාල ග්‍රාම නිළධාරි වරයා විසන්ධි කරන ලදි)
මේ සම්බන්ධයෙන් අප කල විමසුකදී අදාළ වසම භාර ප්‍රාදේශිය සභා මන්ත්‍රී රාමනාදන් මහතා පවසා සිටියේ මෙවැන්නකි.
“මම ග්‍රාම නිළධාරි වරයාගෙන් මේ සම්බන්ධව විමසීමක් කලා මොකද මේ සිද්ධිය මගෙ කොට්ඨාශයෙ වෙලා තියෙන නිසා මම ඇහැව්වා ඇළ මාර්ගය වහලා තියෙනවා ඔබ තුමා බැලුවද කියලා එයා කිව්වෙ මට අදාළ පුද්ගලයට බල පත්‍ර තියෙනවා කියලා. එයා කියනවා අපි නිරික්ෂණය කරලා බැලුවා එහෙම ඇළ වහළා නැහැ කියලා. මම ඇහැව්වා බල පත්‍රය අදාල ඉඩම හිමියා ලග තියෙනවද කියලා ග්‍රාම නිළධාරිවරයා පවසා සිටියේ ඉඩම් හිමියා ළඟ ඉඩමට අදාල පැරණි බල පත්‍රයක් ඇති බවයි.”
මේ පිළිබදව සොයා බැලීමේදී මනාව හෙලිදරව් වන්නේ අදාළ ග්‍රාම නිළධාරි වරයා දෙබෙඩි පිළිවෙතක් අනුගමනය කරනව නොවේද? රාජ්‍ය පරිපාලනයේ වගකිව යුතු තනතුරක් හොභවන්නෙකු ලෙස මෙලෙස වැනෙන සුළු වචන භාවිතා කිරීම තනතුරටවත් ගැලපෙන්නේදැයි ඔබට තීරණය කිරීමට පහසුවෙන් පුළුවන. මන්ද දේශපාලන අධිකාරිය කල විමසුකදී පවසන්නේ එකකි මාධ්‍ය කල විමසුකදී පවසන්නේ තවත් එකකි. බලන කල අදාළ ග්‍රාම නිළධාරි වරයා හතර බිහිරි කතා ගොතන්නට උපන් හපන් යැයි කිවහොත් එය නිවැරදි නොවේද?
සටහන සේයා රූ
පුත්තලම ප්‍රියංකර කළුපහන
Colombo Today
ශ්‍රී ලංකා හමුදාව විසින් සිදුකරන සේවාවන් කිසිවක් උතුරේ දේශපාලකයන් සිදු නොකරන බව අරුනලු ජනතා පෙරමුණේ නායක වෛද්‍ය ක්‍රිෂාන් රාමසුන්දරම් මහතා Colombo Today වෙත විශේෂ සාකච්චාවක් ලබා දෙමින් සඳහන් කර සිටියා.
උතුරේ ජනතාවගේ ජලය, රැකියා ලබාදීම ආදී යටිතල පහසුකම් සැපයීම ඇතුළු දේශපාලන නායකයන් විසින් සිදුකල යුතු සියලු දේ හමුදාව විසින් ලබා දෙන බවත්, පොදු ජනතාව හමුදාව වටා එකතුවීම හේතුවෙන් සිංහල නායකයන් උතුරේ බිහිවෙතැයි ප්‍රදේශයේ දේශපාලකයන්ට බයක් තිබෙන බවත් සඳහන් කර සිටි ඒ මහතා තමන් ද්‍රවිඩ නායකයකු ලෙස ශ්‍රී ලංකා හමුදාවට මේ සිදුකරන සේවය පිළිබඳව ස්තූතිය පලකරන බවත් සඳහන් කර සිටියා.
නැවත පදිංචි කිරීම් සිදු කිරීම සඳහා ප්රදේශයෙන් හමුදාව යා යුතු බවට උතුරේ දේශපාලකයන් චෝදනා කරන නමුත් හමුදාව උතුරෙන් යැවුවොත් උතුරත් ඉවර වෙන බව රාමසුන්දරම් මහතා ප්‍රකාශ කර සිටියා. මුලික මිනිස් අවශ්‍යතා නොමැතිනම් ඕනිම ජන කොටසකට ප්‍රශ්න ඇති වන බවත් උතුරේ දේශපාලකයන් ත්‍රස්තයන් බවත් එම ප්‍රදේශයේ ජනතාව හමුදාවට දෙවියන්ට සේ සලකන බවත් අවධාරණය කර සිටියා.
සම්බන්දන් ඇතුළු දේශපාලකයන්ට ඇවිල්ලා කොළඹ ඉඩම් ගන්න පුලුවන්නම්, සිංහල ජනතාවටද ඒ අයිතිය උතුරේ තිබිය යුතු බව සඳහන් කර සිටි වෛද්‍ය ක්‍රිෂාන් රාමසුන්දරම් මහතා කිලිනොච්චියේ පන්සල් හදන්න එම ප්‍රදේශයේ දේශපාලකයන් ඉඩ ලබා නොදුන්නද දකුණේ ඕනෑම තැනක කෝවිල් හදන්න සිංහලයෝ ඉඩ ලබා දෙන බවත් ඒ සඳහා උදව් කරන බවත් සඳහන් කර සිටියා.
උතුරු නැගෙනහිර අද වෙන තුරු සිංහල මන්ත්‍රීවරයෙකු බිහිවී නොමැති බවත් ලංකාවේ හැමතැනම දෙමල මන්ත්‍රීවරු බිහිවී ඇති බවත් යාපනයේ විශ්වවිද්‍යාලයෙන් අද වෙනතුරු සිංහල වෛද්‍යවරයෙක් බිහිවී නැති බවත් යාපනයෙන් ඇවිල්ලා අනෙක් විශ්වවිද්‍යාලවල ඉගනනගෙන වෛද්‍යවරු වූ දෙමල ජාතිකයන් ඔනෑතරම් සිටින බවත් ඒ මහතා සඳහන් කර සිටියා. ලංකාවේ ඉහලම ව්‍යාපාරිකයන් 10 දෙනාගෙන් 9 දෙනෙකු දෙමල ජාතිකයන් බවත්, දකුණේ දේශපාලකයන් ඔවුන්ව උතුරට පන්නා නොදමන බව ප්‍රකාශ කල ඒ මහතා සුළු ජාතියට ප්‍රශ්න ඇති බව දෙමල ජාතික සන්ධානය පැවසුවද ප්‍රශ්න ඇත්තේ මහ ජාතියට බව ප්‍රකාශ කර සිටියා.
මහබැංකුවේ අධිපති වී සිටියේත් සිටින්නේත් ද්‍රවිඩ ජාතිකයන් බවත්, විපක්ෂ නායක තනතුර පවා දෙමල ජාතියට හිමිවී ඇති බවත් නීතිපති දෙපාර්තමේන්තුවේ නීතිපති ඇතුළු ඉහල තනතුරුවල ද්‍රවිඩයන් සිටින බවත්, උතුරේ දේශපාලකයන් ජාතිවාදය කතා කිරීම සාධාරණ නොවන බවත් රාමසුන්දරම් මහතා සඳහන් කර සිටියා. මෙම තත්වය ජනතාව තේරුම් ගෙන ඇති බැවින් TNA එකට ඉදිරි මැතිවරණවලදී ජනතාව පිළිතුරු දෙනු ඇති බවත් ප්‍රකාශ කර සිටියා.
