Pages

Friday, December 13, 2013

ජයන්ත යළි "මහරජ ගැමුණු" වැඩ අරඹයි

තමා විසින් කාලයක්‌ මුළුල්ලේ සිදු කරනු ලැබූ ගැඹුරු ගවේෂණයක ප්‍රතිඵල වශයෙන් ශ්‍රී ලාංකේය වංශ කථා සිනමාවට (Choronical Cinama) ඉතාම ප්‍රශස්‌ත මට්‌ටමින් ඉදිරිපත් කිරීමට ප්‍රවීණ චිත්‍රපට අධ්‍යක්‍ෂ ජයන්ත චන්ද්‍රසිරි උත්සාහ කළ "මහරජ ගැමුණු" චිත්‍රපටය අදාළ නිෂ්පාදන පිරි වැය තත්ත්වයන් මත 2009 වර්ෂයේදී තාවකාලිකව නතර කෙරිණි.

එහෙත්, එහි එක්‌ ප්‍රතිඵලයක්‌ වූයේ එම ආකර්ෂණීය තිර රචනය ඇසුරින් ජයන්ත චන්ද්‍රසිරි විසින්ම ජනප්‍රිය ඓතිහාසික නවකතාවක්‌ රචනා කරනු ලැබීමය. සීග්‍රයෙන් අලෙවි වූ "මහරජ ගැමුණු" නව කතාව විද්වත් ගුණදාස අමරසේකරයන් විසින් හඳුන්වන ලද්දේ භාවිෂ්‍යත් විදර්ශනාවක්‌ ගැබ් වූ උසස්‌ නිර්මාණයක්‌ වශයෙනි.

සිප්වින් චිත්‍රපට සමාගම වෙනුවෙන් ජයන්ත චන්ද්‍රසිරි දැන් යළිත් "මහරජ ගැමුණු" චිත්‍රපටයේ වැඩකටයුතු ආරම්භ කර තිබේ.

දිවයිනේ ඉතාම ජනප්‍රිය සහ ප්‍රවීණ සිනමා ශිල්පීන් විශාල ප්‍රමාණයක්‌ සමග නවක නළු නිළියන් දහසකට අධික සංඛ්‍යාවක්‌ චරිත නිරූපණයේ යෙදෙන "මහරජ ගැමුණු" චිත්‍රපටයේ රූ ගත කිරීම් ආරම්භ වන්නේ ජනවාරි මාසයේ අගභාගයේදීය. මෙය ශ්‍රී ලංකාව තුළ නිපදවෙන ඉතාම දැවැන්ත චිත්‍රපටය පමණක්‌ නොව ඉතාම සංවේදී චිත්‍රපටයද විය හැකියෑයි එහි නිෂ්පාදක ගුණපාල රත්නසේකර පවසයි.

http://www.divaina.com/2013/12/13/cineart02.html

1 comments:

Anusha Kuruwita said...

විකාශය වූ ටෙලිනාට්‍ය,සින්දු වීඩියෝ,ටියුටෝරියල්,සිනමා බලන්න පිවිසෙන්න http://tvmart.blogspot.com/ හැමදෙයක්ම එකම තැනකින්