බුදු දහමට අගෞරව කරන භික්ෂුන් වහන්සේලාට උසාවියෙන් දඬුවම් කිරීම මගින් භික්‍ෂුව හෑල්ලුවට ලක්‌වන බව එ.ජා.ප. නායකත්ව මණ්‌ඩල සභාපති පාර්ලිමේන්තු මන්ත්‍රී කරු ජයසූරිය මහතා කොස්‌ගොඩ සුනන්දාරාම විහාරයේ පැවැති උත්සවයකදී පවසා තිබේ. එය එසේ විය යුතු නම් එස්. ඩබ්ලිව්. ආර්. ඩී. බණ්‌ඩාරනායක මහතාට වෙඩි තබා මැරූ තල්දූවේ සෝමාරාම හිමි සිවුරු හැරීමකට පමණක්‌ ලක්‌ව සිය අවසන් කාලය නිදහස්‌ සමාජයේ ගත කරන්නට ඉඩ තිබිණ. බණ්‌ඩාරනායක ඝාතනය සැළසුම් කළ මාපිටිගම බුද්ධරක්‌ත හිමි හිරේ නොගොස්‌ උපැවිදි කිරීමකට පමණක්‌ ලක්‌ව නිදහස්‌ සමාජයේ ජීවත් වීමට ඉඩ තිබිණ. මන්ද සාපරාධී ක්‍රියාවක යෙදුණ භික්‍ෂුවක්‌ එල්ලුම් ගස්‌ යෑවීමට බලයක්‌ උසාවියකට හැර සංඝාධිකරණයකට නැත. එවැනි භික්‍ෂුවක්‌ හිරේ යෑවීමට ද සංඝාධිකරණයකට බලය නැත. සංඝාධිකරණය සතුව හිරගෙවල් නැත. ඒ නිසා මේ රටේ සිටින ජ්‍යෙෂ්ඨ දේශපාලන නායකයකු වන කරු ජයසූරිය මහතා වැනි උගත් වෘත්තීයවේදියෙක්‌ පන්සලක කතාවක්‌ පවත්වන විට භික්ෂුන් වහන්සේලා ඒ වේලාවට සතුටු කරන 'එදා වේල ටුවර්ස්‌' කතා නො කළ යුතුය. භික්‍ෂූහු මෝඩයෝ නොවෙති. මෝඩයෝ දේශපාලනඥයෝ ය.
*** *** **** *** ***
කෙසේ වුවද කරු ජයසූරිය මන්ත්‍රීතුමාගේ කතාව නිසා අපට කිසියම් වැදගත් සංවාදයකට එළඹීමට හැකියාව තිබේ. ඒ වූ කලී නූතන භික්‍ෂු සමාජය සහ භික්‍ෂුත්වය පිළිබඳ මතුව තිබෙන ප්‍රශ්න කිහිපයක් සාකච්ඡා කිරීමයි. භික්‍ෂුත්වය යනු එදත් අදත් කවදත් අතිශයින්ම දුෂ්කර වූ ව්‍යායාමයකි. ඇතැම් පෘථග්ජනයන් කල්පනා කරන්නේ සිවුරක්‌ පොරවා ගත් සැනින් භික්‍ෂුවක බිහිවන බවත් එතැන් පටන් උන්වහන්සේට දාන-මාන ඇතුළු හතර මහ නිධානය පහළ වන බවත් ය. මෙය ඉතා මෝඩ සිතුවිල්ලකි. සිවුරක්‌ දමා ගැනීමත් සමගම කෙනකුට බොහෝ දේ අහිමි වෙයි. පළමු කොට ඔහුට ඔහුගේ සුපුරුදු ජීවිතය අහිමි වෙයි. දෙවනුව ඔහුගේ පරිසරය අහිමි වෙයි. තෙවනුව ඔහුගේ දුවන හිත එක තැනක රඳවා ගැනීමට සිදුවෙයි. ඔහු සිවුර පොරවා ගත්තේ නිවන් මඟ සාක්‍ෂාත් කර ගැනීමට බව ඇත්තයි. එය අවසාන ඵලයයි. මුල් වරට සිවුර පෙරවූ පසු සාමනේර නමක් වන ඔහු ඉන්නේ අවසන් ඵලය දක්‌වා ගමන් කරන මාර්ගයේ මුල් තැන ය. ඒ මාර්ගය 'මග නැගුම' යටතේ සාදන ලද කාපට්‌ පාරක්‌ නොවේ. නිවන දක්‌වා යැමට ගතවන කාලය එක්‌ ජීවිත කාලයක්‌ විය හැකිය. නැත්නම් සංසාර ගමන තුළ සිදු කෙරෙන දීර්ඝ කාලයක්‌ විය හැකි ය. මේ දීර්ඝ කාලය පසෙක තබමු. මේ ජීවිත කාලය ගැන පමණක්‌ කතා කරමු. අද නගරාසන්නයේ තිබෙන පන්සල් බොහොමයකට දානය ලැබෙන්නේ නැත. මන්ද, පන්සල අවට සිටින මිනිසුන්ට කන්ට නැත. ඒ නිසා භික්‍ෂුව දානය සම්පාදනය කරගත යුතුය. භික්ෂුන් වහන්සේලා පිරිවෙනකට ඇතුළත් කළ විට බස්‌ එකේ නිකම් ගෙනියන්නේ නැත. ඒ සඳහා උන්වහන්සේලා සල්ලි ගෙවිය යුතුය. පිරිවෙනේදී පාඩම් ලියා ගැනීමට උන්වහන්සේලාට පොත්, පෑන්, පැන්සල් අත්‍යවශ්‍යය. 'වැලිපිල්ල' තවදුරටත් නැති අතර එය තිබුණත් එහි පාඩම් ලියාගෙන කරේ තබාගෙන පන්සලට ගෙන යැමට බැරිය. කොළඹ ඉගෙනුමට එන තරුණ සාමනේරයන් වහන්සේලාට නවාතැන් පහසුකම් නැත. හරියාකාර සිවුරු අඳනකඩ පවා නැති භික්ෂුන් වහන්සේලා ඕන තරම් පන්සල්වල සිටිති. කොටින්ම කියතොත් ගිහි ජීවිතයට වඩා ශ්‍රමණ ජීවිතය අති දුෂ්කරය. මේ අනුව පළමු කොට ශ්‍රමණ ජීවිතයට ඇතුලු වන අයට සම්මාන දිය යුතුය. දෙවනුව ශ්‍රමණ ජීවිතය පවත්වාගෙන යන භික්‍ෂුන්ට සම්මාන දිය යුතුය. අප කරන්නේ ඉතාම පහසුවෙන් කළ හැකි දෙයයි. එනම් සංඝ සමාජය විවේචනය කිරීම යි. මේ වෙලාවේදී හැමෝම බොදු බල සේනාවට බනිති. එහෙත් ඒ සංවිධානය මේ තීරණාත්මක අවස්‌ථාවේදී පොලිස් කූඩුවල ලැගීමේ අවදානම පවා ඉවතලා ඉදිරියට පැමිණි ආකාරය ගැන කවුරුවත් කතා නොකරන්නේ ඇයි? සංඝාධිකරණ පිහිටුවා භික්‍ෂුන්ට දඬුවම් දීමට පෙර උන්වහන්සේලා ගත කරන දුෂ්කර ජීවිත සහ කරන කැපවීම් ගැන සොයා බලමු. භික්‍ෂූහු මෝඩයෝ නොවෙති.
http://www.divaina.com/2014/06/27/editor.html
Pic
Source
මෑත කාලයක සිට "පුවත් මවන තරුවක්‌" බවට පත්වී සිටින වටරැක විජිත හිමියන් පිළිබඳව බෞද්ධ ජනතාව කිනම් මතයක්‌ දැරුවද, මේ සතිය පටන් ගත්තේ වටරැක හිමියන් පිළිබඳව බොදු දනන්ගේ සිත් සතන් ඉමහත් කම්පාවට පත් කළ සිද්ධියකින්. පානදුරේ හිරණ නම් ගම් ප්‍රදේශයෙන් තමයි ඒ කතාව උපත ලැබුවේ. වටරැක විජිත හිමියන්ට බලවත්සේ හිරිහැර පීඩා කොට, උන්වහන්සේගේ සිරුරේ තැනින් තැනට බරපතළ ලෙස තුවාල කොට, උන්වහන්සේගේම සිවුරෙන් කොටසක්‌ ඉරා උන්වහන්සේගේ පාද බැඳ දමා, කැලෑබද ප්‍රදේශයක දමා ගිහින් තිබූ බවත්, පසුව පොලිසිය එතැනට පැමිණ උන්වහන්සේ රෝහල් ගත කළ බවත් තමයි, ඒ පුවතින් කියෑවුණේ. ඒ අවස්‌ථාවේදී විජිත හිමියන් ලේ ගංගාවක්‌ මැද වැටී සිටි බවත් පුවත්පත්වල පළවී තිබෙනු දුටු බොහෝ දෙනා කම්පාවට පත්වීම, ආයිත් ඉතින් කියන්න දෙයක්‌ නැහැනේ...