Colombo Today
සා.........දු! සා..........දු! පාරමිතා බල පූජිත පූජිත බුද්ධ දිවාකරයානෝ, වෙසක්‌ පොහෝදින දිනූ සේක ලොව බුද්ධ දිවාකරයානෝ සනසා මුළු ලොව නිවන් ලබා දිදී, පුන්‍යමහෝදදි, ශාන්ති සමාදී, වෙසක්‌ තොරණ දර්ශන අතර මේ ගීතය අපට ඇසුනේ 'රන්මුතු දූව' නම් චිත්‍රපටයෙනි. අමරදේවගේ මධුර හඬින් ගැයූ මෙම ගීතය අදත් අපේ මතකයේ රැඳී පවතී. ලංකාවේ නිපදවූ පළමු වර්ණ චිත්‍රපටය වන මෙම චිත්‍රපටයේ, ටෝනි රණසිංහ, ශේන් ගුණරත්න හා ගාමිණී ෆොන්සේකා ද, ජීවරාණී කුරුකුලසූරිය යන තරුණ ආකර්ෂණීය නළු නිළියන් ත්‍රිකුණාමල වරායේ බුදුපිළිමයක්‌ ගොඩගැනීම ප්‍රයත්නයක්‌ වටා ගෙතුනු කථාවක්‌ මෙම චිත්‍රපටයෙන් දිග හැරිණි. එවක එම චිත්‍රපටයේ ගෙනා අදහස පිළිබඳව යොවුන් වියේදී මට එතරම් වැටහීමක්‌ නොතිබුණි. එහෙත් එහි සැබෑ යථාර්ථය මට වැටහුණේ ගෝකණ්‌න විහාරයට සිදු වූයේ කුමක්‌ දැයි පසුකාලීනව අධ්‍යයනය කිරීමේදීය. ත්‍රිකුණාමලයේ වරාය අපේ ඉතිහාසයේ බොහෝ වැදගත් සන්ධිස්‌ථානවලට සම්බන්ධය. විජය රජු තමන් වයස්‌ ගත වූ විට තම රාජ්‍ය භාර ගැනීමට තම බාල සොහොයුරාට ඇරයුම් කළත් ඒ වෙනුවට පැමිණියේ ඔහුගේ බාල පුත් පණ්‌ඩුවාසදේව කුමාරයාය. හේ ලංකාවට ගොඩබටුයේ ත්‍රිකුණාමලය (එදා ගෝකණ්‌න) වරායෙනි. මෙම වරාය අතීතය මෙන්ම අපේ අනාගතයද තීන්දු කරන ස්ථානයක් බවට පත් වෙමින් පවතී. ඊට හේතුව ත්‍රිකුණාමලය යුද්ධෝපායික වශයෙන් ලොව ඇති පළමු පෙළේ වරායක්‌ වීමයි.
විදේශ ලේඛකයන් පෙන්වා දී ඇති පරිදි ගෝකණ්‌න විහාරය මෙන්ම, එහි මහ වරාය ද ලොව ප්‍රකට ස්‌ථානයක්‌ව පැවතීs ඇත. ඈත දියඹට දිස්‌වන මෙම වරාය නාවිකයන් විසින් මහ සයුරේදීම වැඳ පුදා ගත් බව ඉතිහාසයේ සඳහන් වේ. ගෝකණ්‌න විහාරය ද බුද්ධ වචනයේම සාදු හඬ ලොවට කියා පෑ තවත් පුදබිමකි. අද ගෝකණ්‌න විහාරය එතන නැත. එසේ නම් එයට සිදු වූයේ කුමක්ද? එහි අද දක්‌නට ඇත්තේ ඊශ්වර දෙවියන් වඳින කෝවිලකි. එහි ඇතුළේ සවි කර ඇති දැන්වීම් පුවරුවක සටහන් කර ඇත්තේ මෙවන් අදහසකි. 1952 වර්ෂයේදී ත්‍රිකුණාමලයේ මහ නගර සභාවේ සේවකයන් විසින් නඩත්තු කටයුතු සඳහා නගරයේ ස්‌ථානයක කරන ලද කැණීමකදී වළ දමා තිබූ පූජනීය වස්‌තු රැසක් හමුවී, අහම්බෙන් හමු වූ මෙම වස්‌තූන් තැන්පත් කර මෙම පූජනීය ස්ථානය නැවත ගොඩනැංවූ බව එහි සඳහන් කර ඇත. තවද පෘතුගීසීන් විසින් මෙම පුදබිම විනාශ කිරීමේදී භක්‌තිමත් අයකු විසින් ආරක්‍ෂාව සඳහා වළ දමා තිබූ දෙයක් ලෙස හඳුනාගත් බවට තවද සඳහන් වේ. මෙම දැන්වීම අනුව පෙනී යන්නේ ඔවුන්ට පුරාවස්තු ලෙස සැලකිය හැකි යමක්‌ හමුවී, ඒවා පුරාවිද්‍යා දෙපාර්තමේන්තුවට භාර නොදී හිතුවක්‌කාර ලෙස ඔවුන් විසින් තොsරාගත් තැනක තැන්පත් කර ඇති බවයි. රටේ නීතිය අනුව පුරාවස්තු හමුවූයේ නම් ඒවා පුරාවිද්‍යා දෙපාර්තමේන්තුවට භාර දිය යුතුවේ. ඉන් පසු විධිමත් පරීක්ෂණ වලින් පසුව එහි ඓතිහාසික වටිනාකම ඔවුන් හඳුනා ගෙන තහවුරු කරනවා ඇත. එසේ නොකළේ ඇයි ද යන්න ඉදිරියේදී සාකච්ඡා කරන කරුණු වලින් පැහැදිලි වනු ඇත. කෙසේ වුවද මෙම අනීතික ක්‍රියාවට ත්‍රිකුණාමලයේ නගර සභාවද දායක වී ඇති බව පෙනේ. මෙහිදී පූජනීය වස්‌තු හමු වූ බව පෙන්වා බෞද්ධ පුදබිම අකා මකා දැමීමට වංචනිකව දේශපාලඥයන් විසින් කටයුතු කර ඇති බව පෙනේ. ඒ වන විටත් ත්‍රිකුණාමලයේ දේශපාලනයේ නිරත වූ පෙඩරල් පක්‍ෂය ගෝකණ්‌න විහාරයේ සාදු හඬ මහ මුහුදට බිළි කිරීමට දායක වී ඇති බව මින් පෙනේ. අද තිබෙන ත්‍රිකොනේෂ්වරන් කෝවිලේ උප්පත්ති කථාව එයයි.
ගෝකණ්‌න විහාරය කඩා බිඳ දැමීමේ අතීත කථාව අපි දැන් විමසා බලමු. ඕලන්ද ජාතිකයන් පැමිණීම වැළැක්‌වීම සඳහා ත්‍රිකුණාමලයේ බලකොටුවක්‌ ඉදිකිරීමට සුදුසු ස්ථානයක් තීන්දු කිරීම සඳහා පෘතුගීසීන් නිරීක්‌ෂණ චාරිකාවක්‌ ගොස්‌ ඇත. එහිදී තීරණය වී ඇත්තේ ත්‍රිකුණාමලය පන්සලට පිටුපසින් එම බලකොටුව ඉදි කළ යුතු බවයි. මෙම පන්සල අසල විශාල ගල්කන්දක්‌ ඇති බැවින් එය ද බලකොටුව සෑදීමට උපකාරයක්‌ වන බවද ඔවුන් කල්පනා කර ඇත. මේ සිද්ධිය පිළිබඳව ක්‌වෙරෝස්‌ නැමැති පෘතුගීසි ඉතිහාසඥයා ලියූ The Temporal and Spiritual Conquest of Ceylon (ලංකාව පූජනීය හා අධ්‍යාත්මිකව දිනා ගැනීම) නැමැති පොතේ සඳහන් දේ මෙසේ විස්‌තර කරමි.
