මෙම මුදලින් රුපියල් කෝටි 87 ක්‌ (රුපියල් 86,8742,660 ක්‌) පමණ වැය වී තිබෙන්නේ සංගණනය සඳහා සහභාගි වූ නිලධාරීන්ගේ වැටුප් හා දීමනා ගෙවීම වෙනුවෙන් බව ද ඇමැතිවරයා කීවේය.
සංගණනයට පුද්ගලයන් 99000 ක්‌ යෙද වූ බව ද කී ඇමැතිවරයා ගණන් ගන්නා නිලධාරීන් 81000 ක්‌ද අධිකරණ නිලධාරීන් 16,000 ක්‌ සහ දිස්‌ත්‍රික්‌ ප්‍රාදේශීය ලේකම් කාර්යාලවල සහ ජන ලේඛන හා සංඛ්‍යා ලේඛන දෙපාර්තමේන්තුවේ කාර්ය මණ්‌ඩලයේ 2000 ක්‌ දෙනා ද ඊට ඇතුළත් බව ඇමැතිවරයා පැවැසීය.
මෙම ජන සංගණනයට අනුව ශ්‍රී ලංකාවේ ජනගහනය දෙකෝටි දෙලක්‍ෂ හැටතුන්දහස්‌ හත්සිය විසිතුනක්‌ බව ද කී ඇමැතිවරයා ඉන් එක්‌කෝටි පනස්‌එක්‌ලක්‍ෂ හැත්තෑතුන්දහස්‌ අටසිය විස්‌සක්‌ සිංහල ජනතාව බව ද කීවේය.
දෙමළ ජනතාව තිස්‌එක්‌ලක්‍ෂ දහතුන්දහස්‌ දෙසිය හතළිස්‌ හතක්‌ බව ද ශ්‍රී ලංකා යෝනක දහඅටලක්‍ෂ හැටනවදහස්‌ අටසිය විස්‌සක්‌ද, බර්ගර් තිස්‌හත්දහස්‌ හැටඑකක්‌ බව ද කී ඇමැතිවරයා මැලේ ජාතිකයන් හතළිස්‌ දහස්‌ එකසිය අසූනවයක්‌ හා වෙනත් ජාතීන් විසිනවදහස්‌ පන්සිය අසූහයක්‌ සිටින බව ද ප්‍රකාශ කළේය.
බෞද්ධයන් එක්‌කෝටි හතළිස්‌ දෙලක්‍ෂ විසිදෙදහස්‌ අටසිය හතළිස්‌ හතරක්‌, හින්දු විසිපන්ලක්‍ෂ පනස්‌හතරදහස්‌ හයසිය හයක්‌, ඉස්‌ලාම් දහනවලක්‍ෂ හැටහත්ලක්‍ෂ දෙසිය විසිහතක්‌, රෝමානු කතෝලික හා ක්‍රිස්‌තියානි පහළොස්‌ලක්‍ෂ නවදහස්‌ හයසිය හයක්‌ සිටින බව ද ඇමැතිවරයා ප්‍රකාශ කළේය.
ශ්‍රී ලංකාවේ නිවාස පනස්‌එක්‌ලක්‍ෂ හැටපන්දහස්‌ තුන්සිය තිස්‌ එකක්‌ තිබෙන බව කී ඇමැතිවරයා වැඩිම නිවාස සංඛ්‍යාවක්‌ තිබෙන දිස්‌ත්‍රික්‌කය ගම්පහ බව ද කීවේය.
ගම්පහ නිවාස පන්ලක්‍ෂ අනූදෙදහස්‌ හැටහතරක්‌ තිබෙන බව ද දෙවැනුව වැඩිම නිවාස සංඛ්‍යාවක්‌ කොළඹ දිස්ත්රික්කයේ ඇතැයි ද කී ඇමැතිවරයා එම සංඛ්‍යාව පන්ලක්‍ෂ පනස්‌පන්දහස්‌ නවසිය විසි හයක්‌ බව ද කීය.
කොළඹ දිස්‌ත්‍රික්‌ එජාප මන්ත්‍රී රවි කරුණානායක මහතා ඇසූ ප්‍රශ්නයකට පිළිතුරු දෙමින් ඇමැතිවරයා ඉහත ප්‍රකාශය කළේය.
http://www.divaina.com/2013/11/30/news18.html
0 comments:
Post a Comment