ඊළඟට මේ සතියේ වාර්තා වූ තවත් පුදුම දෙයක්‌ වුණේ මහජනතාවගේ ආරක්‍ෂාවට සිටින පොලිසියේම කොස්‌තාපල්වරුන් දෙදෙනකු වෙළෙඳ ව්‍යාපාරිකයකුගෙන් ලක්‍ෂ 13 කට වැඩි මුදලක්‌ කොල්ලකෑම... කොහොම හරි පොලිසියටම ලැබුණු ඔත්තුවක්‌ අනුව, ඒ දෙදෙනාට වැඩි වේලාවක්‌ ලක්‍ෂ 13 බදාගෙන ඒ ජොලිය විඳින්නට හම්බවුණේ නැහැ... දෙන්නාටම පොලිස් කූඩුවේ ලගින්නට සිද්ධ වුණා.. අනුන්ගේ දේ අනුන්ගේම නේ...
පොලිසියේ එකෙක්‌ දෙන්නෙක්‌ මෙහෙම වැඩ කළාට පොලිසියේ වැඩි හරියක්‌ම ඉන්නේ හොඳ වැදගත් මහත්වරු. ඒ අතර එක්‌කෙනෙක්‌ දෙන්නෙක්‌ කරන වැඩ නිසා... අනවශ්‍ය ප්‍රශ්න ඇති වෙනවා. ලක්‍ෂ 13 ක් කොල්ල කෑ පොලිස් කොස්‌තාපල්වරුන් දෙදෙනා අත්අඩංගුවට ගෙන කූඩුවට දමද්දී 'මුන්ට වතුර ටිකක්‌වත් දෙන්න එපා' කියා පොලිස් ලොකු මහත්තයෙක්‌ කිව් බව සිටිසන් පෙරේරාට කිව්වේත් පොලිසියේම කෙනෙක්‌. ඒ මිනිස්‌සුන්ට ඉතින් තමන්ගේම වරිගේ කට්‌ටිය කරන වැඩ දැක්‌කාම කේන්ති යන එකත් අහන්න දෙයක්‌ යෑ? ලැඡ්ජාව මුළු සනුහරේටමනේ...
ඒ අතර තවත් තරුණයෙක්‌ද පොලිස් වෙඩි පහරකින් මිය ගිය බවත් ඊයේ පෙරේදා අසන්නට ලැබුණා. ඒ කතාව පත්තරවල පළවුණේ ඒ තරුණයා පොලිස් නිලධාරියාගේ ජීවිතයට තර්ජනයක්‌ වන්නට ගිය අවස්‌ථාවේදී පොලිසිය තැබූ වෙඩි පහරකින්, තරුණයා මළා කියලා... ඊට දින කීපයකට පෙරත් පොලිස් වෙඩි පහරකින් තරුණයෙක්‌ මිය ගියා... මේවා අහපු දැකපු හුඟදෙනෙක්‌ කතා කළේ "මිනිහෙක්‌ මෙල්ල කරන්නට නම් පොලිසිය ඒ මිනිහට මැරෙන්නම වෙඩි තියන්න ඕනෑ ද" කියලයි. දණ හිසෙන් පහළට වෙඩි තියලා මිනිසුන් මෙල්ල කරන්න පුළුවන් කියලනේ ඉස්‌සර කිව්වේ... ඒ නිසා වෙන්නැති මිනිස්‌සු මේ වගේ ප්‍රශ්න අසන්නේ...·
ඉතින් වටරැක හාමුදුරුවන් රෝහල් ගත කරලා දවසක්‌ දෙකක්‌ යන කොට දැන ගන්නට ලැබුණේ හරිම පුදුම කතාවක්‌. ඒ කතාව රටට හෙළි කළේ හාමුදුරුවන්ගේම සහෝදරයා. ඒ සහෝදරයා කිව්වේ හාමුදුරුවන්ට සිදුවී ඇති තුවාල හාමුදුරුවන් විසින්ම කර ගන්නා ලද ඒවා බවයි. හිතන්නත් පුළුවන්ද...?
ඊට පස්‌සේ ඒ කතාවට උත්තර බැන්ද වටරැක හාමුදුරුවෝ කිව්වේ, තමන්ට කලින් ලබා දී තිබූ පොලිස් ආරක්ෂාව පසුව ඉවත් කළ නිසා, යළිත් පොලිස් ආරක්ෂාව ලබා ගැනීමේ අදහසින් මේ 'රඟපෑම' කෙරුවා කියලයි.
මේ අතර ගිය අඟහරුවාදා ප්‍රසිද්ධ ජාතික පුවත්පතක පළමුවැනි පිටුවේ තිබූ සිරස්‌තලයක මෙහෙම තිබුණා.
"අනේ මොකද මේ ශාසනයට වෙන්නේ?"
අහුන්ගල්ලේ සිරි සීල විසුද්ධි හිමියෝ අසති. ඒ සිරස්‌තලය තිබුණේ එහෙමයි.
ඊළඟට එම ප්‍රවෘත්තියේ පළවූ ඡේදයක්‌ කියවා බලන්නකො.
ඒක මෙහෙමයි.
