බොදුබල සේනා සංවිධානයට එරෙහිව අසත්‍ය ප්‍රචාර හා චෝදනා කරන්නේ යෑයි කියන වත්මන් රජයේ ඇමැතිවරුන් සිවුදෙනකුට, විපක්‍ෂ මන්ත්‍රීවරුන් දෙදෙනකුට සහ දේශපාලන විචාරකයන් දෙදෙනකු ඇතුළු අටදෙනකුට සිය සංවිධානයේ ක්‍රියාකාරිත්වය පිළිබඳ ප්‍රසිද්ධ විවාදයකට එන්නැයි එම සංවිධානයේ මහලේකම් රාජකීය පණ්‌ඩිත ගලගොඩඅත්තේ ඥනසාර හිමියෝ ඊයේ (10 වැනිදා) අභියෝග කළහ.මෙසේ අභියෝගය එල්ල කළේ මංගල සමරවීර, ඩිලාන් පෙරේරා, රාජිත සේනාරත්න, මනූෂ නානායක්‌කර යන ඇමැතිවරුන්ටත්, විමල් වීරවංශ, මහින්දානන්ද අලුත්ගමගේ යන මන්ත්‍රීවරුන්ට සහ ගෙවිඳු කුමාරතුංග, දයාන් ජයතිලක යන දේශපාලන විචාරකයන්ටය.
සිය සංශෝධනය කිසියම් හෝ කුමන්ත්‍රණයක්‌ කර ඇත්නම් එය රටට පෙන්වන ලෙස අභියෝග කළ උන්වහන්සේ පාළු ගෙයි වළං නොබිඳින ලෙස එම පිරිසට දන්වා සිටින බවත් පැවසූහ. මුහුණට මුහුණ සාකච්ඡාවකදී මුණගැසෙන්නේ නම් රටට සැබෑ කරුණු අවබෝධ වනු ඇතැයි කී උන්වහන්සේ බොදු බලයට චෝදනා කරන්නන්ට මුස්‌ලිම් අන්තවාදීන්ගෙන් මුදල් ලැබෙනවාදැයි යන සාධාරණ සැකයක්‌ මතුවන බවත් කීහ.
සිරිමන්ත රත්නසේකර
http://www.divaina.com/2016/05/11/news12.html
Pic Source
0 comments:
Post a Comment