ත්‍රිකුණාමලය යන වචනයේ තේරුම කොත් තුනක් සහිත කන්ද යන්නයි., එය පිහිටා තිබෙන්නේ කොළඹට ප්‍රතිවිරුද්ධ දිශාවේ යාපා පටුනේ සිට ලීග 35 ක් දකුණට වන්නට පිහිටා ඇත. මෙම මහ වරායේ මුහුදට නෙරා ඇති කන්දේ දාගැබ් 03 ක් ඇති අතර එම දාගැබ් 03 සිංහල රජකු විසින් ඉදිකර ඇති බව ඔහු සඳහන් කරයි. මෙම දාගැබ් කන්ද පාමුල මැද හා උසම ස්ථානයේ පිහිටා තිබුණි. භක්‌තිමත් නාවිකයන් විසින් මුහුදේ සිටම මෙම පුදබිම් වන්දනා මාන කර ගත් බව ඔහු සඳහන් කර ඇත. කොන්ස්‌තන්තිනූ ද සා ද නොරෙඤ්ඤො විසින් මෙම චෛත්‍යයන් කඩා බිඳිමින් එහි ගඩොල් උපයෝගී කරගෙන බලකොටුවක්‌ ඉදිකර ඇත. සිංහල හමුදාවන්ට මේ වරායට ඇතුළු වීමේ ඉඩකඩ අවහිර කිරීම එම කොටුව ඉදිකිරීමේ අරමුණ බව ද සඳහන් කර ඇත. මේ නිසා මුහුද දෙසින් ද ගොඩබිමින් ද පෘතුගීසීන්ගේ ආරක්‍ෂාව මෙයින් සැලසී ඇත. මෙම කොටුව තුළ කාලතුවක්‌කු විශාල ප්‍රමාණයක්‌ රැඳවිය නොහැකි නිසා එහි රඳවා ඇත්තේ සුළු හමුදාවකි. මෙම චෛත්‍යයන් කඩා බිඳ දැමීමේදී සෙල්ලිපියක්‌ හමු වී ඇති අතර එය ලංකාවේ පෙර රජවරු පිළිබඳව මනා දැනුමක්‌ ඇති උගත් සිංහලයකු ලවා කියවා පෘතුග්‍රීසි බසට පරිවර්තනය කර එහි පිටපතක්‌ පෘතුගාලයේ රජු වෙතද යවා ඇත. එහි ලියා ඇත්තේ මානික රාජ බාහු නම් රජ මෙම පන්සල ඉදිකරන ලද බවයි. එය ඉදිකර ඇත්තේ පෘතුගීසීන් විසින් මෙය කඩා බිඳ දැමීමට (1626 ට) වසර 1300 කට පෙර බව උගත් සිංහලයකු ලවා පැහැදිලි කරගෙන ඇත. අනාගත දිනක පරංගි නැමැති ජාතියක්‌ මෙහි පැමිණ මේ පුදබිම විනාශ කරන අතර එය නැවත ගොඩනැංවීමට රජකු පහළ නොවන බවද එහි සඳහන් කොට තිබී ඇත. මෙම විශ්මය දනවන අනාගත වාක්‍ය වලින් යුක්‌ත සෙල්ලිපිය පිළිබඳව පෘතුගීසීන් පුදුමයට පත් වී ඇත. කෙසේ වුවද එම අනාගත වාක්‍ය සත්‍ය වී ඇති බව පෙනේ. එම සෙල්ලිපිය ත්‍රිකුණාමල කොටුවේ දොරකඩට සවිකර ඇති අතර අදත් දැක ගැනීමට පුළුවන.
කොන්ස්‌තන්තිනෝ ද සා නොරොඤ්ඤො විසින් පුදබිම විනාශ කළ පසු ද සිංහල කපු රාළලා හා යක්‌දෙස්‌සන් පැමිණ ඇති අතර ජනරාල් නුනෝ අල්වෙයිරස්‌ පෙරෙයිරා විසින් ඔවුන්ගේ හිස ගසා දැමීමෙන් පැමිණීම නතර වී ඇත. ත්‍රිකුණාමලයේ නායක භික්‌ෂුව කිතු දහමට හරවා ගත් බව ෂාවියර්තුමා සඳහන් කර ඇති බව ක්‌වෙරෝස්‌ ලියා දක්‌වා ඇත. එම පන්සලේ නායක භික්‌ෂූන් වහන්සේ, තෙරුන්නාන්සේ, ලෙසින් හැඳින් වූ බවද එහි සඳහන් වේ. මෙම පුදබිමට වෙන්කර තිබූ තඹලගමුව හා කන්තලේ වෙල්යාය වල වී අමුණු 30,000 ක් දෙකන්නයට අස්‌වැද්දූ බව ඔහු සඳහන් කරයි. එම වාපී කර්මාන්ත හා වෙල් යායවල් මහසෙන් (ක්‍රි.ව.275 - 303) රජු විසින් ඉදිකළ බවද වැඩිදුරටත් සඳහන් වේ. පෘතුගීසි බලකොටුවක්‌ මෙහි ඉදිකිරීමෙන් පසු කාපිරි හමුදාවන්ගේ කරදර නිසා සිංහලයන් බොහෝ දෙනෙක්‌ පදිංචිය අතහැර කොට්‌ටියාරමට ගොස්‌ ඇත. එහි ඉතිරිව ඇත්තේ වයස්‌ගත සිංහලයන් 10 ක් 15 ක් පමණ වේ. ගෝකණ්‌න විහාරය බුදු පුද බිමක්‌ වුවද විෂ්ණු, කතරගම හා ගණ දෙවි පූජාවන් සඳහා දේවාල ද තිබූ බව ද සඳහන් කර ඇත. ඒ අනුව අපට පෙනෙන්නේ කතරගම, මහනුවර, දෙවුන්දර හා මුන්නේශ්වරන් වැනි බුදුන් මෙන්ම දෙවියන් ද පිදිය හැකි ජාතික පුද බිමක්‌ බවයි. එහෙත් අද එවැනි පොදු පුදබිමක සළකුණක්‌වත් දක්‌නට නැත.
දැන් අපි ලන්දේසි ලේඛක පිලිප්පුස්‌ බැල්දියස්‌ සිය ලංකා පුරාවෘත්ත නැමැති පොතේ ත්‍රිකුණාමලය ගැන ලියා ඇති දේ බලමු. මෙම ලේඛකයා ගැන යමක්‌ කිවහොත් ඔහු රෙපරමාදු ආගම යාපනයට හඳුන්වා දුන් පූජකවරයාය. ඔහු ලියූ ඉතිහාස පොත 1672 දී ලන්දේසි බසින් ඇම්ස්‌ටඩෑම් නගරයේදී ප්‍රකාශයට පත් කළ එකකි. ඔහු කියා ඇත්තේ ලංකාවට වෙනත් යුරෝපීය ජාතීන් පැමිණීම වැළැක්‌වීම සඳහා බලකොටුවක්‌ ඉදිකිරීමට තීරණය කර ඒ සඳහා සුදුසු බිම ත්‍රිකුණාමලයේ මහා පන්සලට පිටුපසින් වයඹ කෙළවරේ ඇති භූමියක් තෝරාගෙන ඇත. මේ අනුව ඉදිකිරීම් 1622 ආරම්භ කර මහනුවර රජු දැනගැනීමට පෙර කඩිනමින් නිම කිරීමට ද උත්සුක වී ඇත. උඩරට සෙනරත් රජු සමඟ සාම ගිවිsසුමකින් බැඳී සිටි පෘතුග්‍රීසීන්ගේ මෙම ක්‍රියාවෙන් විශ්වාසය කඩකර ඇත. එය දැනගත් වහාම පෘතුගීසීන්ට විරුද්ධව යුද වැදුනත් රජු යුද්ධයෙන් පැරදී ඇත. මෙහිදී ඔහු සඳහන් කර ඇති අමතර කරුණක් නම් 1618 දී සිංහල රජු සමඟ යුද්ධයකින් පසු යාපනය රාජ්‍යයද, පෘතුගීසීන් ඈඳා ගත් බවයි. පෘතුගීසීන් මෙම බලකොටුව ඉදිකරන අතර වාරයේ සිංහල රජුගේa ඉල්ලීම මත මලබාර් හමුදාවක්‌ යාපනයට පහර දී ඇත. ඩී ඔලිවේරා නැමැති රණකාමී පෘතුගීසී හමුදා ප්‍රධානියා එම ආක්‍රමණික හමුදාව පරාජය කරන ලදී.