"රූපවාහිනිය බලන විට අපි දකිනවා අපේ සංඝයාවහන්සේලා පාරට බැහැල උද්ඝෝෂණ පිකටින් කරන හැටි. යකඩ වැටවල් පෙරළගෙන එක එක ඉල්ලීම් දිනා ගන්න කොච්චර පෙරළි කරනව ද? අපි මහණ වුණේ සියල්ල අත හැර සියලු දුක් නැති කිරීමටයි. එහෙම පොරොන්දු වී ගත් මහණකමේ අර්ථය අවුරුදු කීපයක දී අමතක කරනවා. සමහර හිමිවරුන් පැදුරු- කොට්‌ට අරගෙන අමාත්‍යාංශවලට යනවා. අනේ මොකද මේ ශාසනයට වෙන්නේ යෑයි" අහුන්ගල්ලේ සිරිසීලවිසුද්ධි අමරපුර සිරිසද්ධම්මවංශ මහා නිකායේ මහානායක හිමියෝ පසුගියදා (22 දා) කොස්‌ගොඩ දී ප්‍රශ්න කළහ.
මීළඟට තවත් ජාතික පුවත්පතක ඇතුළු පිටුවක ප්‍රධාන සිරස්‌තලයක්‌ යොදා තිබුණේ මේ විදියට.
"වටරැක හිමියන් නැටූ නාඩගමේ පිටපත හා අධ්‍යක්‍ෂණය කාගෙද?"
කොහොමින් කොහොම හරි පසුගිය බදාදා උදේ වටරැක හිමියන්ගේ "ටිකට්‌ එක" රෝහලෙන් කැපුවත් උන්වහන්සේට ආයිත් පන්සලට යන්නට ලැබුණේ නැහැ... එතැන බලා සිටි පොලිසිය, "බොරු පැමිණිල්ලක්‌ කර පොලිසිය මුළා කිරීමේ වරදට" "විජිත හිමි අත්අඩංගුවට ගත්තා. දැන් ඉතින් උන්වහන්සේ රිමාන්ඩ්. මුසාවාදා වේරමණී සික්‌ඛා පදං හාමුදුරුවරුන්ටත් වලංගුයිනේa·
මෙහෙම බලනකොට අපිට පේන්නේ වටරැක විජිත හිමියන්ගේ නාටකයේ තිර රචනයත්, පිටපතත්, උන්නාන්සේම ලියාගෙන උන්නාන්සේම ඒ නාටකයේ ප්‍රධාන චරිතයත් රඟපා ඇති බවයි.
"අනේ මොකද මේ ශාසනයට වෙන්නේ?" කියා සීලවිසුද්ධි නාහිමියන් විමසූ ප්‍රශ්නයට ගරුතර මහා සංඝරත්නයම පිළිතුරු දෙනු ඇතැයි කියලා අපි බලාගෙන ඉන්නවා.
සිටිසන් පෙරේරා
http://www.divaina.com/2014/06/27/feature03.html
Pic
Source
අලූත්ගම පොලීසිය විසින් සිදු කරන ලද සෝදිසි මෙහෙයුමකදී අලූත්ගම සීනවත්ත ජුම්මා මුස්ලිම් දේවස්ථානය අසළ තිබී පෙට්රල් බෝම්බ 18 ක් හා හිස් බෝතල් 100 ක් සොයා ගෙන තිබේ.
පොලීසිය සැක කරන්නේ පසුගිය දිනවල අලූත්ගම ප්රදේශයේ සිදු වූ ගැටුම්කාරී තත්ත්වයේ දී යම් විනාශකාරී සිදුවීම් වලට යොදා ගැනීම පිණිස මේවා සඟවා තබන්නට ඇති බවටයි.
http://lankacnews.com/sinhala/news/117974/
Pic
Source
]
අලූත්ගම දර්ගා නගරයේදී පසුගිය පොසොන් පොහෝදා කුරුදුවත්ත ශ්රී විජයාරාමාධිපති අයගම සමිත හිමියන්ට පහර දීමේ සිද්ධියට සම්බන්ධ සැකකරුවන් තිදෙනා උන් වහන්සේ විසින් හඳුනා ගැනීමේ පෙරෙට්ටුවේදී හඳුනා ගෙන තිබේ.
මොහොමඞ් අමීන් මොහොමඞ් අස්ෆර්, මොහොමඞ් අමීන් මොහොමඞ් අර්ෂාන් සහ මොහොමඞ් අමීන් මොහොමඞ් අජ්හාර් යන තිදෙනා මෙහි සැකකරුවන් වී තිබින.
