රිසානාගේ මරණය හා ගෝත්‍රික සමාජය

ගෘහ සේවිකාවක ලෙස වයස අවුරුදු 17 දී සෞදි අරාබියට ගිය රිසානා නෆික් කුඩා දරුවෙකුට කිරි පෙවිමේදී කිරි පිට උගුරේ ගොස් දරුවා මිය යන ලදී. සෞදි අරාබි පොලිසිය සිව් හැවිරිදි දරුවාගේ මරණය සම්බන්ධයෙන් එදිනම ඇය අත්අඩංගුවට ගනු ලැබීය.

පොලිසියේ බලහත්කාරය මත දරුවා මැරූබවට බලෙන් පාපොච්චාරණයක් ද පොලිසිය රිසානා ගෙන් ලබාගත්තාය. රිසානාට නිදහස ලබා දෙන්නැයි ශ්‍රී ලංකා ජනාධිපති ඉල්ලීමක් කෙළේය.

එසේම ආසියා මානව හිමිකම් සංවිධානය ඇතුළු සංවිධාන රැසක් සෞදි අරාබියෙන් රිසානාගේ නිදහස වෙනුවෙන් මැදිහත් වුහ. ඒ අතරේ රිසානා බේරා ගැනීම සඳහා කියමින් අපගේ දේශපාලකයෝ වරින් වර විදේශ සංචාර වලටද ගියහ.

නමුත් මේ කිසිවක් නොසැලකු සෞදි අරාබි රජය ම්ලේච්ඡ ෂරියා නීතිය අනුව ත්‍රිකුණාමලයේ මුතුර්හි දිළිඳු පවුලක උපත ලැබූ දරිද්‍රතාවය නිසා අරාබියේ වහල් සේවයට යාමට කොළඹ රැකියා එජන්සියෙන් බොරු වයසක් දමා බොරු ලියවිලි හදා සෞදි අරාබියට එවූ රිසානා නෆික් ගේ හිස ගසා දමන ලදී.

සෞදි අරාබිය යනු ලංකාව වැනිම ගෝත්‍රික, ශිෂ්ටත්වයේ අරුණලු නොදුටු අසංස්කෘතික රටකි. නමුත් අරාබිය තෙල් වලින් පොහොසත් ය. ඒ නිසා සෞදි අරාබිය යනු ධනවත් ගෝත්‍රික රටක් වන අතර ලංකාව හිඟන ගෝත්‍රික රටකි.

 එසේම අපේ රටේ දේශපාලකයන්ගේ ක්‍රියාකාරකම් ගැන ජාත්‍යන්තරයේ තිබෙන අවබෝධය නිසා කිසිදු ශිෂ්ට රටක් ලංකාව ගණන් ගන්නේ නැත. මේ නිසා සෞදි අරාබියේ රජතුමා රිසානාට නිදහස ලබා දෙන්නැයි ලංකාවේ ඉල්ලීම පයිසෙකටවත් මායිම් කලේ නැත.

රිසානාගේ මරණය ගැන ලංකාවේ බෞද්ධ ජනයා එළිපිටම කම්පිත වූ නමුත් ලාංකික මුස්ලිම් ආගමික නායකයෝ කිසිවෙකු මෘග ෂරියා නිතිය විසින් ගෙල සිඳ දැමු බාල වයස්කාරිය ගැන කිසිදු ප්‍රකාශයක් නොකිරීමද මෙහිදී කැපී පෙනුනි. මව සමග කුඩා දරුවන් බෙල්ල මිරිකා මරා කිරි දරුවන් ගිනි තබා මරා දමන ලංකික ඝාතකයන්ට , ස්ත්‍රී දූෂකයන්ට දඬුවම් කිරීමට ෂරියා නිතිය ඉල්ලන සයිබර් අවකාශයේ වීරයෝද මේ කාලයේ කිසිවක් ප්‍රකාශ නොකරති.