ලන්දේසි සඳහන් කළ දෙයින් ඉතා පැහැදිලිව පෙනෙන්නේ ත්‍රිකුණාමලයේ මහා වරායේ පන්සලක් තිබූ බවයි. දෙවැන්න යාපනය රාජ්‍ය සිංහල රජුගෙන් පෘතුගීසීන් උදුරා ගත් බවයි. මේ අනුව ත්‍රිකුණාමලයේ කෝණේෂ්වරම් කෝවිලක් අතීතයේ සිට තිබූ බවට ඊළාම්වාදීන් කරන ප්‍රකාශය වංචාවක්‌ බව තහවුරු වේ. තවද යාපනයේ ස්‌වාධීන දෙමළ රාජ්‍යක්‌ නොතිබූ බවද ලන්දේසීන්ගේ සඳහනින් තවදුරටත් තහවුරු වේ. මෙයින් නොනැවතුනු පෘතුගීසීන් මඩකලපුවේද බලකොටුවක්‌ ඉදිකර ඇත. මෙයින් ඉමහත් කෝපයට පත් සෙනරත් රජු පෘතුග්‍රීසීන්ට පහර දීම සඳහා උපායක්‌ යෙදීය. එහි පළමු පියවර වූයේ පහත රට ප්‍රදේශවල ප්‍රධානීන් සමඟ රහසේ සම්බන්ධකම් පවත්වමින් ආක්‍රමණයකදී පහත රටින් පැමිණෙන සිංහල ලස්‌කිරිඤ්ඤ හමුදාව තමන් වෙත හරවා ගැනීමට මූලික කටයුතු යොදා තිබුණි. ඉන් පසුව කොන්ස්‌තන්තිනෝ ද සා ට ඌව ආක්‍රමණය කරන ලෙසට අභියෝග කර ඇත. ඒ අනුව සා හමුදාවන් රැගෙන ඉදල්ගස්‌හින්න හරහා ඌවට පැමිණි අතර බදුලු නගරය විනාශ කර එළදළුව කන්ද මතට ගොස්‌ රාත්‍රිය ගත කර ඇත. එහිදී කඩාහැළුනු අනෝරා වැස්‌සෙන් ඔවුන්ගේ වෙඩි බෙහෙත් හා කොටන තුවක්‌කු සියල්ල තෙමී ගියෙන් ඔවුන් නිරායුධ වී ඇත. මේ අතර සිංහල ලස්‌කිරිඤ්ඤ හමුදාවන්ගේ හැසිරීමේ වෙනසක්‌ පෘතුග්‍රීසීන්ටද නිරීක්‍ෂණය වී ඇත. කලින් කථිකා කරගත් පරිදි සිංහල බටයෝ පෘතුගීසීන් අත්හැර උඩරට රජුට එකතු වීය. මෙයින් අසරණව හුදකලා වූ පෘතුගීසීන් පසුබැසීම සඳහා කටයුතු කළ අතර ඔවුන් වැල්ලවායේ රන්දෙනිවෙල දක්‌වා පැමිණ ඇත. එහිදී ඔවුන් එහිදී විවේකීව සිය වෙඩිබෙහෙත් ආදිය වේලා ගැනීමට කටයුතු කළහ. වියළීමට තබා ඇති වෙඩි බෙහෙත්වලට ගිනිදැල් වූ කරුංකා ගෙඩිය ඇමිණූ හී වලින් විද ඒවා ගිනි තැබීමට කටයුතු කළ අතර ඉන් පසු තුවක්‌කු පාවිච්චිය නතර වූයේ වෙඩි බෙහෙත් නොමැති වීම නිසාය. සිංහල හමුදාව පෘතුගීසීන් වෙත උකුසු ඇස යොමු කරමින් වනයේ සැඟවී සිට වටකර ඊතල වර්ෂාවලින් පෘතුගීසි හමුදාව සමූල ඝාතනය කර ඇත. කිසිම පෘතුගීසී හමුදා භටයකුට ජිවිතය බේරා ගැනීමට ඉඩක්‌ ලැබී නැත. කොන්ස්‌තන්තිනෝ ද සා ගේ ජීවිතය ද මෙතනින් කෙළවර වී ඇත.
මියගිය කොන්ස්‌තන්තිනෝ ද සා ගේ හිස කඳින් වෙන්කර බෙරයක්‌ මත තබා බෙර හඬ නගමින් කිරිඳිඔයේ ජලස්‌නානය කරමින් සිටි රාජසිංහ රජු වෙත පිරිනමා ඇත. රජු ඉතාමත් ප්‍රීතියට පත් වූ අතර සෙනරත් රජු ද එයින් මහත් සතුටට පත් වී ඇත. ද සාට ත්‍රිකුණාමලය ගෝකණ්‌ණ විහාරය කඩා බිඳ දැමීමේ පාපය පඩිසන් දුන්නේ වැල්ලවායේ රන්දෙනි වෙලේදීය. මෙහදී අපට සිහිපත් වන්නේ කොටි සංවිධානයට ආයුධ පුහුණුව ලබා දුන් ඉන්දිරා ගාන්ධි මැතිණියයි. ඇය විසින් එම පාපය ගෙවන ලද්දේ සිය පුතා කොටින්ට බිලි දීමෙනි. ඒ වන විට ඇගේ ජීවිතය ද ශීක්‌ ජාතිකයන්ගේ රන්දෙවොලට හමුදාව යෙදවීමේ පාපය වෙනුවෙන් පුද කිරීම සිදු වී හමාර වී තිබුණි. ප්‍රභාකරන්ට ද සිය පාපය නන්දිකඩාල් කලපුවෙන් ගෙවා දැමීමට සිදු විය. ලංකාවට අකටයුතුකම් කරන කාටත් මෙය හොඳ පාඩමකි.
දැන් අපි ගෝකණ්‌න විහාරය පිළිබඳ දෙමළ ලේඛකයන් ලියා ඇති දේ බලමු. 1831 ලංකාණ්‌ඩුවේ ගැසට් පත්‍රයේ I.C.L.RT. 63 ප්‍රකාශයට පත්කර ඇති ත්‍රිකුණාමලය පිළිබඳ ස්‌තෝත්‍ර කෙරෙහි මෙහිදී අපගේ අවධානය යොමු කරමු. කවිරාජ වරෝධ්‍යන් නැමැති රචකයකු විසින් ලියා ඇති ස්‌තෝත්‍ර අත් පිටපතක්‌ හමු වී එය ඉංග්‍රීසියට පෙරළා එම ගැසට් පත්‍රයේ පළ කර තිබුණි. පෝල් ඊ පීරිස්‌ මහතා ද සිය පෘතුගීසි යුගය පොතේ මේ පිළිබඳව සඳහන් කර ඇති අතර මා ද එම ගැසට් පත්‍රය පෞද්ගලිකවම පරීක්‍ෂා කර බැලුවෙමි. මෙම ගැසට් නිවේදනයේ සඳහන් වන්නේ මනු නීති කණ්‌ඩචෝල රජු කෝනේෂ්වරන් කෝවිල වන්දනා කර ගැනීමට පැමිණි විට සිය පුත් කුලක්‌කොට්‌ටන් විසින් කන්තලේ වැව කරවා එය මෙම පුද බිමට පැවරූ බවයි. ඒ පිළිබඳව විස්‌තර ගද්‍යයෙන් හා පද්‍යයෙන් එහි දක්‌වා තිබුණි. එහෙත් ඇත්ත කථාව මේ කුමාරයාගේ නම උලක්‌කොණ්‌ඩ නම් වේ. ඔහු කොණ්‌ඩය උල්ව උසට පැවති අයෙකි. කුලක්‌කොට්‌ටන් යනු කරුණු වරදවා දැක්‌වීමකි. මොවුන් ආර්යයන් වන අතර බෞද්ධයන් ද වේ. මෙම පරපුර ලංකාවට ශ්‍රී මහා බෝධිය ගෙන ආ පරම්පරාවට සම්බන්ධ අයයි. එහිදී සඳහන් කළ යුත්තේ ශ්‍රී මහා බෝධිය ගෙන ආ කුමාරවරුන් අට දෙනා අතර එක් අයකුට යාපනයේ වඩමාරච්චි, තෙන්මාරච්චි හා වලිකාමම් යන භූමි 03 දෙවැනි පෑතිස්‌ රජු විසින් පිsරිනමා ඇත. එම නිසා එම පරපුරෙන් පැවත එන අයට ත්‍රිඹුල් බණ්ඩාර යන නම භාවිතා කරති. වීදිය බණ්‌ඩාරට ත්‍රිඹුල් බණ්ඩාර කියා ද භාවිතා කරන්නේ එම නිසාය. මේ විස්‌තර අද ද පැහැදිළි කර දිය හැකි පරපුරවල් වල අය ජීවත් වන බව මෙහි සඳහන් කරමි.