සැකකරුවන් කළුතර වැඩ බලන මහේස්ත‍්‍රාත් වයි.එස්.ද සිල්වා මහතා පැවැත්වූ හදුනා ගැනීමේ පෙරට්ටුවට ඉදිරිපත් කළ අතර එහිදී අයගම සමිත හිමියන්ද,කාන්තාවන් දෙදෙනෙකු හා හා තරුණයන් දෙදෙනෙකුද විසින් ඔවුන් හදුනාගන්නා ලදී.
http://lankacnews.com/sinhala/news/118055/
Video
සබැඳි ලිපි -
[
පාකිස්‌තානයේ පෙශෝවාර්හි ප්‍රකට ගායිකාවක්‌ වූ ගුල්නර් සහසිකයන් සිව් දෙනෙකු විසින් ඝාතනය කර ඇත.
ඇගේ නිවසට කඩාවැදුණු සාහසිකයන් කීපවතාවක්‌ම වෙඩි තබා ඇතැයි පෙෂෝවාර් පොලිස් ස්‌ථානාධිපති රිසවුල් පැවසීය.
මෙයට පෙර පෙෂෝවාර්හි තවත් ගායිකාවක්‌ වූ ගයාලා ජා වුද්ද සාහසිකයන් පිරිසක් විසින් ඝාතනය කර තිබිණි.
ගීත ගායනය ඉස්‌ලාමීය විරෝධී ක්‍රියාවක්‌ ලෙස පෙෂෝවාර්හි අන්තවාදීන් විසින් හඳුන්වා ඇත.
ගුල්නර්ගේ ඝාතනයට ඉස්‌ලාමීය අන්තවාදීන් සම්බන්ධ යෑයි සැක කෙරේ.
http://www.divaina.com/2014/06/26/forign05.html
අලුත්ගම දර්ගා නගරයේ හා බේරුවල පසුගිය 15 වැනිදා ඇති වු ගැටුම් සම්බන්ධයෙන් මාධ්‍ය කටයුතු කළ ආකාරය ගැන බලවත් කනස්සල්ල පළ කරන බව බෞද්ධ සංවිධාන විසි තුනක් නිවේදනයක් නිකුත් කරමින් කියා සිටී.
සමස්ත ලංකා බෞද්ධ මහා සම්මේලනය,කොළඹ තරුණ බෞද්ධ සංගමය,රාජ්‍ය සේවා බෞද්ධ සංගමය,කොළඹ පරම විඥානාර්ථ බෞද්ධ සමිතිය,ජයග්‍රහණය සංවිධානය ,බෞද්ධ සංවිධාන ඒකාබද්ධ කමිටුව,ධර්ම විජය පදනම,ජාතික සංඝ සම්මේලනය,බොදු බල සේනා ,සිංහල රාවය ජාතික සංවිධානය,සිංහල වීරවිදහන,ජාතික විද්වත් සභාව,බෞද්ධ බල කේන්ද්‍රය,හෙළ බොදු සවිය,දේශප්‍රේමී විශ්ව විද්‍යාල ආචාර්ය සංගමය ,ස්වර්ණ හංස පදනම,හෙළ දැය වඩන්නෝ,රාවන සවිය ජාතික සංවිධානය ,හෙළ යුගය ජාතික සංවිධානය,හෙළ විජය ජාතික ව්‍යාපාරය,ඓතිහාසික පුද බිම් රැක ගැනීමේ ජාතික ව්‍යාපාරය,ශාන්ති පදනම,ශ්රී ලංකා මහාබෝධි පදනම එම සංවිධානයෝය.
පසුගිය 22 වැනිදා කොළඹ සමස්ත ලංකා බෞද්ධ මහා සම්මේලනයට රැස්ව මෙම ඒකාද්ධ ප්‍රකාශය නිකුත් කළේය.
එහි මෙසේ සඳහන් වේ.
පසුගිය පොසොන් පොහෝය දිනයේදී (2014-06-12) පතිරාජගොඩ,කුරුඳුවත්ත ශ්රී විජයාරාමයේ අයගම සමිත ස්වාමීන්වහන්සේ ධර්මදේශනයක් සඳහා පතිරාජගොඩ ශ්රී විවේකාරාමයට වෑන් රථයකින් ගමන් කරමින් සිටියදී පිරිසක් පාර අවහිර කිරීමත් උන් වහන්සේට පහර දීමත් හේතුකොටගෙන ඇති වු සිදුවීම් දාමය පිළිබඳව විවිධ මත විචාර,විග්‍රහ දේශිය හා විදේශිය විද්‍යුත් මුද්‍රිත මාධ්‍ය මගින් ප්‍රකාශට පත් කැර ඇත.
එමගින් අයගම සමිත ස්වාමීන්වහන්සේට හිමි වු අසාධාරණයත් ගැටුම්කාරී තත්ත්වයෙන් පසු මෙම ප්රදේශයේ බෞද්ධ ජනතාවට සිදු වු අසාධාරණයත් අප තුළ බලවත් කනගාටුවක් හා කනස්සල්ලක් ඇති කරයි.මෙම සිදුවීම් දාමයේ සත්‍ය කතාවේ ඇත්ත නැත්ත මාධ්‍ය මගින් වසා දමමින් බෞද්ධ ජනතාවගේ හඬ සැළැසුම් සහගතවම වාරණයකට ලක් කරන ලදි.එබැන් ඒ පිළිබඳව අපගේ බලවත් අප්‍රසාදය රජයට පළ කර සිටින අතර මේ රටේ බෞද්ධ භික්ෂුන් වහසේලාටත් බෞද්ධ ජනතාවටත් දේශිය සහ ජාත්‍යන්තර වශයෙන් ගෙන ගිය බොරු ප්‍රචාර හරහා සිදු වු අප කීර්තියට හා අගෞරවයට බෞද්ධ විරෝධි මාධ්‍ය වාරණයකට කටයුතු කළ බලධාරීන් මෙහි වගකීම බාර ගත යුතුය.
බොහෝමයක් දේශිය විදේශිය මාධ්‍ය හරහා ගෙන ගිය මෙම සිදු වීම මුල් කර ගෙන ප්‍රචාර වලින් සිදු වුයේ ශ්රී ලංකාවේ සිංහල බෞද්ධ ජනයා ස්ලාම් ,කිතුනු,හින්දු කිසිදු ආගමක් නොඉවසන ආචාරශිලී ගෝත්‍රවාදී අන්තවාදී සමාජයක් ලෙස පෙන්වාදීමටය.
අලුත්ගම සිදු වීමේ සත්‍ය කතාව රටට හෙළි කර නීතීය ක්‍රියාත්ම කරනවා වෙනුවට සිංහල බෞද්ධයන්ගේ හඩට මුකවාඩම් දැමීම හා මාධ්‍ය ආයතනවලට වාරණ නියෝග නිකුත් කිරීම සම්බන්ධව රජයේ ප්‍රවෘත්ති දෙපාර්තමේන්තුවේ ඒක පාර්ශවික ක්‍රියා කලාපය දැඩි පිළිකුලින් යුතුව අප හෙළා දකින අතර සිංහල බෞද්ධ සමාජයට කළ අසාධාරණය පිළිබඳව අපගේ බලවත් කනස්සල්ල හා විරෝධය මෙයින් පළ කර සිටින අතර අලුත්ගම සිදු වීමේ සත්‍ය කතාව පහත සැකෙවින් දක්වමු.
01පොසොන් පොහොය දින පතිරාජගොඩ කුරුඳුවත්ත ශ්රී විජයාරාමයේ අයගම සමිත ස්වාමීන්වහන්සේ ධර්ම දේශනයක් සඳහා වැඩම කරමින් සිටියදී පිරිසක් පාර හරස්කරගෙන සිටීම නිසා ඔවුන්ට ඉවත් වන ලෙස දැනුම් දීම හේතු කරගෙන ගැටුමක් ඇති විය.
02එහිදී එම තරුණයින් පිරිසක් අයගම සමිත ස්වාමීන්වහන්සේට පහර දුන් අතර මේ පිළිබඳව අලුත්ගම පොලීසියට පැමිණිලි කරන ලදි.පැමිණිල්ල විභාග කර සිද්ධියට සම්බන්ධ අය අත්අඩංගුවට ගන්නවා වෙනුවට පොලීසිය හිතාමතාම සිද්ධිය සම්බන්ධ අය අත්අඩංගුවට ගැනීම ප්‍රමාද කරමින් බොහෝ වෙලාවක් රස්තියාදු කරන ක්‍රියා පිළිවෙතක් අනුගමනය කළේය.මෙම පහරදීම සම්බන්ධ අය පොලීසියට ගෙනවිත් සමාව ඉල්ලා සිටින්නේ නම් මෙය සමතයකට පත් කැර ගැනීමට අයගම සමිත හිමියන් එකඟතාව ද පළ කළේය.පොලීසිය නීතීය ක්‍රියාත්මක කිරීමට ප්‍රමාද වු නිසා පහරකෑමට ලක් වු අයගම සමිත හිමි රෝහල් ගත විය.
නීතීය ක්‍රියාත්මක කිරීමට ප්‍රමාදවීම නිසා අලුත්ගම පොලිස් ස්ථානය ඉදිරිපිට රැස්වු බෞද්ධ ජනතාව අතර නොසන්සුන්තාවයක් ඇති විය.මෙම සිදුවීමෙන් පසු ප්‍රදේශය පුරා බෞද්ධ ජනතාව අතර නොසන්සුන්තාවයක් හා ආතතියක් ඇති විය.ඒ වගේම කටකතා ද පැතිර ගියේය.
මෙම තත්ත්වය හේතු කරගෙන අලුත්ගම බේරුවල ශාසනාරක්ෂක බලමණ්ඩලය හා භික්ෂුන් වහන්සේලා එකතුව මෙයට විරෝධය පළ කිරීම සඳහා අයගම සමිත ස්විමීන්වහන්සේ පිළිගෙන විහාරස්ථානයට වැඩම කරවීම සඳහා 2014-06-15 වැනි ඉරු දින බොදු හමුවක් අලුත්ගම නගරයේ පැවැත්වීමට කටයුතු කෙරිණි.
එම බොදු හමුව බොදු බල සේනා හෝ සිහල රාවය විසින් සංවිධානය කරන ලද්දක් නොවේ .ජාතික මට්ටමේ බෞද්ධ සංවිධාන වලට ද මෙම අවස්ථාවට ආරාධනා කරන ලදි.එම බොදු හමුවට පොලිස් අවසරය ලැබුණු අතර සිද්ධීය වු පතිරාජගොඩ දර්ගා නගරය වෙනුවට අලුත්ගම නගරයේ මේ බොදු හමුව පැවැත්වුයේ ගැටුමක් ඇතිවීම වැළැක්වීමේ චේතනාව නිසාමය.
04මෙවැනි සිද්ධියකින් පසු පැවැත්වෙන බොදු හමුවක ආවේගශිලී හැගීම්බර කතා පැවැත්වුවද කිසි විටෙකත් මුස්ලිම් ජාතිකයින්ට පහරදීමට මෙම රැස්වීම තුල පෙළඹවීමක් ඇති කළේ නැත.
මෙම රැස්වීම පුරා සිංහල බෞද්ධයන්ට ඇති වු අසාධාරණයන් හා දුක් ගැනවිලි විවිධ ස්වරයෙන් ඉදිරිපත් විය.
පොලීසියේ, දේශපාලනඥයනේගේ හා ඇතැම් අන්තවාදී අයගේ ක්‍රියා කලාප එහිදී විවේචනයට ලක් විය.බොදු හමුව නිමා වීමෙන් පසුව සාමකාමී පිරිස විසුරුවා හැරීමට සංවිධායක භික්ෂුන් වහන්සේලා කටයුතු කළ අතර ඒ ආකාරයෙන් කටයුතු කිරීම සම්බන්ධයෙන් ජ්‍යෙෂ්ඨ පොලිස් අධිකාරී රණගල මහතා වේදිකාවට නැඟ භික්ෂුන් වහන්සේලාට ස්තූති කළේය.
ඉන්පසු භික්ෂුන් වහන්සේලා කිහිප නමක් සමඟ අයගම සමිත හිමියන් උන්වහන්සේගේ විහාරස්ථානයට වැඩම කරවීමට පා ගමනින් ගිය අවස්ථාවේ දී දර්ගා නගරයේ ද පොලු වලින් හා ගල් මුගුරුවලින් පහර දෙන්නට වු අතර එහිදී මාගල් කන්දේ සුධම්ම හිමියන් ඇතුළු භික්ෂුන් වහන්සේලා කිහිප නමක් පහර කෑමට ලක් වු අතර එල්ල වු පහරකින් බිම ඇද වැටුණු සුධම්ම හිමියන් සිහිසුන් වීමෙන් පසු රෝහල්ගත කැරිණි.
ප්‍රහාර මැඩ පැවැත්වීමට පොලීසිය අසමත්වීමත් බොදු හමුවට සහභාගී වී විසිර යමින් සිටි පිරිසට මෙම ආරංචියත් සමඟ නැවත එකතු වී පහර දෙන පිරිස් වලට පෙරළා පහර දෙන්නට පටන්ගත් අතර එතැන් සිට සිදු වු ප්‍රචණ්ඩකාරී හා ගැටුම්කාරී තත්ත්වය සියලු දෙනා දන්නා කරුණකි.
මෙම ගැටුම් වලින් පතිරාජගොඩ ගම්මානයේ සිංහල බෞද්ධ ජනතාවට සිදු වී ඇති අලාභහානී මෙන්ම වැලිපැන්න නගරයේ බුදු මැදුරටත් එහි සිංහල ව්‍යාපාරික ස්ථාන වලටත් සිදු වී ඇති හානීය සුපුරුදු පරිදි රජයේ ප්‍රවෘත්ති දෙපාර්තමේන්තුවේ නියෝග මගින් මාධ්‍ය වාරණයකට ලක් විය.
බෞද්ධ ජනතාවගේ විරෝධතා උද්ඝෝෂණ තහනම් කැරිණි.එහෙත් ඇතැම් කණ්ඩායම් බෞද්ධ විරෝධි ප්‍රකාශ හා විදේශිය වශයෙන් බොරු ප්‍රචාර ගෙන යාමට ද ඉඩ ලබා දෙන ලදි.එම සිද්ධි වලට සම්බන්ධව අත්අඩංගුවට ගැනීම් වලදී අපක්ෂපාතීව කටයුතු කරනවා වෙනුවට පක්ෂග්‍රාහීව කටයුතු කළ බව අත්අඩංගුවට ගැනීමේ ක්‍රියා දාමයෙන් මේ වන විටත් මොනවට පැහැදිලි වෙමින් ඇත.පෙට්රල් බෝම්බ අවි ආයුධ සමඟ අත්අඩංගුවට ගත් පුද්ගලයින් දින දෙකකදී ඇප ලබා නිදහස ලබද්දී මෙම සිද්ධී හා සම්බන්ධ යැයි කියමින් අත්අඩංගුවට ගන්නා නිරායුධ සිංහල තරුණයින් සති ගණන් බන්ධනාගාර ගත කැර ඇත.
නීතීය පක්ෂග්‍රාහීව සිදු වන බව ප්‍රදේශවල දැන් සිදුවෙමින් තිබෙන සිදුවීම් වලින් පැහැදිලි වන අතර එය ප්රදේශයේ බෞද්ධ ජනතාව අතර නොසන්සුනාතාවක් ඇති කිරීමට හේතු වී ඇත.
මෙමගින් අප බලාපොරොත්තු වන්නේ මාධ්‍ය මගින් වාරණයකට ලක් වු අලුත්ගම කතාවේ ඇත්ත නැත්ත ඔබ හමුවේ තබමින් බෞද්ධ ජනතාවගේ සිත් තැවුල් පිළිබඳව අවධානය කරමින් ඊට සාධාරණයක් ඉටු කරන ලෙස ඉල්ලා සිටීමට මිස ජාතිවාදයක් හෝ ආගම්වාදයක් අවුස්සන්නට නොවන බව කරුණා මෛත්‍රීය පෙර දැරිව දන්වා සිටීමට කැමැත්තෙමු.
http://www.lankadeepa.lk/index.php/articles/245246
More Pics Here (Photo Courtesy - JHU Media)
සබැඳි ලිපි -
[
පෙට්රල් බෝම්බයක්‌ පිපිරීමෙන් පෙරේදා (24 වැනිදා) රාත්‍රි බේරුවල අඹේපිටිය හන්දියේ වෙළෙඳසලක ගබඩාවක් ගිනි ගැනීම කඩාකප්පල්කාරී ක්‍රියාවක්‌ නොව සැලසුම් සහගතව කළ ගිනි තැබීමක්‌ බවට සැක මතු වී ඇතැයි උසස්‌ පොලිස් නිලධාරියෙක්‌ 'දිවයින'ට පැවැසීය.
අඹේපිටිය සිංහල ව්‍යාපාරිකයකුට අයත් මෙම වෙළෙඳසල මුස්ලිම් ව්‍යාපාරිකයකුට බදු දී තිබූ අතර, එම වෙළෙඳසල පවත්වා ගෙන යන මුස්ලිම් ව්‍යාපාරිකයා වන මොහොමඩ් සිද්දික්‌ මොහොමඩ් අලී මහතා පෙරේදා රාත්‍රි 10.10 ට පමණ තම වෙළෙඳසල ගිනි ගන්නා බවට දැනුම්දීම මත පරීක්‍ෂණ පැවැත්විණි.
පරීක්‍ෂණ සඳහා ගිය 'ග්‍රේරෝ' නමැති පොලිස් සුනඛයා වෙළෙඳසල පරීක්‍ෂා කිරීමෙන් පසු පැමිණිලිකාර ව්‍යාපාරිකයා ළඟ නතර වූ බව ද එම නිලධාරියා කීය. ගින්නෙන් හානි වූ ස්‌ථානයේ පත්තර හා කාඩ්බෝඩ් ගබඩා කර තිබී ඇත.
මෙම ගින්න සහ පැමිණිල්ල ගැන සැකයක්‌ මතු වී ඇතැයි ද පොලිස් සුනඛයා පැමිණිලිකරු ළඟ නැවතීම නිසා මෙම වෙළෙඳසල ගිනි ගත්තාද, නැතහොත් ගිනි තැබුවාද යන්න ගැන පරීක්‍ෂණයක්‌ පවත්වන බව ද කළුතර කොට්‌ඨාස භාර පොලිස් අධිකාරි රොෂාන් සිල්වා මහතා පැවැසීය.
විජයසිරි විද්‍යාසේකර - කළුතර සමූහ
http://www.divaina.com/2014/06/26/news24.html
Pic
Source
සබැඳි ලිපි -
[
බණ්‌ඩා ගෲප් නැමැති පාතාල ලෝක කණ්‌ඩායමක්‌ සමග මුස්ලිම් දේශපාලනඥයකු සබඳකම් පවත්වන බවත් එකී කණ්‌ඩායමට අවි ආයුධ පුහුණුව ලැබී ඇති බවත් ඇමරිකානු රාජ්‍ය දෙපාර්තමේන්තුවේ රහස්‌ ලියවිල්ලකින් හෙළි කර ඇත.
