කහ සිවුරට සේම සුදු ලෝගුවටත් නීතිය එක ලෙස ක්‍රියාත්මක විය යුතු බව ජාතික හෙළ උරුමයේ මහ ලේකම් ඇමැති පාඨලී චම්පික රණවක මහතා ඊයේ (28 වැනිදා) අවධාරණය කළේය.ආගමික සංහිඳියාව ඇති කිරීමට රටේ එක නීතියක්‌ ක්‍රියාත්මක විය යුතු බවත් හෙතෙම සඳහන් කළේය.
රායප්පු ජෝසප් හිමිපාණන් සිදු කරන නීති විරෝධී ක්‍රියාවන්ට නීතිය ක්‍රියාත්මක වීමක්‌ හෝ ප්‍රශ්න කිරීමක්‌ නොමැති බවත් කී පාඨලී චම්පික රණවක මහතා ඔහුට එරෙහිව වහා නීතිය ක්‍රියාත්මක විය යුතු බවත් කීවේය.
ආගමික ගැටුම් නිරාකරණය කිරීම සඳහා පොලිස්‌ ඒකකයක්‌ ස්‌ථාපිත කිරීම හොඳ පියවරක්‌ නොවන බවත් ඒ තුළින් ප්‍රශ්නවලට නිසි පිළිතුරු බලාපොරොත්තු විය නොහැකි බවත් හෙතෙම කීවේය.
මෙම ප්‍රශ්නයන්ට සැබෑ විසඳුම් සිය පක්‌ෂය ගෙන ආ අන්‍යාගම්කරණ පනතේ තිබූ බවත් අවාසනාවකට එය සම්මත කර ගැනීමට නොහැකි වූ බවත් හෙතෙම පැවැසීය.
සිරිමන්ත රත්නසේකර
http://www.divaina.com/2014/04/29/news24.html
Pic Source
0 comments:
Post a Comment