රිසානාගේ මරණය ඉදිරියට දමාගෙන බලු සේනා වලට දැන් යමරෙට මුස්ලිම් විරෝධී ජාතිවාදී සටන් ඉදිරියට ගෙන ගිය හැකි මාතෘකාවක් ගෝත්‍රික සෞදි අරාබි රජය විසින් සපයා දී තිබේ. අරාබියේ වහල් සේවයට අපේ ගෑණු නොයවන ලෙසටද ඉල්ලීම් මතු වී තිබේ. නමුත් අරාබියට මේ සපයන වහල් සේවය කිසිදා නවතින්නේ නැත.

රට කරවන එවුන්ට ලැම්බෝගිනි පැදීමට, පාර්ලිමේන්තුවේ එකාලාට තීරුබදු රහිත සුපිරි වාහන ලබාගැනීමට, අතිකාල කියමින් නිලධාරීන්ට ගාන කපා ගැනීමට, ගම් වල පිරිමින්ට අලසව ගෙවල් වල සිට හවසට කසිප්පු අඩියක් ගැසීමට මුදල් සහ පහසුකම් සපයන්නේ මේ අරාබියේ කඹුරන වහල් සේවිකවෝය.

මේ නිසා අපේ ගෑණුන්ගේ බෙලි කැපුවද, පුලුස්සා මැරුවද , ඇන ගැසුවද මැදපෙරදිග වහල් සේවය මේ කපේට කිසිවෙකු නවත්වන්නේ නැත.

අපේ මිනිසුන් කතා කරන්නේ රාවනා යුගය ගැනය , හෙළ හාස්කම් ගැනය නමුත් අරාබියේ වහල් සේවයට තමන්ගේ ගෑණි යවා දෝණිය අඹුකමට ගන්නා ලාංකිකයා ගැන කතා කරන්නේ නැත. බලාගෙන යන විට සෞදි අරාබිය කැපුවේ රිසානා නෆික් ගේ බෙල්ල පමණක් නොවේ ජැක්සන්ලා සුරියප්පෙරුමලා නිතර පාරම්බාන ලංකික අභිමානයේ ගෙලද ඉන් කපා දැමුණි.

අමිල ගුණරත්න
http://www.gossip9.com/2013/01/blog-post_12.html#more

ප.ලි.
සම්පූර්ණයෙන්ම ලේඛකයාගේ මතය සහ එකඟ නොවුවද ගෝත්‍රික සමාජය පිළිබඳව සටහන් තැබෙන නිසා පලකළෙමි. 

බොදු ශිෂ්ඨාචාරයෙන් මඟ පෙන්වූ බොහෝ විදේශිකයන් පවා පිළිගන්නා ලාංකීය ජනයාගේ යහපත් සිරිත් විරිත් පහත හෙළා සටහන් කිරීම පිළිබඳව 'දෙනෙත් හරින්න' ලේඛකයා සෘජුවම එරෙහි වෙයි. (මෙහිදී ලංකාවේ මාධ්‍ය මඟින් මවා පෙන්වූ උදාහරණ කිහිපයක් සමස්ථ ලාංකීය ප්‍රජාව නියෝජනය නොකරයි) සිද්ධියෙන් පසුව අලෙවි මව්ලානාද ලාංකීය ප්‍රජාව බොහෝ වර්ණානා කළ බව මතක් කරනු කැමැත්තෙමි.

මෙම සිද්ධිය සමඟම ඉහත ලේඛකයා පාලකයන් අමතක කර තිබෙන සිහළ බොදු උරුමය වෙනුවෙන් ක්‍රියා කරනා සංවිධාන වලට පහර ගසන්නට යම් උත්සාහයක් ගෙන ඇති බව පෙනීයන අතර එයට කොන්දේසි විරහිතව එරෙහි වෙමු!

-දෙනෙත් හරින්න!- අපි