සිගරැට්‌ පැකට්‌ටුව මත සියයට පනහක හැටක ප්‍රමාණයකින් රූපමය සෞඛ්‍ය අවවාද ප්‍රදර්ශනය කිරීමට අවසර දෙමින් අධිකරණය ලබාදුන් තීන්දුව සම්බන්ධයෙන් තමන් තෘප්තිමත් නොවන බව සෞඛ්‍ය ඇමැති මෛත්‍රිපාල සිsරිසේන මහතා ප්‍රකාශ කළේය.
සිගරැට්‌ පැකට්‌ටුව මත රූපමය සෞඛ්‍ය අවවාද සියයට අසූවක ඉඩ ප්‍රමාණයක ප්‍රදර්ශනය කළ යුතු බවට පාර්ලිමේන්තුවේ පක්‍ෂ විපක්‍ෂ මන්ත්‍රීවරුන් 225 දෙනා ජනාධිපතිවරයා සහ ඇමැති මණ්‌ඩලය විසින් අනුමත කර ඇතැයිද කී ඇමැති මෛත්‍රිපාල සිරිසේන මහතා කෙසේ වෙතත් අධිකරණය විසින් මෙවන් තීන්දුවක්‌ ලබාදීම පිළිබඳව ස්‌තුතිය පුදකරන බවද ප්‍රකාශ කළේය.
පුහුණුව ලැබූ හෙද හෙදියන් 2500 ක් බඳවා ගැනීම වෙනුවෙන් කොළඹ ප්‍රදර්ශන හා සම්මේලන ශාලාවේ පැවැති උත්සවයකදී වැඩිදුරටත් ඇමැතිවරයා ප්‍රකාශ කළේ දුම්පානය නිසා දිනකට පුද්ගලයන් 65 - 70 ක් අතර ප්‍රමාණයක්‌ මියයන බවය.
දුම්වැටි පැකට්‌ටුව මත සියයට අසූවක ප්‍රමාණයක පිළිකා රෝගියෙකුගේ රූප ඇතුළත් අවවාද ප්‍රදර්ශනය කිරීමට තීරණය කළේ විශාල ප්‍රමාණයක්‌ දුම්පානයෙන් මියයන නිසා බව කී ඇමැතිවරයා සියයට 80 ක තීන්දුව ක්‍රියාත්මක කරනතුරු තමන් ගෙන ගිය සටන අත් නොහරින බවද කීය.
එමනිසා ඉදිරියේදී මේ පිළිබඳ තීන්දු තීරණ ගණනාවක්‌ ක්‍රියාත්මක කරන බවද ඇමැතිවරයා කීවේය.
අජිත් අලහකෝන්
http://www.divaina.com/2014/05/15/news16.html
Pic Source
සබැඳි ලිපි කිහිපයක් -
[
මාරක දුම්කොල සමාගම් වෙනුවෙන් නි.ඇමති මුස්තාපා සමඟ බහුතර මුසලු නීතීඥයන් - දුම්වැටි රූපමය අවවාද - 80% ඉල්ලීම ඉවතට. 50-60% අවසරhttp://denethharinna.blogspot.com/2014/05/50-60.html
]
0 comments:
Post a Comment