Pages

Thursday, January 8, 2015

දුෂ්ඨ ගමනට දැන් සමු දිය යුතුමයි!



අපේ එකම අරමුණ රටයි. ජාතියයි. ආගමයි! මහින්ද හෝ මෛත්‍රී නොවේ. එදා බොදු බලයෙන් සිහසුන් වැඩි මහින්ද බොදුනුවන්ටම රිදවන විට අපි එකහෙලා ඊට එරෙහි වූයෙමු! අපේ සැඟවූ න්‍යාය පත්‍ර නැත. මහින්ද රජ කරවන්නට කැපවූ අපි, එසේ කිරීමට උරදුන් බොදුනුවන්ට රිදවන විට දත්ත, සංඛ්‍යාලේඛන සහිතව ඊට එරෙහිව ලිව්වෙමු! 

සිහල බොදු බලයෙන් සිහසුන් වැඩි පාලකයන්ට අමතක වූ කෘතගුණ!http://denethharinna.blogspot.com/2013/06/blog-post_1.html

මෙම ලිපිය උපුටා ගත්තේ ප්‍රභාත් මහීපාල මහතා යක්කලමුල්ලේ පවර හිමියන්ගේ තතු යාවත්කාලීනයකට දැක්වූ මුහුණු පොතේ ප්‍රතිචාරයකි.

ඔබ වගේම රටේ හුගක් දෙනෙක් මෛත්‍රී ට එරෙහිව කරන තවත් පොදු විවේචනයකට මගේ අදහස මෙන්න, චන්ද්‍රිකා රනිල් සම්බන්ධව වූ ප්‍රශ්ණය මුලු රටම පොදුවේ අහන ප්‍රශ්ණයක් බැවින් ඒ ගැන මගේ අදහසත් ලියන්න හිතුනා.විධායකය කඩුවකට හා රට බෙදීම ඇතුලු සියලු අනතුරු කොස් ගෙඩියකට සමාන කරමු.එහෙම බැලුවොත් මේ කියන්න හදන්නේ මෛත්‍රී දිනුවොත් චන්ද්‍රිකා හා රනිල් බලපෑම් කරලා මෛත්‍රී අතේ තිබෙන කඩුවෙන් කොස් කොටවයි කියන එක නේද?හැබැයි මේක ප්‍රාෙයා්ගිකද?චන්ද්‍රිකාගේ අතේ මේ කඩුව වසර11 ක් තිබ්බා.එයින් අවුරුදු 2 ක කාලයක් හෙට වගේ පිනට ලැබෙන්න යන අගමැති කමක් නොව ජන වරමින් ලැබුනු අගමැති විධියට රනිල්ගේ සහයත් ඇයට ලැබුනා.තමන්ගේ අතේ කඩුව තියෙද්දි කොටාගන්න බැරි වුනු කොස් ගෙඩිය මෛත්‍රී ලවා කොටවා ගන්න පුලුවන් කියන එක විහිලුවක් නේද?

එදා ජාතික ව්‍යාපාරයේ අපේ නායකයන්ට දේශපාලන බලයක් නැතිවම චන්ද්‍රිකා රනිල් පරාජය කිරීමට හැකි වුනා.අද අපි හුගක් ශත්තිමත්.මෛත්‍රී පාලනය ගේනවා වගේම ඒ ගමණට වග කියන්න පුලුවන් නායකයො විදියටජා හෙ උ රතන හාමුදුරුවො, චම්පික වගේම සරත් ෆොන්සේකා,මාදුලුවාවේ සෝභිත හාමුදුරුවොත් ඉන්නවා.හැබැයි ඔය කියන මහින්දගේ ඒකාධිපති ගමනට දශමයකින් වත් බලපෑමක් කරන්න විමල්ට වත් ගම්මන්පිලටවත් බො බ සේනාවටවත් හැකියාවක් නෑ.අඩු ගානේ මහ නා හිමි වරුන්ටවත් ඔහු ඇහුන්කම් දෙන්නේ නෑ.ඒ නිසා අපි බොරු මනෝරාජික තර්ක වලට නොගොස් රටට අවහ්‍ය මේ දේශපාලන වෙනස වෙනුවෙන් පෙළ ගැසෙමු

