කූරගල කැණීම්වලින් ප‍්‍රාග් මානවයාගේ වගතුගත් හෙළිවේ

ප‍්‍රාග් මානව යුගය දක්වා දිගු ඉතිහාසයක තොරතුරු බලංගොඩ කූරගල පුරාවිද්‍යා රක්ෂිතයේ සිදුකෙරෙන පර්යේෂණවලින් හමුවෙමින් පවතින බව පුරාවිද්‍යා දෙපාර්තමේන්තුව පවසයි.

කූරගල පුරාවිද්‍යා රක්ෂිතය  ඓතිහාසික තත්ත්වයේ ලෙන් සහිත ආරාම සංකීර්ණයකින් සමන්විත බවත් මෙම පුරාවිද්‍යා රක්ෂිතයේ කැණීම් හා මතුපිට ගවේෂණ ජාතික උරුමයන් පිළිබද අමාත්‍යවරයාගේ එම අමාත්‍යංශ ලේකම්වරයාගේ පුරාවිද්‍යා අධ්‍යක්ෂ ජනරාල් සෙනරත් දිසානායක මහතාගේ හා කැනීම් අධ්‍යක්ෂ නිමල් පෙරේරා මහතාගේ මගපෙන්වීම  යටතේ සිදුකරන බව පුරාවිද්‍යා සංර්ක්ෂණ භූමියේ කැණීම් නිලධාරී කමල් නන්ද සිරිසේන මහතා සදනන් කළේය.

‘අපි විශ්වාස කළා කැණීම් ආරම්භයට පෙර ඉදන්ම මේ ප‍්‍රදේශය ඓතිහාසික  බැවින් වැඩි ඇති කියලා. ගල් යුගයටත්  පෙර ප‍්‍රාග් මානවයාගේ යුගය දක්වා යා හැකි ඉතිහාසයක් ඇති බවට සාක්ෂි හමුවෙමින් පවතිනවා. මෙතැන ක‍්‍රි පූ දෙවන සියවසේ සිට නෂ්ටාවශේෂ වගේම මතුපිටින් පෙනෙන ලෙන් අක්ෂර සටහන් වගේ  දේවල් තිබෙනවා.  ඒ වගේම කැනීම්වලදී ඊට වඩා වැඩි ඉතිහාසයක  දේත් අපේක්ෂා කළ හැකියි. මතුපිටින් දකින්න ඇති ඇතැම් දේත් අපි සිදුකළ පූර්ව පරීක්ෂණ අතරේ අපිට ගල් යුගයට පෙර ඉතිහාසයේ සාක්ෂි පවා හමුවෙමින් තිබෙනවා.

ප‍්‍රාග් මානවයා මෙතැන ජීවත්වෙලා හැරගියාට පසුව භික්ෂූන් වහන්සේලා මෙතැන ලෙන් භාවිතයට අරගෙන තිබෙනවා. ඒ පිරිස මෙතැන භාවිතයට ගනිද්දී ඇතැම් පස් ඉවත් කරලා ඒ ස්ථාන සකසාගෙන තියෙනවා. ඒ ඉවත් කරපු පස් ස්ථරවලින් ප‍්‍රාග් මානවයා භාවිතා කළ ගල් ආයුධ විසිරී තිබිලා අපට හමුවුණා. ලෙන්වලට පිටතින් සහ ලෙන් ඇතුළතින් වශයෙන් අපි කරපු කැනීම්වලදී දියුණු තාක්ෂණය යොදාගෙන සකස් කරගෙන භාවිතයට ගත් ආයුධ රැුසක් හමුවුණා.

වදවී ගිය වල්ගවරාගේ, ගෝනා, මුවා වගේ සතුන්ගේ කොටස් පවා සොයාගත හැකිවුණා. අපි මේ වෙනකොට සිදුකරලා තියෙන අඩියක් අඩි එකහමාරක් වගේ වන කැණීමකින් මෙතරම් වැදගත් දේ සොයා ගත හැකිවීම සතුටක්. ඒ වගේම  ඇතැම් ජ්‍යාමිතික හැඩතල තියන සියුම් කළුගල් ආයුද මේ තරම් මතුපිටින් සොයාගත හැකිවීම නිසා අපි මැතැනින් දිගු ඉතිහාසයක් අපේක්ෂා කරනවා’ යයිද ඒම හතා සඳහන් කලේය.

May 1, 2013 at 9:59 am | lanka C news

http://lankacnews.com/sinhala/news/93712/

[
සබැඳි ලිපි -
කූරගල මුස්ලිම් පල්ලිය ඉවත් කරන්නේ නෑ - ජගත් බාලසූරිය
http://denethharinna.blogspot.com/2013/04/blog-post_1747.html
කුරගල බොදු පිම්බිමේ අතීතය සොයා පුරාවිදු කැණීම්
http://denethharinna.blogspot.com/2013/04/blog-post_9769.html
අහිමි කෙරුමට සැරසෙන බොදු උරුමය "කුරගල" රැකගැනුමට, විරු දරුවනි ඔබ සූදානම්ද?
http://denethharinna.blogspot.com/2013/01/blog-post_25.html
දඹුල්ල අනවසර පල්ලිය, මුහුදු මහා විහාරය ඩෝසර් කිරීම, කූරගල බොදු බිම ආදිය පිළිබඳ මුස්ලිම් අන්තවාදයේ නිරුවත සැකෙවින්...
http://denethharinna.blogspot.com/2012/07/blog-post.html
කූරගල මහ පින්කමට කුලු පොලු පොලිස් හමුදාවක් කඩා පනී
http://denethharinna.blogspot.com/2013/01/blog-post_29.html
]