සවුදි සාප්පු වල සේවය කරන කාන්තාවන් හා පිරිමින් සේවා කාලය තුල එකිනෙකාගෙන් වෙන්කර තැබෙන බිත්ති ඉදිකිරීමට කඩවල් වලට රජය විසින් නියෝග කර ඇත. මීටර් 1.6 කට වඩා උස් විය යුතු මේ බාධක ඉදි කිරීමට දින 30 ක් කඩවලට ලබා දී ඇති අතර ඉන් පසු දඩ ගැසීමට ආරම්භ වනු ඇත.
කම්කරු ඇමති අඩෙල් ෆාකි සහ ආගමික පොලීසිය හෙවත් මුට්වා කමිටුවේ ප‍්‍රධානී අබ්දුල්ලාටිෆ් අල් ශෙයික් එකතුව මේ නීතිය ඇති කර තිබේ. කාන්තා කම්හල් හෝ යට ඇඳුම් සහ රූපාලංකාර වෙලඳසැල්වල සවුදි කතුන්ට සේවය කල හැකිය.
2011 ජුනි මාසයේදී සවුදි පාලනය මේවායේ සේවය කල පිරිමි සේවකයන් වෙනුවට කාන්තාවන් බඳවා ගැනීම ආරම්භ කරන ලදී. මේ නීතිය මගින් සවුදි කාන්තාවන්ට රැකියා අවස්ථා 44000ක් පමණ ඇතිවන බව අදිකාරීන් කියයි. මධ්‍යම සංඛ්‍යාලේඛන හා තොරතුරු දෙපාර්තමේන්තුව අනුව සවුදි කාන්තාවන් අතර විරැුකියාව 36% ක් පමණ වෙයි.
පුද්ගලික ආයතන වල සේවකයන් අතර කාන්තාවන් සිටින්නේ 7% ක් පමණි. මේ නීතිය මගින් මිනිසුන් වෙතින් යට ඇඳුම් මිලදී ගැනීමට අකමැති කාන්තාවන්ට සහනයක් ලැබෙන අතර සේවිකාවන්ට සිදුවන හිරිහැර හා අප‍්‍රමාණවත් පහසුකම් ගැන විවේචන එල්ලවී ඇත.
දැඩි ශාරියා නීතිය යටතේ සවුදි කාන්තාවන් ගැන ඇති සංස්කෘතික ආකල්ප මතභේදාත්මකය. බටහිර රටවල පොදු චර්යාවන් ඔවුන්ට තහනම් වන අතර රිය පැදවීම, ජන්දය දීම ආදිය සිදු කිරීමට ඉඩ නොදෙයි.
රැකියාවක් කිරීමට, ගමන් බිමන් යාමට සහ බැංකු ගිණුමක් විවෘත කිරීමට පිරිමියෙකුගෙන් අවසර ලබාගත යුතුය.
සවුදි කඩවල සේවකයන් හා සේවිකාවන් වෙන් කර තාප්ප බඳී
January 30, 2013 at 9:16 am | lanka C news
2 comments:
ආදරය වෙනුවෙන් ඉස්ලාමීය වූ පතිනියක ගැන මගේ බ්ලොග් අඩවියේ ලියූ ලිපියක් මෙහි සඳහන් කරන්නම් මේ ලිපියට ඉඳුරා සම්බන්ධයක් නැතත් . .
පතිනියකගේ ශෝකාලාපය . . . !
තුන්කාලේ කලිසම් - අත්,කර නැති ටී ෂර්ට්
නිල් කලු ඩෙනිම් ජීන්ස් - මල් මල් ගවුම් පොඩි
කිචි බිචි ගා සිනා සෙන - මිතුරු මිතුරියන් කැලම
පාඩමට බාදා දෙන - නිබඳ තුරුලේ නිදන
චූටි මල්ලී යි නම් ලැබූ - හුරතල් පූස් පැටියාද
අත්හලෙමි සියළු දේ - තුටින් නොව පුංචි දුකකින්
ආදරේ නාමයෙන් - මේවා නම් මොනවාද . . .?
කුස රජු මුසපත් කල - රන් රුවක් මෙන් දිදුල
පබාවතී සේ සොඳුරු - නාරි දේහී රූ සපුව
ඉඟටියෙන් පහලට දිවූ - දිගැටි ඝන නීල වරලස
හිසේ සිට දෙපතුලට - වොයිල් සාරියෙන් පොරවා
රන් රූ වසා ගතිමි - කිසිවෙකුට නොපෙනෙන්ට
ප්‍රේමයේ නාමයෙන් - කැප කිරීම් කම් නැතේ
අම්ම අප්ප කෙසේ වත් - මා ගතම කොටස් වූ
නංගියයි මල්ලියයි - කෙසේ අතහැර යම්ද . .
සුදීරා නම පුදා - ෆරීනා නම ලදිමි
බුදු දහම අතැර විත් - ඉස්ලාම් භක්තික වීමි
ප්‍රේමයේ නාමයෙන් - ජීවිතය වුව පුදමි
ප්‍රේමයෙන් මන - රංජිත වේ නංදිත වේ
අහෝ එවන් විසල් ප්‍රේමය - දියව ගිය ඉක්මන
මිරිඟුවක්ද මා මේ - සොයා ආ පෙම් නදිය
නෑදෑ හිතවතුන්ට - පල්ලියට උජාරුවට
පිරිමිකම පෙන්නන්න - දරු රොත්ත ලබනු වස්
දරු වදන යන්ත්‍රයක් - වුනා පමනක් ද මා . . . !!
උදේ ඉඳන් රෑ වන තුරු - දරු නලවන, කෑම පිසින
ගේ අමදින, හති නාරින - වහලියක්ද පතිනියක්ද
අල්ලා දෙවියනේ අනේ - වටහා දෙනු මැන මේ මට . . . !!
දස මසක් කුස දරා - විලිරුදා ලද වැදූ
ඇඟේ ලේ කිරිකර - පොවා සනහා ලැබූ
හිමිගෙන් කිසිදා නොලත් - සෙනේ වදනින් තැවූ
දරු කැලට හිමිකමක් - අහිමි කල නීතිය ශාරියා
කොතරම් මානුශිකද - අනේ මට කියා දෙන්න
නබි නායක තුමානනේ - ආ . . මේන් . . . !
මේ ලිපියට ලැබුනු පාඨක අදහස් දැන ගන්න නම් මෙතනට යන්න.. යන්න වෙනවා.
mooda kamta beheth ne na.ape sinhala geenunge mooda kama thama
Post a Comment