පිලස්‌සේ වීදිය බණ්ඩාර යනු ශ්‍රී මහා බෝධියේ ශාඛාවක්‌ පිලස්‌සේ උඩුපොළ පිහිටුවා විහාරයක්‌ කළ නිසා පරපුරට දෙන ගෞරව නාමයකි. කුරුණෑගල දිස්ත්රික්කයේ එම ස්ථාන අදත් දක්‌නට ඇත. මනුනීති කණ්‌ඩචෝල යනු කන්‍යා කුමාරි තුඩුව හා චෝල දේශය ද යාපනයේ ත්‍රිභූමිය ද පාලනය කිරීමට අශෝක අධිරාජ්‍යා විසින් දෙවනපෑතිස්‌ රජුගේ ද එකඟත්වය ඇතුව පැවරූ රජ කෙනෙකි. එකල චෝල දේශය දුර්වල රාජ්‍යයකි. මේ නිසා එය පාලනය කළේ ආර්යයන් විසිනි. පසුකාලීනව ඔවුන් බලවත් වූ විට මෙම ජනප්‍රවාද පවා දෙමළකරණයට ලක්‌ කර දෙමළ ජනතාව නොමඟ යවා ඇති බව පෙනේ. එල්ලාවල මේධානන්ද හිමි සඳහන් කර ඇත්තේ ත්‍රිකුණාමලයේ මහා පන්සල චෝඩ ගංගදේව (1196 - 1197) රජු විසින් ඉදිකළ බව සෙල්ලිපියක සඳහන් වී ඇති බවයි. එහෙත් එක අවුරුද්දක්‌ පාලනය කළ රජකුට එතරම් විශාල කර්තව්‍යයක්‌ කිරීමට හැකිදැයි සිතීම අපහසුය. ගජබා රජු (113 - 125) විසින් ද මෙම විහාරයට ඉඩකඩම් පූජා කළ බව සඳහන් වේ. අනුරාධපුරයේ පණ්‌ඩු රජ පාලනය කරන සමයේ උලක්‌කොණ්‌ඩ කුමාරයා ත්‍රිකුණාමලයේ බලයට පැමිණි බව යාල්පානයේ වෛපමාලයේ ද සඳහන් වී ඇත. උලක්‌කොණ්‌ඩ කුමාරයා ලංකාවට පැමිණ ඇත්තේ ක්‍රි.ව. 431 දීය. එනම් පාණ්‌ඩිය කුමාරවරු පස්‌දෙනකු අනුරාධපුර පාලනය කළ යුගයේදීය.
කාර්තිගේසු ඉන්ද්‍රපාල මහතා පළ කළ ජනවාර්ගික අනන්‍යතාවයේ විකාශනය (The Evolution of ethnic identity ) නැමැති පොතේ ත්‍රිකුණාමලයේ හමු වූ සෙල්ලිපියක ඡයාරූපයේ පළ කර ඇත. ඊට අමතව එල්ලාවල මේධානන්ද හිමි සිය උතුරු නැගෙනහිර බෞද්ධ පුදබිම් නැමැති පොතේ ද ගෝකණ්‌න විහාරයේ සංස්‌කෘත සෙල්ලිපියක්‌ පළ කර ඇත. එහි සඳහන් වන්නේ චෝඩ ගංග රජු මේ විහාරය ඉදිකළ බවයි. නමුත් එක අවුරුද්දක්‌ පොළොන්නරුවේ චෝඩගංග රජුට මෙවැනි භාරදූර කර්තව්‍යක්‌ කිරීමට කාලය තිබුණේ දැයි සිතා ගැනීම අපහසුය. අපගේ ලිපියේ අරමුණ බෞද්ධ පුද බිමක්‌ විනාශ කර කෝවිලක් ඉදිකිරීම පිළිබඳ අදහස තහවුරු කිරීමට පෘතුග්‍රීසීන් හා ලන්දේසීන් ලියා ඇති දේ හොඳටම ප්‍රමාණවත්ය.
ලංකා ඉතිහාසය පිළිබඳ (History of Ceylon) නම් පොතේ 301 පිටුවේ මහාචාර්ය පීටර් කර්නි නම් බිෂොප්වරයා සඳහන් කර ඇත්තේ ත්‍රිකුණාමලයේ හින්දු කෝවිලක් කඩා පෘතුග්‍රීසි බලකොටුව ඉදිකළ බවයි. මෙම බිෂොප්වරයා ලංකා ඉතිහසයට ද බුදුන්ට ද අතිශයින් නිග්‍රහ කළ පූජකයෙකි. ඔහු සඳහන් කරන්නේ ලංකා ඉතිහාසය ආරම්භ වන්නේ පෘතුගීසීන් පැමිණීමෙන් පසුව බවයි. මෙයින් පෙනී යන්නේ ත්‍රිකුණාමලායේ බෞද්ධ පුදබිම හින්දු කෝවිලක් ලෙස නම් කිරීම හුදෙක්‌ම ක්‍රිස්‌ත්‍රියානි පූජකවරුන්ගේ උවමනාවක්‌ බවයි. ඔවුන්ට පෙනෙන්නේ සිංහල බෞද්ධයන් උතුරු නැගෙනහිරට පැමිණීම වලක්‌වා මෙය සුදුසු උපායක්‌ බවයි. රට බෙදීමද මිෂනාරි පැවැත්මකි.
ඒ නිසා සත්‍ය පදනම් වූ ගෝකණ්‌න විහාරය සාදු හඬ යළිත් මතුකර ගැනීමටත් බුද්ධ වචනය අනුව සත්‍යවාදීය සංහිඳියාවට යැමටත් ධෛර්යය ලැබේවායි පතමි. සාදු ... සාදු.. බුදුන් වහන්සේ ලංකාවට වැඩම කළ තුන් වතාවේ දෙවතාවක්‌ම වැඩම කලේ ආරවුල් සමථයකට පත් කිරීමටය නාග දමනය හා යක්‍ෂ දමනය මෙම ආරවුල් දෙකය. එසේ නම් ආරවුල් සමථයකට පත් කිරීමට බුද්ධ වචනය අතීතයේ සිටම අපට වැදගත් වී ඇත. එය එසේම වේවා.
