(රිසානාගේ කතාවේ අවසන් කොටස)
සුදුපාට ලෝගු ඇඳගෙන දවසට පස්‌ පාරක්‌ දෙවියන්ට යාඥ කරන පිරිමින් සිටින සෞදි අරාබිය රටේ ගැහැනුන්ට අන්දවන්නේ කලු පාටය. ඔවුහු දෙවියන්ගේ කැමැත්ත බව කියමින් තමන්ට අභිමත දේ කරති. තව කෙනෙකුගේ ගෙල කපා මරණ ලෙස කිසිදු දෙවියෙක්‌ කිසිම ආකාරයකින් කියා නැති බව අපට විශ්වාස ය. විශේෂයෙන් දුප්පත් රටක සිට තවත් රටක ගෙදරක බැල මෙහෙවර කිරීමට ගොස්‌ වරදකට හසුවන ගැහැනියකගේ ගෙල කපා මැරිය යුතු බව කිසිදු දෙවියකු කිසි විටෙකත් කියන්නේ නැත. රාජ්‍ය නායකයන් අතර අෙන්‍යාන්‍ය ගෞරවයක්‌ තිබිය යුතු අතර රිසානාට කිසියම් ආකාරයක සමාවක්‌ දෙන ලෙස ඉල්ලමින් ශ්‍රී ලංකාවේ ජනාධිපතිතුමා සෞදියේ අබ්දුල්ලා රජුගෙන් දෙවරක්‌ ම ඉල්ලා සිටියේ ය. එහෙත් එය තඹ සල්ලි භාගයකට ගණන් නො ගන්නා ලදී. සෞදි අරාබිය ඇතුළු අරාබිකරයේ රටවල් බොහොමයක ගෝත්‍රික ප්‍රධානීන් මිස රජ පරම්පරාවල් නැත. කෙසේ හෝ වේවා රිසානා ඝාතනයේදී අරාබියේ සුදු ලෝගු යට ලේ තැවරුණු කගපත් ඇති බව හෙළි විය. සුද්දන් සහ ඇමරිකන්කාරයන් විසින් පෙට්‍රොaලියම් සොයා නො ගන්නට අරාබිකරයේ ප්‍රධාන ආහාරය අදටත් රටඉඳි ය. ප්‍රධාන පානය ඔටු කිරි ය. වාසස්‌ථාන කූඩාරම් ය. ඒවාද සත්ත්ව සමින් සාදනු ලැබේ. වසර 2007 දී නඩු අසා මරණ දණ්‌ඩනය ද නියම කර තවත් වසර 6 ක්‌ පමණ ඇය නො මරා තබා ගනිමින් සෞදි අරාබිය ඇයට දිගටම ජීවත් වීමේ අවකාශය හිමි වන බව අපට ඇඟවීම ය. ඒ නිසා කිසිදු ජාති භේදයක්‌ හෝ ආගම් භේදයක්‌ නො බලා මේ රටේ හැම කෙනෙක්‌ ම රිසානාගේ ජීවිතයට අනතුරක්‌ නැති බව කල්පනා කර සැනසුනහ. රිසානා ගේ හිස ගසා දමන දවසේ උදය වරුවේ සෞදියේ අරාබි පුවත්පත්වල පළවූq රජයේ දැන්වීමක්‌ මගින් කියන ලද්දේ එදින දහවල් 12 ට පෙර ඇය මරා දමන බවය. සෞදියේ පිහිටි ඇගේ ගොන් තානාපති කාර්යාලය අඩුම ගණනේ ඒ නිවේදනයවත් දැක්‌කේ නැත. මෙවැනි හිස ගැසීම් සිදු කරන්නේ විත්තිකරු හෝ විත්තිකාරිය බිම දණ ගස්‌වා මක්‌කම දෙසට මුහුණලා සිටින ලෙසට අණ කිරීමෙන් පසුව ය. ගහලයා, විත්තිකාරියගේa බෙල්ලට කඩුව පහත් කරන්නට ස්‌වල්ප වේලාවකට පෙර ඇයට මරණ දණ්‌ඩනය දෙන බව කියන නිවේදනය කියවනු ලැබේ. වධක භූමිය කරා විත්තිකරුවන් ගෙන යන විට ඔවුන් මැරීම සඳහා ගෙන යන බව නොකියන අතර දැස කලු රෙදි කඩකින් බැඳ අත්පාවලට විලංගු ලනු ලැබේ. බොහෝ දෙනා තමන් මරණය අභිමුඛයෙහි සිටින බව දැන ගන්නේ මරණ නිවේදනය කියවන විටය. එවිට බොහෝ දෙනා ක්‌ලාන්ත වෙති. එහෙත් ඔවුන් බිම වැටීමට පෙර ගහලයා ගෙල පිටුපසට කඩු පහර ගසයි. කඳින් වෙන් වන හිස විසිවන අතර එය විසි විය හැකි දිසාවේ බිම පොලිතින් අතුරා ඇත. මේ කෲර ක්‍රියාව දකින උඩ සිටින දෙවියන් බිමට කෙළ ගසනවා ඇත.
පුදුමයකට මෙන් රිසානාගේ හිස ගසා දැමීමත් සමඟම ඇමරිකාව හැර මුළු ලෝකයම සලිත විය. ඒ දිනවල ශිරාණි බණ්‌ඩාරනායකගේ අග විනිසුරු රස්‌සාව නැති වන විට එයට විරුද්ධව පෙත්සම් ගැසීමට පෙරේරලා සහ සරවනමුත්තුලා සමඟ කාර්ය බහුල වී සිටි ඇමැරිකාව ඉස්‌ලාමීය ජනයා කෙරෙහි ඇති වෛරයක්‌ පිරිමසන්නාක්‌ මෙන් රිසානාගේ හිස ගැසීම ගැන ප්‍රකාශයක්‌ පවා නිකුත් කළේ නැත. ඉස්‌ලාමීයයන් අතින් හෝ වේවා මිය යන්නේ ඉස්‌ලාමීයයකු නම් ඇමරිකාව එයට පක්‍ෂපාත බවක්‌ මෙයින් නො හැඟෙද?
අරාබිය දෙවියන්ගේ නාමයෙන් නීතිය අතට ගැනීමට විරුද්ධව සංවිධානය වීමට ලෝක ප්‍රජාව තුළ අවශ්‍යතාවක්‌ ඇතොත් රිසානාගේ හිස ගසා දැමීමෙන් පහළ වූ නිමිත්ත හැර වෙනත් සුදුසු නිමිත්තක්‌ යළි හට නොගන්නවා ඇත. ඉස්‌ලාමීය ප්‍රජාව අද ප්‍රමාණය ඉක්‌මවා කට වසාගෙන සිටින බව පෙනේ. නිරායුධ ඔසාමා බින් ලාදින් ඔහුගේ දූ දරුවන් ඉදිරියේදී මරා දැමීම යුද අපරාධයකි. සියල්ල සිදුවන්නේ දෙවියන්ගේ කැමැත්ත අනුව බව කියමින් ඉස්‌ලාමීය ප්‍රජාව රවටා නිහඬ කර තැබීමේ ව්‍යාපාරයක්‌ පවතී. දෙවියන්ගේ කැමැත්ත මිනිසුන් මියයැම නොව ජීවත්වනු දැකීම ය. අයහපත නොව යහපත දැකීමය.
http://www.divaina.com/2013/01/18/editor.html
0 comments:
Post a Comment