ජාතික ව්‍යාපාරයේ එකම අරමුණක එකට හිටපු අපේ සගයන් මේ හදිසි ජනාධිපතිවරනය හමුවේ බෙදී සිටීම කණගාටුවට කරුනකි.නමුත් අපි යථාර්ථය දකිමු!මගේ අදහස මෙන්න, අපි බොහෝ දෙනා ජාතික අරමුනේ එකට හිටපු අපේම අය.අපේ අදහස් සමානවයි තිබුනේ.මේ ජනාධිපතිවරනය පොදුවේ ජාතික අරමුනේ එකට හිටපු අපේ මිනිස්සුන්ව මතවාදීව තරමක් දෙකඩ කළා.මහින්දගේ පාළනය හා ගමණ ජාතික අරමුණු දිනා ගැනීමේ සටනට තිබිය යුතු හොදම හා එකම පාලනය නම් තුනෙන් දෙකේ බලයක් සහිතව එනම් ස්ථාවරව තිබුනු මේ රට තවත් අවුරුදු දෙකක් එසේම ගමන් කරන්නට තිබෙන ඉඩ අහුරමින් අස්ථාවර කලේ අපිද මහින්දද?අනෙක් පැත්තෙන් ජාතික අරමුනේ හිටපු අපි දෙන්නමත් පොදුවේ බොදුබල සේනා ඇතුලු සංවිධානත් පසුගිය වසර 4 ක් තිස්සේ විවේචනය කලේ මහින්දගේ සිංහල බෞද්ධ විරෝධී ගමන් මග නේද?

අපේ දරුවන් 26000 ක් ඇස් ඉස් මස් ලේ දන්දී දිනාගත් උතුරු නැගෙනහිර භූමියේ අපේ සිංහලයන්ගේ අයිතිය ලබා නොදුන්,මුස්ලිම් අන්තවාදයට නැගෙනහිර ස්වභාවික වනාන්තර අත්පත් කර ගනිමින් පදිංචි වෙන්නට ඉඩ හැර ඇස් වසාගෙන හිටපු,අලුත්ගම සිද්ධියේ ඇත්ත කතාව දිගින් දිගටම මාධ්‍යයට වසන් කරමින් ජාත්‍යන්තරය තුල සිංහල බෞද්ධයා හෑල්ලුවට පත් කල,නැගෙනහිර මූධර්මවාදී අරාබි විශ්ව විද්‍යාළ අරිමින් හලාල් හා ශරියා බැංකු වලට ව්‍යාප්ත වන්නට ඉඩකඩ ලබා දුන්,කූරගල අපේ ඉතිහාසය මහාචාර්ය රාජ් සෝමදේවයන්ගේ ගවේශනයට ලක් වෙද්දි පැය 24 න් එම කැනීම් නතර කරන්නට තම බළය පාවිච්චි කල,විදේශ තානාපති සේවාවන්ට ඥාතින් හා හිතවතුන් පත් කරමින් නුසුදුස්සන් හරහා රට අපකීර්තියට පත් කළ,උගත් පාඩම් කොමිසම හරහා අනවශ්‍ය දුරකට ගොස් 13 ඉක්ම වූ බලය බෙදීමකට වැරදි උපදෙස් ලබා දෙමින් මේ රට අනවශ්‍ය ජාත්‍යන්තර උගුලක හිර කළ,කුඩු,කැසිනෝ එතනෝල් වලට රටේ තරුණ පරම්පරාව බිලිදුන්,තුනෙන් දෙකේ බලය තිබියදීත් පළාත් සභා සතු අනිසි බලතල දශමයකින් හෝ සංශෝධනය නොකර ජාතික බලවේග වලට පිටුපා උතුරු පළාත් සභාව විග්නේෂ්වරන්ට බන්දේසියක තබා පාවා දුන්,රටේ ප්‍රමුඛ ජාතික අවශ්‍යතා ගැන පූර්ව තක්සේරුවකින් තොරව අවිධිමත්ව මහජන මුදල් අපතේ යවමින් කරගෙන යන කොමිස් වලට මුල් තැන දෙන රටට ඔරොත්තු නොදෙන මෙගා ඩීල් ව්‍යාපෘති,මහ නාහිමිවරුන්ගේ උපදෙස් තඹ සතයකට මායිම් නොකර බේබිලාගේ අවශ්‍යතාවය මත දළදා මාළිගාව වටේ කාර් රේස් පදිමින් විදේශික ගණිකාවන්ගේ නැටුම් වලින් අපේ පුද බිම කිළිටි කළ,ජාතික සම්පත් දේපළ හා ඉඩකඩම් චීනයට හා ඉන්දියාවට විකුණන,රටේ ජාතික ධනය පවුලේ බූදලයක් බවට පත් කරගනිමින් ඇති නැති පරතරය තව තවත් දුරස් කරමින් සමාජ අසාධාරනය රජ කරන දූෂිත පාළනයකට ගමන් කරමින් සිටින මහින්දට මට නම් මගේ අතින් නැවත ඡන්දයක් නම් දෙන්න බෑ.මේ දුෂ්ඨ ගමණට දැන් සමු දිය යුතුමයි.