පියසිරි අමරකෝන් - ගණකාධිකාරී සේවා සංගමයේ හිටප සභාපති
http://www.divaina.com/2017/09/10/feature06.html
මුහුදු මහා විහාරය පිහිටා ඇත්තේ සුන්දර ආරුගම්බේ වෙරළ තීරයට මඳක්‌ නුදුරෙනි. වසර සිය දහස් ගණනක අතීත උරුමයන් රැසක් මෙම පොළෝ තලයේ තවමත් යටව ඇත. නිමක්‌ නැති බාධක කම්කටොලු මැද මෙම පුදබිම අදට ද අතිත උරුමයේ අරුමය ලොවට කියාපායි.
අම්පාර දිස්ත්රික්කයේ පොතුවිල නගර මධ්‍යයේ පිහිටා ඇති මෙම පුදබිමට මොණරාගල නගරය හරහා සියඹලාණ්‌ඩුව ලාහුගල මාර්ගය ඔස්සේ යා හැකිය. එසේ නැතිනම් අම්පාර අක්‌කරපත්තු මාර්ගය හරහා හෝ කල්මුනේ අක්‌කරපත්තුව මාර්ගයෙන්ද යා හැකිය.
කැලණිතිස්‌ස රජ සමයේ මුහුද ගොඩගැලීම නිසා මුහුදට පා කර යෑවූ විහාර මහා දේවිය ගොඩබැස්‌සේ මෙම මුහුදු මහා විහාරයට බව ජනප්‍රවාදයේ සඳහන්ව ඇත. සුන්දර කුමරියක්‌ නැවකින් වෙරළට ගොඩබැස ඇති බව දැනගත් කාවන්තිස්‌ස රජු මෙම ස්ථානයට පැමිණෙන විට කෝ කුමාරි යන පුවත ඇසූ ස්ථානය කෝමාරිය වූ බවද පැවසේ. එවිට සේවකයෝ කාවන්තිස්‌ස රජුට අර ගමේ යෑයි පැවසු ස්ථානය පසු කාලයේ ආරුගම් ප්‍රදේශය වූ බවත් ආරුගම් ප්‍රදේශයේ මුහුදු ප්‍රදේශයට බොක්‌ක යනුවෙන් කියවන අතර එයට ඉංග්‍රීසි බසින් බේ යන වචනය එකතු වීමත් සමඟ ආරුගම් ප්‍රදේශය ආරුගම්බේ බවට පත්වූ බවත් ජනප්‍රවාදයේ කියවේ.
මෙම පුදබිමට අක්කර 264 ක් මුල් කාලයේ තිබී ඇති අතර ඒ අවට අතීතයේ සිට පැවති පුරා වස්‌තූන් රැසක් විසිරී පැවතුණි. නමුත් අවට පදිංචි පොතුවිල නගර වාසීන්ගේ දැඩි කරදර බාධක සහ ආක්‍රමණය නිසා මෙම පුදබිම ඉඩම දිනෙන් දින අඩු වන්නට විය. සංවිධානාත්මක පිරිසකගේ මෙම ආක්‍රමණය නිසාත් 1965 ගැසට් නිවේදනයට පින් සිදු වන්නට මෙම භුමියෙන් ඉතිරි වූයේ අක්කර 30 ක් පමණි. ඉතිරි අක්කර 234 ක්ම අවට ප්‍රදේශවාසීන් විසින් අත්පත් කරගෙන ඇත.
එතැන් සිට මේ වන තෙක්‌ ගතවූ කාලය තුළ මෙම මුහුදු මහා විහාරයේ ඉඩම් කොල්ලය ජයටම යන්නට විය. ඒ ආක්‍රමණය නිසා මේ වන විට මෙම පුදබිමට ඉතිරිව ඇත්තේ අක්කර 03 ක් පමණි. එයින්ද මේ වන විටත් මෙම අක්කර තුනක භුමියෙන් කොටසක්‌ ද අල්ලා ගන්නට පිරිසක් කටයුතු කරමින් සිටිති. මෙම පුදබිමේ ඉදි කරන ලද දාගැබ ආසන්නයේ මේ වන විටත් වැටක්‌ ගසමින් තවත් බිම් තීරුවත් ඇතැම් පුද්ගලයන් විසින් අල්ලා සංවර්ධනය කරමින් සිටිති. ඒ දාගැබට අඩි තිහ හතළිහක්‌ දුරකිනි. මේ ආකාරයේ එම ඉඩම හාරා සංවර්ධනය කිරීම තුළ ඉදිරියේදී මෙම මුහුදු මහා විහාරයේ දාගැබට හානියක්‌ වීමටද ඉඩ ඇත. නමුත් මේ සියල්ලම වෙද්දී බලධාරීන් නිහඬය.
පසුගිය සමයේ මෙම පුද බිමට එන මාර්ගය දැනගැනීම සඳහා ප්‍රධාන මාර්ගය ආසන්නයේ ගසා තිබුණු නාම පුවරුව නිතර දෙවේලේ අන්තවාදී පිරිස්‌ කඩා දමන ලදී. ඇතැම් සමයක මෙම පුදබිමේ බෞද්ධ කොඩියක්‌වත් දමන්නට නොහැකිව තිබුණි. ඒ සියල්ලම අන්තවාදීන් ගලවා විනාශ කරන ලදී. ඒ නිසා මෙම පුදබිමේ වැඩවාසය කරන ලද හිමිවරුන් තහඩුවක අඳින ලද බෞද්ධ කොඩියේ අඟලෙන් අඟලට ඇණ ගසා මෙම පුදබිමේ බිත්තියක ගසා තිබෙන ලදී. ඒ ආකාරයෙන් මෙම පුදබිම රකින්නට එකල වැඩ සිටි හිමිවරුන් මහත් වීරියක්‌ ගන්නට වූහ.
මෙම පුදබිම පුරා පුරාවස්තු රැසක් විසිර තිබෙන අතර ඉපැරණි පිළිම ගෙය සුවිශේෂී බවක් උසුලයි. ඒ සමඟ ඒ දෙපස ඇත්තේ මුරගල් යුගලයකි. 07 වැනි සියවසට අයත් යෑයි සැලකෙන බුදුපිළිම වහන්සේගේ ප්‍රතිමාව දෙපස අවලෝකිතේශ්වර බෝධි සත්ව ප්‍රතිමා දෙකකි. තවද මීට වසර කිහිපයකට පෙර මෙම ප්‍රදේශයේ වැලි තලාවෙන් වැසී ගිය නටබුන් රැසක් මතු වන ලදී. මේ ආකාරයෙක්‌ විශාල භූමියක් පුරා විසිරී පවතින මෙම පුදබිම ආශ්‍රිතව නිසි කැණීමක්‌ සිදු නොකර තිබෙන නිසා තවමත් මෙම අතීත තොරතුරු වසන්ව ඇත.
සීලරතන හිමියන්ගේ අපවත් වීමෙන් පසු 2010 වසරේ සිට මෙම පුදබිම භාරවූයේ වත්මන් විහරාධිපති වරකාපොළ ඉන්දසිරි හිමිපාණන්ටය. මෙම පුදබිම වසර 14 ක කාලයක්‌ තිස්‌සේ රැකගන්නට කතරගම සීලරතන හිමියන් මහත් වෙහෙසක්‌ ගත්හ. ඇතැම් අවස්‌ථාවක අන්තවාදී පිරිස්‌ පැමිණ සීලරතන හිමියන්ට පොලු මුගුරුවලින් නොසෑහෙන්නට පහර දුන් අවස්ථා ද තිබුණි. සීලරතන හිමියන් අපවත් වූ පසු 2010 වසරේ සිට මෙම විහාරස්‌ථානයේ වැඩකටයුතු කරනු ලබන්නේ පූජ්‍ය වරකාපොළ ඉන්දසිරි හිමියන්ය. තවත් හිමිවරු දෙනමකගේ සහායෙන් මෙම පුදබිම දිනෙන් දින දියුණු කරන්නට ඉන්දසිරි හිමියන් මහත් වෙහෙසක්‌ දරති.
