රංදෙනිගල මිනිපේ යෝධ ඇළ අමුණ අසල මහවැලි ගඟ හරහා වූ දියපැන්නුමට පහළින් වතුරේ ගිල්වා තිබූ පෞරාණික ගල් පිළිම 05 ක්‌ හා පිළිමයක පාදම කොටසක්‌ 28 දා සවස ගම්වැසියකු දැක හසලක පොලිසිය වෙත දන්වා ඇත.
හසලක පොලිස්‌ ස්‌ථානාධිපති රුවන් කුමාරසේකර මහතා ඇතුළු පොලිස්‌ නිලධාරීහු එම ස්‌ථානයට ගොස්‌ පරීක්‍ෂා කර බැලූ අතර එම පිළිම වෙනත් ස්‌ථානයකින් මෙම ස්‌ථානයට ගෙන එන ලද ඒවා බවත් මාස ගණනකට පෙර ගෙනැවිත් දමන්නට ඇති බවත් නිගමනය කරනු ලැබූහ. මෙම පිළිම පුරාවිද්‍යා නිලධාරීන් වෙත...