තුන් වන වරටත් මොහු දිනුවොත් ඉහත කී සියලු විනාශයන් මේ රටේ මහජනතාව අනුමත කළා හා සමාන වෙනවා.ජාතියට රටට ආදරය කරන හැම දෙනාගේම පළමු වගකීම වන්නේ මේ ඒකාධිපති ගමණ නතර කිරීමයි.මෛත්‍රී ගේ පාළනය අලුතින් මුල සිට ආරම්භ වන්නක් බැවින් එය පාළනය කිරීමේ හැකියාවක් තිබෙනවා.පටන් ගත් තැන සිටම වැරදි පාරකට යන්න ඔහුට ඉඩක් නෑ.පහු වෙලා හෝ ඔහු වැරදි පාරකට වැටුනොත් ඒක වලක්වන්න ජාතික හෙළ උරුමය,ජෙනරල් සරත් ෆොන්සේකා සෝභිත හාමුදුරුවො වගේ බළ වේග තිබෙනවා.ඒ වගේම මේ එන්නේ එ ජා ප ආණ්ඩුවක් හෝ චන්ද්‍රිකා ආණ්ඩුවක් නොවෙයි.ශ්‍රී ල නි ප යේම මහලේකම් රාජ්‍ය නායකයා වන පාළනයක්.මම නම් මේ දෙස සුභ වාදීව බලනවා.මම හිතනවා මේ රටේ බහුතරයක් මේ දෙස සුභ වාදීව බලනවා ඇති කියලා.අපට හමුවන සමාජ කණ්ඩායම් තුලින් ඒ බව තහවුරු වෙනවා.ජාතික බලවේග නියෝජනය කරපු ඔබත් මමත් මොන තත්වයක් යටතේ වුවත් අපේ ජාතික අරමුණු ජය ගන්නට අධිෂ්ටාන කරගනිමු!

5 comments:

Unknown said...

io sirisena

Anonymous said...

Allah huakbar. We support Mithri too.

Anonymous said...

me parath mahinda dinanawa

Anonymous said...

මෙච්චර කල් දෙනෙත් අරින්න කියලා ලිව්වට මුගෙවත් දෙනෙත් ඇරිලා නෑ වගෙ. මුස්ලිම්, දෙමල චන්ද වලින් ගොඩ යන්න ඔන ද්‍රොහී වැඩක් කරන්න ලෑස්ති සුපුරුදු ද්‍රොහී සෙට් එකට චන්දෙ දීලා කෑවො කෑවො එහෙම කියනවා නෙවෙයි.

දෙනෙත් හරින්න ! said...

කිරෙන් දිය වෙන් කරගන්නට සමත් හංසයෝ, නිවැරැද්ද, සත්‍ය සහ විනය, වැරැද්දෙන්, අසත්‍යයෙන් සහ අවිනයෙන් වෙන් කර ගැනුමට සමත් වේවා!

මෙම ලිපිය උපුටා ගත්තේ බුද්ධික මල්ලවආරච්චි මහතාගේ මුහුණු පොතේ වූ තතු යාවත්කාලීනයකිනි.

බලකාමය මිනිසුන් අන්ධ කලේය. මහරජ සිහසුනට එසවූ අහිංසකයන්ට පහර වැදිනි. සැමදා රජු සමඟ සිටි බොදු බලයට නේකවිධ මඩ පහර වැදිනි. බලය සැමදා තම අත යැයි සිතූ මහරජුන්, සිහසුන් වැඩියේ දූෂණය, හොරකම යන කිරුළුද සමඟය. බලය, දූෂණය සඳහා ලැබෙන වරදානයක් නොවන බවට සියලු පාලකයෝ සිතාගත යුතුය. මේ දූෂිත පාලනය එරෙහිව මෙත් පාලනයක් වෙනුවෙන් නොබියව හැඬ නැගූ අප, අද හවස 6ට දිව්රන නව පාලකයන්ට මතක් කළ යුත්තේද මෙයයි.

කිරෙන් දිය වෙන් කරගන්නට සමත් හංසයෝ, නිවැරැද්ද, සත්‍ය සහ විනය, වැරැද්දෙන්, අසත්‍යයෙන් සහ අවිනයෙන් වෙන් කර ගැනුමට සමත් වේවා! එසේ නොවුනහොත්, හංස පාලනයටද එරෙහි වන්නට අපි කිසි විටෙක භිය නොවෙමු! මක්නිසාද යත්, අපි කිසිඳු පක්ෂයකට බැඳි පාක්ෂිකයන් නොවන බැවිනි!