Pages

Monday, April 14, 2014

SLT දකුණු ආසියාවේ ප්‍රථම අති නවීන මුහුදු සංදාම නඩත්තු මධ්‍යස්‌ථානය ඉදිකිරිම් මෙහෙයුම් ක්‍රියාත්මක කරයි

ජාතික තොරතුරු සංනිවේදන තාක්‍ෂණ සැපයුම්කරු වන ශ්‍රී ලංකා ටෙලිකොම් සමාගමට දකුණු ආසියාවේ ප්‍රථම අති නවීන මුහුදු සංදාම නඩත්තු මධ්‍යස්‌ථානය ඉදිකර මෙහෙයුම් ක්‍රියාත්මක කිරීමට අවස්‌ථාව සැලසි ඇති බව සමාගම සතුටින් දන්වා සිටී. ශ්‍රී ලංකාවට අතිශයින් වැදගත් වන්නාවූ විදුලි සංදේශ ක්‍ෂෙත්‍රයේ වැදගත් සන්ධිස්‌ථානයක්‌ වු මෙම පියවර සඳහා ජනාධිපතිපති මහින්ද රාජපක්‍ෂ මැතිතුමාගේ මගපෙන්වීම හා සහයෝගය වෙනුවෙන් සමාගමේ කෘතවේදිතාව පළකරනු වස්‌ ඉකුත් සතියේ තංගල්ල කාල්ටන් නිවසේදී එතුමා වෙත සමරු ඵලකයක්‌ පිළිගන්වන ලදී. විදුලි සංදේශ සහ තොරතුරු සංනිවේදන ගරු අමාත්‍ය රංජිත් සියඹලාපිටිය, තරුණ කටයුතු හා නිපුණතා සංවර්ධන අමාත්‍ය ඩලස්‌ අලහප්පෙරුම සහ පාර්ලිමේන්තු මන්ත්‍රී නාමල් රාජපක්‍ෂ යන මැති ඇමති වරුන්ද, ශ්‍රී ලංකා ටෙලිකොම් සමාගම නියෝජනය කරමින් එහි සභාපති නිමල් වෙල්ගම මහතා, අධ්‍යක්‍ෂවරුන් වන ජයන්ත ධර්මදාස සහ ෂමීන්ද්‍ර රාජපක්‍ෂ යන මහත් වරුන්ද ශ්‍රී ලංකා ටෙලිකොම් සමූහ ප්‍රධාන විධායක නිලධාරි ලලිත් ද සිල්වා මහතා සහ තවත් ජ්‍යෙෂ්ඨ නිලධාරින් පිරිසක්‌ද සහභාගි වූහ.

ශ්‍රී ලංකා ටෙලිකොම් සමාගම මෙහිදි අග්නිදිග ආසියාවේ සහ ඉන්දියානු සාගරයේ සංදාම නඩත්තු ගිවිසුම සඳහා නැවි සේවා සැපයුම්කරුවන, සීමාසහිත ඉන්දියන් ඕෂන් කේබල්ෂිප් පෞද්ගලික සමාගමත් සමග එක්‌ව සංදාම තොට කටයුතු ක්‍රියාත්මක කරනු ඇත. ශ්‍රී ලංකා රජය විසින් හම්බන්තොට මාගම්පුර මහින්ද රාජපක්‍ෂ සංදාම තොට සඳහා නිදහස්‌ තොටපළ ප්‍රතිපත්ති ප්‍රකාශයත් බදු සහනත් නිසා මෙම අවස්‌ථාව උදාකරගත හැකිවිය.

අග්නිදිග ආසියා සහ ඉන්දියානු සාගර සංදාම නඩත්තු ගිවිසුම යනු මුහුදු සංදාම නඩත්තු කරනු ලබන ජාත්‍යන්තර සුසංධානයකි. රට පසුකරයන බහුවිධ සමුqද්‍රස්‌ථ සංදාම පද්ධති ගණනාවක්‌ දැනටමත් ක්‍රියාත්මක වන ඉතා වැදගත් සන්ධිස්‌ථානයක්‌ වන ශ්‍රී ලංකාව, අග්නිදිග ආසියවේ එකම මුහුදු සංදාම නඩත්තු මධ්‍යස්‌ථානය වේ. මෙම පියවරට පෙර සිංගප්පූරුවද ජාත්‍යන්තර සංදාම පද්ධතිවලට පහසුකම් සපයනු පිණිස මුහුදු සංදාම තොටක්‌ අධීක්‌ෂණය කර ඇත. මෙම සංදාම පද්ධතිය දකුණු ආසියානු කලාපයේ කලාපයේ ක්‍රියාත්මක වුවද, එයට අනාගතයේදී රටේ ආර්ථිකය ශක්‌තිමත් කරනු පිණිස විදේශ විනිමය ගෙන ඒමට හැකිවෙනු ඇතැයි සමාගම විශ්වාසය පළ කරයි. 

සංස්‌කරණය - අසෝක වන්නිආරචචි
http://www.divaina.com/2014/04/06/economic01.html

0 comments: