Pages

Thursday, March 31, 2016

"නෑ... මෙය විනාශ කළ අය ලවා නැවත යථා තත්ත්වයට පත්කරනවා..." ජහපාලන ව්යාඝ්‍රයින් ඩෝසර් කළ වත්තල සුවතා මංතීරුව

wattala mabola (2)කවුරු හෝ දේශපාලනඥයෙක්‌ මං තීරුවක්‌ කඩා දමමින් තකතීරු වැඩක්‌ කර තිබේ. මංතීරුව කඩා දැමුවේ දේශපානලනඥයෙක්‌ බව අප ස්‌ථිර වශයෙන්ම කියන්නේ එවැනි අමන වැඩක්‌ කිරීමට හැකියාව ඇත්තේ දේශපාලනඥයන්ටම පමණක්‌ වන බැවිනි.

දැන් මේ කතාව හැමෝම දන්නා එකක්‌ වුව ඒ ගැන යම් මතක්‌ කිරීමක්‌ කළ යුතුය. වත්තල මාබෝල ශාරීරික සුවතා මංතීරුව පසුගියදා රැයක්‌ එළිවන විට ඩෝසර් කර ඉවත්කර තිබිණි.

එය 2013 වර්ෂයේ රුපියල් කෝටි අටක වියදමින් එවක ආර්ථික සංවර්ධන අමාත්‍යාංශය මගින් නිමකරන ලද්දකි. අක්‌කර 09 ක ප්‍රදේශයක්‌ පුරා එය විහිදී තිබේ. ප්‍රදේශයේ ජනතාව කියන්නේ තමන්ට මහත් ප්‍රයෝජනයක්‌ වු එම මංතීරුව හදිසියේ කඩා බිඳ දැමීමේ අවශ්‍යතාව කුමක්‌දැයි හරිහැටි පැහැදිලි නැති බවය.

එහෙත් රජයේ ප්‍රබල ඇමැතිවරයකු වන ජෝන් අමරතුංග මංතීරුව කඩා බිඳ දැමීමෙන් පසු මාධ්‍යයට දී ඇති පිළිතුර "කාරණය" කුමක්‌දැයි අපට පැහැදිලි කර දෙන්නකි. ගරු ඇමැතිවරයා කියන පරිදි නිවාස ව්‍යාපෘතියක්‌ සඳහා යාබද ඉඩම යොදාගැනීමට නියමිතව තිබේ. ඒ නිසා එම ඉඩමට යැම් ඊම් කිරීමේ පහසුව පිණිස මාර්ගය පුළුල් කිරීමේ අවශ්‍යතාව මත එම මංතීරුව ගලවා දැමීමට ඉඩම් ගොඩකිරීමේ හා සංවර්ධනය කිරීමේ අධිකාරිය කටයුතු කර ඇති බවය.

මුල් දිනයේ "අතේ පැළවෙන" බොරු කියන්නේ කවරෙක්‌ දැයි ජනතාවටත් තේරුම් ගන්නට නොහැකි වීම පුදුමයට කාරණයක්‌ නොවේ. එහෙත් හැරෙන තැපෑලෙන්ම නාගරික සංවර්ධන අධිකාරියත් වත්තල නගර සභාවත් කියා තිබුණේ මේ මංතීරු ගලවා දැමීමට තමන්ගේ ආයතන කිසිසේත් සම්බන්ධ නොවූ බවය. වගකිවයුතු ඇමැතිවරයකු වශයෙන් අමරතුංග ඇමැතිවරයාට මුසාවක්‌ කීමේ අදහසක්‌ තිබුණා යෑයි අප කොහෙත්ම කියන්නේ නැත. එහෙත් කොතැනක හෝ ගල්පැළෙන බොරුවක්‌ එහා මෙහා වී ඇති බව පැහැදිලිය.

මෙවැනි සිදුවීමකදී නිගමන කිහිපයකට ආ හැකිය. පළමුවැන්න පරණ ආණ්‌ඩුවේ වැඩ අලුත් ආණ්‌ඩුවට දිරවන්නේ නැති බවය. දෙවැන්න විශාල අත යට ගනුදෙනුවක්‌ සමඟ වෙනත් ව්‍යාපාරයක්‌ ආරම්භ කිරීමේ සැලසුමක්‌ ඇති බවය. තුන්වැන්න මං තීරුව භාවිත කරන ජනතාව සමඟ පෞද්ගලික අමනාපයක්‌ හෝ ඔවුන් හොඳ ශරීර සෞඛ්‍යයෙන් සිටීම ගැන කාට හෝ ඊර්ෂ්‍යාවක්‌ ඇති බවය.