ඒ අනුව මේ වන විට අන්තවාදීන්ගේ දැඩි තර්ජනයක්‌ එල්ලව ඇති මෙම පුදබිම අද මනස්‌කාන්ත පුදබිමක්‌ බවට පත්ව ඇත්තේ ඉන්දසිරි හිමියන්ගේ දැඩි කැපවීමක ප්‍රතිඵලයක්‌ නිසාය. නව බුද්ධ මන්දිරය සහ තැන් තැන්හි පිළිම වහන්සේලා ඉදිවෙමින් රණවිරුවන්ගේ දායකත්වයෙන් සහ පරිත්‍යාගශීලීන්ගේ සහායෙන් ඉදිවුණ දාගැබ මේ වන විට මුහුදු මහා විහාරස්‌ථානයට මහත් අභිමානයක්‌ ගෙන දෙයි. නමුත් අදටත් මෙ විහාරස්‌ථානය වෙත එල්ලව ඇති තර්ජන නම් කිසිම අඩුවක්‌ දක්‌නට නැත. අහස උසට අපේකම සමඟින් ඉහළට එසවී යන මෙම දාගැබ අසල මේ වන විට විහාරස්‌ථානය සතු භුමිය විවිධ පුද්ගලයන් විසින් වැටවල් ගසමින් අත්පත් කරගනිමින් සිටින්නේ නිතිය තඹයකට හෝ මායිම් නොකරමිනි. එසේ අල්ලා ගත් භූමිය වැලි ඉවත් කර දැන් ඩෝසර් යොදා සංවර්ධනය කරමින් සිටිති. එසේ ඉදිකරන ලද දාගැබට නුදුරින් මේ ආකාරයෙන් වැලි ඉවත් කර කටයුතු කිරීම නිසා මෙම දාගැබට මහත් හානියක්‌ සිදුවීමට ඉඩ ඇත.
මෙවන් තත්ත්වයක්‌ යටතේ ගැටලු රැසක් මැද මෙම පුදබිම රැකගන්නට අපේ හිමිවරුන්ට ඔබගේ සහාය අත්‍යවශ්‍යව ඇත. මෙම පොතුවිල ප්‍රදේශයේ සංචාරයට පැමිණෙන අය බලවත් ගැටලුවකට මුහණපා ඇත. ඒ විශ්‍රාම ශාලා නිසි පරිදි නොමැති වීමයි. මුහුදු මහා විහාරයේ තිබෙන කුඩා විශ්‍රාම ශාලාව ප්‍රමාණවත් නොවන නිසා දෙමහල් විශ්‍රාම ශාලාවක්‌ ඉදිකරන්නට කොළඹ ආනන්ද විද්‍යාලයේ සේවය කරන ලද ජී.එල්. ආරියපාල, නෙල්සන් විඡේසේන, මහින්දපාල ද සිල්වා, ආරියවංශ මුතුගම සහ ප්‍රේමදාස ජයසිංහ යන ගුරු පියවරුන් පස්‌දෙනකු වැඩ කටයුතු ආරම්භ කරන ලදී. ඒ අනුව පරිත්‍යාගශිSලීන්ගේ සහාය මත මේ වන විට දෙමහල් විශ්‍රාම ශාලාවේ බොහෝ වැඩකටයුතු ප්‍රමාණයක්‌ නිමව තිබුණත් ඉතිsරි වැඩකටයුතු සඳහා ද විශාල මුදලක්‌ වැය වන නිසා මෙම සත් කාර්යය සිදුකරන පිරිස ප්‍රතිපාදන සොයා ගැනීමට අපහසුව දැඩි ගැටලුවකට පත්ව ඇත.
මුහුදු මහා විහාරයේ වියළි වැලි කතර මත ගඩොලින් ගඩොල තැබී ඉහළට නැඟුණු මෙම විශ්‍රාම ශාලා ගොඩනැඟිල්ල මේ වන විට මුළුමනින්ම වාගේ ඉදිව ඇත. දැන් ඇත්තේ වහළ සෙවිලි කිරීම. කපරාරු කිරීමටය. ජනෙල් දොරවල් සවිකර නිමා කිරීමටය ඒ සඳහා විශාල මුදලක්‌ වැය වෙනු ඇත.
මෙම සත්කාර්යය සඳහා පුරෝගාමීව කටයුතු කරමින් සිටින ජී.එල්. ආරියපාල මහතා මෙසේ අදහස්‌ දක්‌වා සිටින ලදී.
පොතුවිල මුහුදු මහා විහාරය කියන්නේ දැඩි ගැටලු රැසකට ලක්‌වූ අපේ පෞරාණික පුදබිමකි. දහසක්‌ බාධක මැද මේ වන විට අතීතයේ සිට මේ දක්‌වා අපට දැකගන්නට හැකි සේ පුරාවස්‌තූන් රැසක් මේ තරමින්වත් ඉතිරිව තිබිම අනාගත පරපුරේ භාග්‍යයක්‌. ඒ නිසා මෙම පුද බිම අපි රැකගත යුතුයි. වසර ගණනක්‌ තිස්‌සේ මෙම ස්ථානය හුදෙකලාව තිබීම නිසා බොහෝ දෙනෙකුගේ වැඩි අවධානයකට ලක්‌ නොවීම නිසා අවට පදිංචිකරුවන්ගෙන් නිසා දැඩිසේ තර්ජනයට ලක්‌වූ පුදබිමක්‌. ඒ නිසා මෙම පුදබිම රැකගැනීමට නිරන්තරයෙන් සහාය දෙන ලෙස අපි ඉල්ලා සිටිනවා යෑයි ද ආරියපාල මහතා 'ඉරිදා දිවයින'ට අදහස්‌ දක්‌වමින් පවසා සිටින ලදී.
මෙම අවස්‌ථාවේදී අදහස්‌ දැක්‌වූ ආදි ආනන්ද ගුරුසංගමයේ සභාපති නෙල්සන් විඡේසේන මහතා මෙසේ පැවසුවේය.
අපි මෙම විහාරස්‌ථානය වෙත පැමිණි විට කුමක්‌ හෝ කරන්නට අවශ්‍යයයි කියන අදහස හිතට ආවා. ඒ අනුව ආනන්දයේ මිතුරන් පස්‌දෙනෙක්‌ එකතුවෙලා කොහොම හරි මෙම පුදබිමට පැමිණෙන අයට නවාතැන් පහසුකම් සලසාදිය හැකි ආකාරයේ හොඳ දෙමහල් විශ්‍රාම ශාලාවක්‌ සෑදිය යුතු යෑයි තීරණය කළා. ඒ අනුව මේ වන විට අපි දෙමහල් විශ්‍රාම ශාලා ගොඩනැඟිල්ල ඉදිකර තිබෙනවා. වහළය සකස්‌කර ඉතිරි වැඩකටයුතු සිදු කිරීමට අවශ්‍යයි. ඒ සඳහා විශාල මුදලක්‌ වැය වෙනවා. මේ ආකාරයෙන් මේ වන විට මෙම සත්කාර්යය සඳහා බොහෝ දෙනෙක්‌ නොමසුරු සහාය ලබා දුන්නා. ඒනිසා මේ සත් කාර්යය මෙතෙක්‌ සාර්ථකව කරගෙන ඒමට හැකි වුණේ. ඒ නිසා මෙතෙක්‌ අපිට සහාය දුන් ආකාරයට ඉදිරියටත් මේ ආකාරයට මෙම දෙමහල් විශ්‍රාම ශාලාව ඉදිකිරීම සඳහා සහාය දෙන ලෙස අපි ඉල්ලා සිටිනවා.
පොතුවිල මුහුදු මහා විහාරාධිපති වරකාපොල ඉන්දසිරි හිමියන්ද මෙසේ අදහස්‌ දැක්‌වූහ.
තවමත් මෙම විහාරස්‌ථානය වෙත තිබෙන බාධා ඉවත්ව නැහැ. මේ වන විට පරිත්‍යාගශීලීන්ගේ නොමසුරු සහයෝගයෙන් විහරස්‌ථානය ගොඩනඟාගෙන යනවා. විහරස්‌ථානයට අඩුවක්‌ව පැවති දාගැබ ඉදිකිරීම සඳහා නාරි හා ප්‍රසව විශේෂඥ වෛද්‍ය කපිල ගුණවර්ධන මහතා ඇතුළු විශේෂඥ වෙද්‍යවරු පිරිසක් නොමසුරු ධන පරිත්‍යාග කිරීම නිසා යුද හමුදාවේ රණ විරුවන්ගේ ශ්‍රම දායකත්වයෙන් අලංකාර දාගැබක් ඉදිකිරීමට හැකිවූවා. කොළඹ ආනන්ද විද්‍යාලයේ සේවය කළ ගුරු මහත්වරුන් පස්‌දෙනකුගේ මූලිකත්වයෙන් තවත් පරිත්‍යාග ශීලීන්ගේ ආධාර උපකාර මත මේ වන විට මෙම පුදබිමට බලවත් අඩුපාඩුවක්‌ව පැවති විශ්‍රාම ශාලාවක්‌ ඉදිකරන්නට කටුයතු ආරම්භ කර මේ වන විට ඉතා සාර්ථකව ඒ කටයුත්ත සිදු කරගෙන යනවා. මේ වන විට ඒ සියලු පිංවතුන්ට මෙම විහාරස්‌ථානය හුදෙකලා වන්නට ඉඩ නොදී රැකගැනීමට කටයුතු කිරීම සම්බන්ධයෙන් ස්‌තුතිය පුද කරනවා යෑයි ද ඉන්දසිරි හිමියන් ප්‍රකාශ කරන ලදී.
ඒ සඳහා සම්පත් බැංකුවේ පොතුවිල් ශාඛාවේ 0130 5000 3382 යන පොතුවිල් මුහුදු මහා විහාරයේ විහාරාධිපති පූජ්‍ය වරකාපොළ ඉන්දසිරි හිමි සහ විශ්‍රාම ශාලාව ඉදිකිරීමේ කමිටුවේ භාණ්‌ඩාගාරික එන්. විඡේසේන මහතා නමින් ඇති බද්ධ ගිණුමට බැර කිරීමට හැකිය. දහසක්‌ වූ බාධක මැද හෙට දිනයේ මෙම පුදබිමට පැමිණෙන බැතිමතුන් උදෙසා සිදුකරගෙන යනු ලබන මෙම සත්කාර්ය වෙනුවෙන් ඔබගේ නොමසුරු සහාය ද ඔවුන් බලාපොරොත්තු වෙති .
කලක සිට මෙම පුදබිම බෞද්ධයන්ගෙන් ඈත්ව තිබුණි. ඒ අතරවාරයේ අවසානයේ හිමිවූයේ අක්කර තුනකි. දැන්වත් මෙපින් බිම රැකගන්න ඔබේ සහාය අත්‍යවශ්‍යවම ඇත. ඒ නිසා ආනන්ද විදුපියසේ ආදි ගුරුවරුන් කිහිප දෙනකු මුල්වී කරනා මෙම සත්කාර්යයට ඔබේ සහාය ද ලැබෙන්නේ නම් අභියෝග මැද ගොඩනැඟෙන මුහුදු මහා විහාරයේ උන්නතියට එය මහත් ශක්‌තියක්‌ වෙනු ඇත.
සුසන්ත අමරබන්දු
http://www.divaina.com/2017/09/03/feature19.html
සබැඳි ලිපි -
[
මුහුදු මහා විහාරය ඩෝසර් කිරීම -
http://yukthiyawenuwen.blogspot.com/2012/06/blog-post.html
නැගෙනහිර සමුද්‍රගිරි පිච්චමල් විහාර පුරාවිද්‍යා බිම අන්තවාදීන්ගේ ග්‍රහණයට!http://yukthiyawenuwen.blogspot.com/2017/07/blog-post_86.html
කොටින්ගෙන් බේරාගත් නැගෙනහිර පුදබිම් අන්තවාදී වගවළසුන්ගේ ආක්‍රමණයට හසු වෙයි!http://yukthiyawenuwen.blogspot.com/2017/07/blog-post_10.html
ජාතියම කම්පා කරන දිගාමඩුල්ලේ දාගැබ් කොල්ලයhttp://yukthiyawenuwen.blogspot.com/2013/05/blog-post_6351.html
මඩකලපුවේ පන්සලක් ඩෝසර් කරලා... පුරාවිද්‍යා රක්ෂිතය අල්ලා වී වගාකරලා!
http://yukthiyawenuwen.blogspot.com/2016/11/blog-post_16.html
නැගෙනහිර මුස්ලිම් අන්තවාදය දරුණුයි.. මහා සංහාරයකට පෙර, පෙරට එන්න – මහ සගරුවණෙන් ජාතියට ආයාචනයක්
http://yukthiyawenuwen.blogspot.com/2016/01/blog-post.html
අම්පාරේ තවත් දාගැබක් සමතලා කර කුඹුරක් හදලා! නැගෙනහිර බොදු උරුමය වැනසීමේ සංවිධනාත්මක වැඩපිළිවෙලක්http://yukthiyawenuwen.blogspot.com/2015/10/blog-post_22.html
මුසළු අන්තවාදීහු නැගෙනහිර තවත් දාගැබක් වනසතිhttp://yukthiyawenuwen.blogspot.com/2013/05/blog-post_4581.html
මුසළු අන්තවාදීන් අතින් වැනසෙන අපේ උරුමයේ තවත් දිගුවක්
http://yukthiyawenuwen.blogspot.com/2013/04/blog-post_5928.html
අක්කරපත්තුවේ බෞද්ධ නටඹුන් ගල් කණු ගලවා පල්ලියක් සාදති!
http://yukthiyawenuwen.blogspot.com/2016/04/blog-post_19.html
ඉතිහාසයෙන් අතුගෑවෙන නැගෙනහිර
http://yukthiyawenuwen.blogspot.com/2014/01/blog-post_4864.html
නැගෙනහිර සිහල බොදු උරුමය සේදීයයිද? දේශපාලකයන් සහ රජ්‍ය නිලධාරීන් හවුලේ මහා ඉඩම් කොල්ලයක...
http://yukthiyawenuwen.blogspot.com/2014/02/blog-post_7802.html
දෙබෑ වූ විශිෂ්ඨ බොදු උරුමය - මොට්ටාගල දාගැබ් සංකීර්ණයේ විසල්ම දාගැබ
http://yukthiyawenuwen.blogspot.com/2012/11/blog-post_4485.html
මොට්ටාගලින් මහා උරුමයක සාක්ෂි මතුවේ!
http://yukthiyawenuwen.blogspot.com/2012/11/blog-post_7167.html
අක්කරෙයිපත්තුවේ වැනසූ ඉපැරණි දාගැබ (මොට්‌ටයාගල දාගැබ) - මුස්ලිම් අන්තවාදයේ ඊළඟ ගොඳුර කුමක්ද?
http://yukthiyawenuwen.blogspot.com/2012/09/blog-post_11.html
http://yukthiyawenuwen.blogspot.com/2012/09/2.html
අන්තවාදයේ නවතම බිල්ල - මුසල්මානුවන් වැනසූ අනුරපුර සෙනවිරත් පිරිවෙන
http://yukthiyawenuwen.blogspot.com/2012/09/blog-post_8.html
දඹුල්ල අනවසර පල්ලිය, කූරගල බොදු බිම ආදිය පිළිබඳ මුස්ලිම් අන්තවාදයේ නිරුවත සැකෙවින්...
http://yukthiyawenuwen.blogspot.com/2012/07/blog-post.html
]