අප තුන්වැනුව කී කාරණය ජෝන් අමරතුංග ඇමැතිවරයා වැනි හොඳ "ජවයක්‌" ඇති දේශපාලනඥයකු සිටින පළාතක කොහොමටවත් සිදුවන්නට බැරි බව සහතිකය. "නිරෝගීකම" ගැන හොඳ අවබෝධයක්‌ ගරු ඇමැතිවරයාට ඇති බවද අපට විශ්වාසය. එහෙත් අප පළමුව හා දෙවනුව කී කාරණා ගැන යම් තරමකට සැක සංකා තිබිය හැක.

ඇවිදින මංතීරුව පුළුල් කිරීමට අවශ්‍යතාවක්‌ තිබුණු බවද මේ කතාබහ අතර කියවෙයි. පුළුල් කිරීමට ගත හැකි සරල සහ වියදම් අඩුම ක්‍රියාමාර්ගය එය සම්පූර්ණයෙන්ම ගලවා ඉවත් කිරීමද යන්න ගැටලුවකි. ප්‍රදේශයේම ජනතාව කියන පරිදි "මේවා ජාතික අපරාධය". කෝටි ගණන් වියදම් කරමින් ඉදිකරන්නෙත්, කාට හෝ හිතුණු ගමන් ගලවා දමන්නෙත් ජනතාවගේ බදු මුදලින්ම ගොඩනැ`ගුණු ජනතා දේපලම බව මේ තකතීරු අමන වැඩේට අත ගැසූ කවුරු කවුරුත් සිහි තබා ගත යුතුය.

ඉඩම් ගොඩකිරීමේ හා සංවර්ධනය කිරීමේ සංස්‌ථා සභාපතිවරයා කියන පරිදි මංතීරුව නැවත ඉදිකිරීමට නියමිතය. ඒ සඳහා මහජන මුදල් යොදවනවාදැයි මාධ්‍ය විමසන විට ඔහු පිළිතුරු දෙන්නේ, "නෑ... මෙය විනාශ කළ අය ලවා නැවත යථා තත්ත්වයට පත්කරනවා..." යනුවෙනි.

දැන් අපට දැනගැනීමට වුවමනා වන්නේ ඒ කාගේ මුදලින්ද යන්නට අමතරව මේ ජාතික අපරාධය කළ අමනයන් කවුරුන්ද යන්නය. පුදුමයකට මෙන් තවමත් ඒ ගැන හෙළි නොකිරීමේ මෙහෙයුමක්‌ ක්‍රියාත්මක වේ.

http://www.divaina.com/2016/03/30/editor.html

Pics Source

1 comments:

Unknown said...

සුබ දවසක්,

ඔබ මූල්ය දුෂ්කරතා ගැන කිසිම ආකාරයක ද? ඔබ ඔබේ ණය ඉවත් කිරීමට ණය මුදලක් ඔබට අවශ්ය ද? ඔබ ඔබේ මුදල් වැඩි කිරීමට යන්නේ? ඔබ ඔහුගේ / ඇයගේ සමාගම පුළුල් කිරීමට කැමැත්තෙන් සිටින ව්යාපාරික පුද්ගලයා වේ. මෙයින් ඔබේ ණය සඳහා සැබෑ වීරයා, විශ්වාසය හා කාර්යක්ෂම ණය ණය සමාගමක් සම්බන්ධ කර ගැනීමට උපදෙස් දෙනු ලැබේ. මම අපේ ඉමහත් ප්රසාදයට සඳහා පුද්ගලයින් සහ ආණ්ඩුව යන දෙපාර්ශ්වය විසින් පිළිගත් සිටිමි.


සේවාවන් ඇතුළත්:
* පුද්ගලික ණය (ආරක්ෂිත හා අනාරක්ෂිත)
* ව්යාපාරික ණය (ආරක්ෂිත හා අනාරක්ෂිත)
* මුල් පිටුව වැඩිදියුණු
* නව නිපැයුම්කරු ණය
* වාහන ණය
ආදිය ..

easyloanfirm2020@gmail.com හරහා උනන්දුවක් නම්, නැවත අප වෙත ලබා දෙන්න,

අපි සහතික,
විශ්වාසනීය, විශ්වාසනීය, කාර්යක්ෂම, වේගවත් සහ ගතික.

සම්බන්ධයෙන්,
ඩෙරෙක් ඩග්ලස්
easyloanfirm2020@gmail.com

3% ලබාගත හැකි සහ සහතික ණය ඉදිරිපත්